ზედამხედველი

"ჯორჯიან უოთერ ენდ ფაუერი" წამყვანი კომპანიაა საქართველოს წყალმომარაგების ბაზარზე, რომლის მიზანია თბილისისა და მისი შემოგარენის ხარისხიანი, უსაფრთხო და საიმედო წყალმომარაგებით უზრუნველყოფა. GWP 2022 წლიდან ესპანური ჰოლდინგის Aqualia-ს წევრი ორგანიზაციაა. Aqualia წყალმომარაგების დარგში ერთ-ერთი მოწინავე კომპანიაა, რომელიც 19 ქვეყანაში ოპერირებს.

ვეძებთ გუნდის ახალ წევრს ზედამხედველის პოზიციაზე.

გრაფიკი: ორშაბათი - პარასკევი 09:00 დან 18:00 მდე

ძირითადი მოვალეობები:

• სარეაბილიტაციო და სამშენებლო სამუშაოების ტექნიკური ზედამხედველობა;
• სამშენებლო/სამონტაჟო სამუშაოების მიმდინარეობის, მასალების, ნაკეთობებისა და კონსტრუქციების ხარისხის კონტროლი;
• საველე სამუშაოების მოქმედ კანონმდებლობასთან და კომპანიის შიდა სტანდარტებთან შესაბამისობის უზრუნველყოფა;
• სამუშაოების პროექტის შესაბამისად განხორციელების კონტროლი;
• ვადების კონტროლი;
• საპროექტო-სახარჯთაღრიცხვო და სხვა სახის დოკუმენტაციის კონტროლი;
• სამუშოების წარმოებისას ტექნიკური და ადმინისტრაციული დარღვევების გამოვლენა და დოკუმენტირება; დარღვევების აღმოფხვრის უზრუნველყოფა;
• ინციდენტების ანალიზისა და პრევენციული ზომების განსაზღვრის პროცესში ჩართულობა;
• პროექტების მიღება-ჩაბარების პროცესში ჩართულობა; შესაბამისი დოკუმენტაციის წარმოება;
• შესრულებული სამუშაოების შესახებ ანგარიშის წარდგენა;
• კომპანიის შინაგანაწესით, დებულებებით, ბრძანებებით, შრომითი ხელშეკრულებითა და წინამდებარე ინსტრუქციით გათვალისწინებული პირობების შესრულება და დაცვა.

საკვალიფიკაციო მოთხოვნები:

• ბაკალავრის ხარისხი სამშენებლო მიმართულებით;
• მსგავს პოზიციაზე მუშაობის არანაკლებ 1 წლიანი გამოცდილება.
• სამშენებლო-სამონტაჟო სამუშაოების შესრულებასთან დაკავშირებული დადგენილებების, განკარგულებების, ბრძანებების, მეთოდური და ნორმატიული მასალების ცოდნა;
• ნახაზებთან მუშაობის გამოცდილება;
• Ms Office პროგრამების საშუალო დონეზე ცოდნა;
• ინგლისური ენის B2 დონეზე ფლობა.