ვაჭრობის განვითარებისა და საერთაშორისო ეკონომიკური ურთიერთობების დეპარტამენტის სტაჟიორი

პოზიციის დასახელება:

ვაჭრობის განვითარებისა და საერთაშორისო ეკონომიკური ურთიერთობების დეპარტამენტის სტაჟიორი

კონკურსის ტიპი:

სტაჟირება

ორგანიზაცია:

საქართველოს ეკონომიკისა და მდგრადი განვითარების სამინისტრო

ორგანიზაციის შესახებ:

ეკონომიკისა და მდგრადი განვითარების სამინისტრო შეიმუშავებს და ახორციელებს ქვეყნის ეკონომიკური განვითარების ამოცანებს.

სამინისტრო სტაჟიორს სთავაზობს:

- ქვეყნის განვითარებისთვის მნიშვნელოვან საქმიანობაში მონაწილეობის შესაძლებლობას;

- პროფესიული უნარ-ჩვევების და პრაქტიკული გამოცდილების მიღებისა და განვითარების შესაძლებლობას;

- საინტერესო, სიახლეებით და გამოწვევებით სავსე სტაჟირების პერიოდს.

- გუნდურ, მეგობრულ და სწავლებაზე ორიენტირებულ კორპორატიულ გარემოს.

ეკონომიკისა და მდგრადი განვითარების სამინისტრო გისურვებთ წარმატებას პროფესიულ და კარიერულ განვითარებაში.

სრული ინფორმაციისათვის იხილეთ: www.economy.ge

კატეგორია:

საგარეო ვაჭრობა

განცხადების ბოლო ვადა:

30.10.2026

თანამდებობრივი სარგო:

720 ლარი

ადგილების რაოდენობა:

1

სამსახურის ადგილმდებარეობა:

თბილისი

სამუშაოს ტიპი:

სრული განაკვეთი

ფუნქციები:

სტაჟიორის მენტორის უშუალო ზედამხედველობით, სტაჟიორი მონაწილეობას მიიღებს შემდეგ პროცესებში:

- ქვეყნებთან სავაჭრო ბრუნვის ანალიზი (ექსპორტ-იმპორტი) და შესაბამისი რეკომენდაციების მომზადება;

- ქვეყნის საექსპორტო პოტენციალის ოპტიმალურად გამოყენების და გაფართოების მიზნით, ქვეყნების ადგილობრივი ბაზრების შესწავლა, ანალიზი და შესაბამისი რეკომენდაციების მომზადება;

- ქვეყნებში ექსპორტიორების შესახებ ინფორმაციის მოგროვება, აღრიცხვა და მათი კატეგორიზაცია, ზომის და სხვა საჭირო მახასიათებლების მიხედვით;

- საქართველოს და სხვა ქვეყნების დელეგაციების ურთიერთვიზიტებისათვის შესაბამისი სამუშაოს განხორციელება, მათ შორის სხვადასხვა მასალების მომზადება;

- დიპლომატიურ კორპუსთან, სხვადასხვა სამინისტროებთან და უწყებებთან თანამშრომლობა.

მინიმალური განათლება:

სტუდენტი

საკონკურსო თემატიკა:

• „საქართველოს საერთაშორისო ხელშეკრულებების შესახებ“ საქართველოს კანონი;
• ,,საქართველოს ეკონომიკისა და მდგრადი განვითარების სამინისტროს დებულების დამტკიცების შესახებ“ საქართველოს მთავრობის 2016 წლის 11 თებერვლის №70 დადგენილება.

საკონკურსო კომისიის მისამართი:

თბილისი, კ. კეკელიძის ქ N4

საკონტაქტო ტელეფონები:

0322991060; 0322991107

საკონტაქტო პირი:

მარიამ სანებლიძე

დამატებითი მოთხოვნები:

ა) იცის სახელმწიფო ენა;

ბ) სწავლობს უმაღლესი განათლების პირველ (დამამთავრებელი სასწავლო წლის შემთხვევაში) ან მე-2 ან მე-3 საფეხურზე ან/და დასრულებული აქვს უმაღლესი განათლების ერთ-ერთი საფეხური საერთაშორისო ეკონომიკური ურთიერთობების მიმართულებით;

გ) სასურველია კანდიდატს ჰქონდეს გამოცდილება სავაჭრო და საინვესტიციო მონაცემების მიმოხილვისა და ანალიზის, აგრეთვე საექსპორტო ბაზრების შესახებ ინფორმაციის მოძიების, დამუშავებისა და ანალიზის მიმართულებით.

დამატებითი ინფორმაცია:

განაცხადის გამოგზავნით კანდიდატი ადასტურებს, რომ იცნობს და ეთანხმება კონკურსის შესახებ შეტყობინებაში მოცემულ მოთხოვნებს, ფუნქციებსა და პირობებს. ასევე, ის თანახმაა, თავის განაცხადში მითითებული პერსონალური მონაცემები, „პერსონალურ მონაცემთა დაცვის შესახებ“ საქართველოს კანონის მოთხოვნათა შესაბამისად, დამუშავდეს სტაჟიორის შერჩევის მიზნებით და ასევე, გამოთქვამს თანხმობას ამავე კონკურსის ფარგლებში კანდიდატის შესახებ საჭირო ინფორმაციის/დოკუმენტის მოძიების/გადამოწმების თაობაზე.

- სავალდებულოა აიტვირთოს განათლების დამადასტურებელი ცნობა საკონკურსო განაცხადის შესაბამისად.

შეფასების ეტაპზე:

- კანდიდატის შეფასება მოხდება გასაუბრებით;

- საკონკურსო თემატიკის შესაბამისად შემოწმდება ცოდნა და ანალიზის უნარი, გასაუბრების ეტაპზე.

კანდიდატის შეფასების მაქსიმალურ ქულად განისაზღვრება 10.

პირი სტაჟიორად არ მიიღება, თუ:

- იგი ნასამართლევია განზრახი დანაშაულისთვის;

- იგი საჯარო სამსახურიდან გათავისუფლდა დისციპლინური გადაცდომის ჩადენისთვის და დისციპლინური გადაცდომის ჩადენისთვის გათავისუფლებიდან 1 წელი არ გასულა;

- მან სტაჟიორად მიღებისას არ წარადგინა საქართველოს კანონმდებლობით დადგენილი ფორმის ნარკოლოგიური შემოწმების ცნობა ან წარდგენილი ნარკოლოგიური შემოწმების ცნობა ადასტურებს მის მიერ ნარკოტიკული საშუალების მოხმარების ფაქტს;

- იგი სასამართლომ მხარდაჭერის მიმღებად ცნო, თუ სასამართლოს გადაწყვეტილებით სხვა რამ არ არის განსაზღვრული;

- თუ სტაჟირების მსურველი პირის მიერ იმავე საჯარო დაწესებულებაში 2022 წლის 1 ნოემბრიდან გავლილი სტაჟირების საერთო ვადა შეადგენს 12 თვეს.

მნიშვნელოვანია, რომ იმ საჯარო დაწესებულებაში სტაჟირება, სადაც მუშაობა ითვლება საჯარო სამსახურად, ჩაითვლება საჯარო სამსახურის სტაჟში, ხოლო საჯარო დაწესებულებაში შემავალ საჯარო ან/და კერძო სამართლის იურიდიული პირში სტაჟირება - საერთო სტაჟში/სამუშაო გამოცდილებაში.

სტუდენტის აქტიური სტატუსის მქონე სტაჟიორს, მოთხოვნის შემთხვევაში, სასწავლო პროცესთან სტაჟირების ინტეგრირების მიზნით, შესაძლებელია დაუდგინდეს სტაჟირების სპეციალური გრაფიკი.

გადაწყვეტილების მიღების ფორმა და ვადა:

გადაწყვეტილება მიიღება საკონკურსო კომისიის მიერ ქულათა სისტემით, განაცხადების მიღების ვადის დასრულებიდან არაუგვიანეს 1 თვის ვადაში.