უმცროსი სპეციალისტი დებიტორული დავალიანებების მიმართულებით

"აღმოსავლეთ-დასავლეთ უნივერსიტეტი" ეძებს მოტივირებულ და პასუხისმგებლობიან თანამშრომელს დებიტორული დავალიანებების მართვის მიმართულებით, რომლის ძირითადი პასუხისმგებლობა იქნება უცხოელი სტუდენტების სწავლის საფასურისა და დავალიანებების კონტროლი, სტუდენტებთან და პარტნიორ სააგენტოებთან კომუნიკაცია.

დასახელება: უმცროსი სპეციალისტი დებიტორული დავალიანებების მიმართულებით

სამუშაოს ადგილმდებარეობა: თბილისი, უზნაძის ქ. 68ბ.

მიმწოდებელი: შპს აღმოსავლეთ-დასავლეთ უნივერსიტეტი

სამუშაო განაკვეთი: 10:00-დან 18:00-მდე (დასვენების დღეები შაბათი/კვირა)

ანაზღაურება: შეთანხმებით

ძირითადი მოვალეობები:

• უცხოელი სტუდენტების სწავლის საფასურისა და დავალიანებების მონიტორინგი;
• სტუდენტებთან ინგლისურ ენაზე კომუნიკაცია გადახდის ვადებისა და არსებული დავალიანებების შესახებ;
• ვადაგადაცილებულ დავალიანებებზე სტუდენტებთან რეგულარული კომუნიკაცია და თანხების ამოღების პროცესის კოორდინაცია;
• პარტნიორ სააგენტოებთან კომუნიკაცია და ფინანსურ საკითხებზე კოორდინაცია;
• სტუდენტებისა და სააგენტოების მიხედვით დებიტორული დავალიანებების რეესტრის წარმოება და განახლება;
• განხორციელებული გადახდების კონტროლი და ფინანსურ მონაცემებთან შეჯერება;
• პერიოდული ფინანსური ინფორმაციისა და მარტივი რეპორტების მომზადება;
• საჭიროების შემთხვევაში სტუდენტისთვის ფინანსური ცნობის ან ინვოისის მომზადება;
• ფინანსურ გუნდთან ყოველდღიური კოორდინაცია;
• პერსონალური და ფინანსური ინფორმაციის უსაფრთხოებისა და კონფიდენციალურობის დაცვა.

საკვალიფიკაციო მოთხოვნები:

• უმაღლესი განათლება ფინანსების, ეკონომიკის, ბიზნესის ადმინისტრირების ან მონათესავე სპეციალობების მიმართულებით; პოზიციაზე განიხილება დამამთავრებელი კურსის სტუდენტის დასაქმებაც;
• ინგლისური ენის სულ მცირე C1 დონე (ვერბალური და წერითი კომუნიკაციის გამართული ცოდნა);
• MS Excel-ის კარგი ცოდნა და ძირითადი ფორმულების პრაქტიკაში გამოყენების უნარი (SUM, SUMIF/SUMIFS, IF, COUNTIF/COUNTIFS, VLOOKUP/XLOOKUP და სხვა);
• მონაცემების დამუშავებისა და მარტივი ფინანსური ცხრილების მომზადების უნარი;
• კარგი წერილობითი და ზეპირი კომუნიკაციის უნარი;
• პასუხისმგებლობა, ორგანიზებულობა და დეტალებზე ორიენტირებულობა;
• ფინანსურ სფეროში სამუშაო გამოცდილება ჩაითვლება უპირატესობად.

დაინტერესებულ კანდიდატებს გთხოვთ, თქვენი რეზიუმე გამოგზავნოთ შემდეგ ელექტრონულ მისამართზე: HR@eastwest.edu.ge და სათაურის ველში მიუთითოთ პოზიციის დასახელება.

აღმოსავლეთ-დასავლეთ უნივერსიტეტი მადლობას გიხდით ვაკანტური თანამდებობით დაინტერესებისთვის და გისურვებთ წარმატებებს.

ვაკანსიაზე განაცხადის შემოტანით ადასტურებთ, რომ თანახმა ხართ, უნივერსიტეტმა პერსონალურ მონაცემთა დაცვის შესახებ კანონის ფარგლებში შეაგროვოს, დაამუშაოს და შეინახოს თქვენი პერსონალური ინფორმაცია, რომელიც ჩვენი კომპანიის მიერ დამუშავდება თქვენთან შრომითი ურთიერთობის დამყარების შესახებ გადაწყვეტილების მიღების მიზნებისათვის. დასაქმების შესახებ უარყოფითი გადაწყვეტილების მიღების შემთხვევაში უნივერსიტეტი იტოვებს უფლებას, შეინახოს და დაამუშაოს თქვენგან მიღებული ინფორმაცია, მათ შორის პერსონალური მონაცემები, მიღებიდან 1 წლის განმავლობაში, შემდგომი დასაქმების შეთავაზებებისთვის. თქვენ გაქვთ უფლება, ნებისმიერ დროს მოგვმართოთ ამავე გზით და მოითხოვოთ მონაცემების წაშლა ან/და გამოყენების შეწყვეტა.