უმაღლესი განათლების ხარისხის უზრუნველყოფის სამსახურის კოორდინატორი

პოზიციის დასახელება:

უმაღლესი განათლების ხარისხის უზრუნველყოფის სამსახურის კოორდინატორი

კონკურსის ტიპი:

ღია კონკურსი

ორგანიზაცია:

სსიპ - განათლების ხარისხის განვითარების ეროვნული ცენტრი

ორგანიზაციის შესახებ:

სსიპ - განათლების ხარისხის განვითარების ეროვნული ცენტრი, საგანმანათლებლო დაწესებულებების გარე ხარისხის უზრუნველყოფის მიზნით, ახორციელებს საგანმანათლებლო დაწესებულებების ავტორიზაციას და საგანმანათლებლო პროგრამების აკრედიტაციას, ასევე მონიტორინგს უწევს ავტორიზაციისა და აკრედიტაციის სტანდარტების შესრულებას. იგი მუშაობს განათლების ხარისხის უზრუნველყოფის როგორც გარე, ასევე შიდა მექანიზმების განვითარებაზე, დანერგვასა და შესაბამისი რეკომენდაციების შემუშავებაზე. ცენტრი ხელს უწყობს საგანმანათლებლო პროგრამების შემუშავებასა და განვითარებას. ასევე ევროპულ საგანმანათლებლო სივრცესთან დაახლოების და შესაბამისობის უზრუნველყოფის მიზნით, იგი მუშაობს ეროვნული საკვალიფიკაციო ჩარჩოს დახვეწაზე; საგანმანათლებლო დოკუმენტების სანდოობისა და მიღებული განათლების სწავლის შედეგების სახელმწიფოს მიერ აღიარებულ კვალიფიკაციებთან შესაბამისობის დადგენის მიზნით, ცენტრი ახორციელებს საგანმანათლებლო დოკუმენტების აღიარებას, ნამდვილობის დადასტურებას; საგანმანათლებლო დოკუმენტების ლეგალიზაციისა და აპოსტილით დამოწმების მიზნით აწვდის ინფორმაციას სახელმწიფო სერვისების განვითარების სააგენტოს. ასევე ამოწმებს განათლების დამადასტურებელი სახელმწიფო დოკუმენტის-დიპლომის ენობრივ სისწორეს. ცენტრი თანამშრომლობს სხვა ქვეყნების ხარისხის უზრუნევლყოფის სააგენტოებთან და საერთაშორისო ორგანიზაციებთან.

კატეგორია:

ხარისხის მართვა

განცხადების ბოლო ვადა:

13.11.2026

თანამდებობრივი სარგო:

3035 ლარი

ადგილების რაოდენობა:

1

სამსახურის ადგილმდებარეობა:

თბილისი

სამუშაოს ტიპი:

სრული განაკვეთი

გამოსაცდელი ვადა:

6 თვე

ფუნქციები:

1. მოქმედი სამართლებრივი აქტების შესაბამისად უმაღლესი საგანმანათლებლო დაწესებულებების ავტორიზაციის, უმაღლესი საგანმანათლებლო პროგრამების, ასევე უმაღლესი საგანმანათლებლო პროგრამების კლასტერის აკრედიტაციის, დაწესებულებაში სტუდენტთა ადგილების, მათ შორის მედიცინის საგანმანათლებლო პროგრამაზე ზღვრული რაოდენობის გაზრდის, და სააპელაციო საჩივრების განხილვის პროცესების განხორციელება და კოორდინირება, კერძოდ:

ა) უმაღლესი საგანმანათლებლო დაწესებულებების ავტორიზაციის და დაწესებულებაში სტუდენტთა ადგილების ზღვრული რაოდენობის გაზრდისა პროცესების განხორციელება და კოორდინირება - საავტორიზაციო, დაწესებულებაში სტუდენტთა ადგილების ზღვრული რაოდენობის გაზრდის, განაცხადის განხილვა, ავტორიზაციის მაძიებლობის ან საფასურის განსაზღვრის პროცესების განხორციელება, ავტორიზაციის ექსპერტთა ჯგუფის ვიზიტის დაგეგმვა-კოორდინაცია, ავტორიზაციის ექსპერტთა ჯგუფის მიერ წარმოდგენილი დასკვნის პროექტის ტექნიკურ მოთხოვნებთან შესაბამისობის დადგენა და დაინტერესებული მხარეებისათვის გაცნობა, ავტორიზაციის საბჭოს სხდომების ჩატარების ადმინისტრირება და კოორდინირება;

ბ) უმაღლესი საგანმანათლებლო პროგრამების, ასევე უმაღლესი საგანმანათლებლო პროგრამების კლასტერის აკრედიტაციის, მედიცინის საგანმანათლებლო პროგრამაზე სტუდენტთა ადგილების ზღვრული რაოდენობის პროცესის განხორციელება და კოორდინირება - სააკრედიტაციო განაცხადის განხილვა, აკრედიტაციის მაძიებლობის პროცესის განხორციელება, აკრედიტაციის ექსპერტთა ჯგუფის ვიზიტის დაგეგმვა-კოორდინაცია, აკრედიტაციის ექსპერტთა ჯგუფის მიერ წარმოდგენილი დასკვნის პროექტის ტექნიკურ მოთხოვნებთან შესაბამისობის დადგენა და დაინტერესებული მხარეებისათვის გაცნობა, აკრედიტაციის საბჭოს სხდომების ჩატარების ადმინისტრირება და კოორდინირება;

გ) ავტორიზაციის და აკრედიტაციის საბჭოების გადაწყვეტილებების, სხდომის ოქმებისა და ავტორიზაციის და აკრედიტაციის ექსპერტთა ჯგუფების დასკვნების საჯაროობის) პროცესის კოორდინირება;

დ) სააპელაციო საჩივრების განხილვის პროცესის განხორციელება და კოორდინირება - განაცხადის განხილვა, წარმოებაში მიღების უზრუნველყოფა, სააპელაციო საჩივრის განხილვის საფასურის (ასეთის არსებობის შემთხვევაში) განსაზღვრის უზრუნველყოფა, სააპელაციო საბჭოს სხდომების ჩატარების ორგანიზება-ადმინისტრირება, სხდომის ოქმების, გადაწყვეტილებების გაფორმების და მათი საჯაროობის პროცესის კოორდინირება;

ე) საავტორიზაციო, სააკრედიტაციო, დაწესებულების, მათ შორის მედიცინის საგანმანათლებლო პროგრამაზე სტუდენტთა ადგილების ზღვრული რაოდენობის გაზრდის, სააპელაციო საჩივრებისა და დამდგარი შედეგების შესახებ სტატისტიკური ინფორმაციის წარმოებისა და დამუშავების პროცესის კოორდინირება.

2. უმაღლესი განათლების ხარისხის უზრუნველყოფის მექანიზმების განვითარება ბოლონიის პროცესის ფარგლებში შემუშავებული რეკომენდაციების, მათ შორის, უმაღლესი განათლების ევროპული სივრცის ხარისხის უზრუნველყოფის სტანდარტებისა და სახელმძღვანელო პრინციპების (ESG) და ასევე სამედიცინო განათლების მსოფლიო ფედერაციის (WFME) მოთხოვნების შესაბამისად, კერძოდ:

ა) უმაღლესი საგანმანათლებლო დაწესებულებების ავტორიზაციისა და უმაღლესი საგანმანათლებლო პროგრამების და უმაღლესი საგანმანათლებლო პროგრამების კლასტერის აკრედიტაციის, დაწესებულების, მათ შორის მედიცინის საგანმანათლებლო პროგრამაზე სტუდენტთა ადგილების ზღვრული რაოდენობის გაზრდის, სააპელაციო საჩივრების განხილვის, უმაღლესი საგანმანათლებლო დაწესებულებების ავტორიზაციის და უმაღლესი საგანმანათლებლო პროგრამების აკრედიტაციის პირობების მონიტორინგის გზით შემოწმების, სააპელაციო საჩივრების განხილვის პროცესების პერიოდული შეფასება, ანალიზი და განვითარების მიზნით რეკომენდაციების შემუშავება და სამსახურის უფროსის მოადგილისთვის, სამსახურის უფროსისთვის წარდგენა;

ბ) ავტორიზაციისა და აკრედიტაციის სტანდარტებისა და პროცედურების განვითარების მიზნით, საერთაშორისო ექსპერტებთან, ორგანიზაციებთან და უცხოურ ხარისხის უზრუნველყოფის სააგენტოებთან თანამშრომლობა, რეკომენდაციების შემუშავება და შესაბამისი წინადადებების წარდგენა სამსახურის უფროსის მოადგილისთვის და სამსახურის უფროსისთვის;

გ) უმაღლესი განათლების ხარისხის უზრუნველყოფის მექანიზმების განვითარების მიზნით, თემატური ანალიზების განხორციელებისთვის საკითხების ინიცირება და თემატური ანალიზის განხორციელებაში მონაწილეობა.

3. ავტორიზაციის და აკრედიტაციის ექსპერტთა კორპუსების მართვა და განვითარება, ავტორიზაციის, უმაღლესი საგანმანათლებლო პროგრამების, უმაღლესი საგნმანათლებლო პროგრამების კლასტერის აკრედიტაციის პროცესებში საერთაშორისო ექსპერტების ჩართვის უზრუნველყოფა, კერძოდ:

ა) ავტორიზაციის და აკრედიტაციის ექსპერტთა კორპუსების განახლების მიზნით, შესაბამისი კანდიდატურების მოძიების პროცესის კოორდინირება;

ბ) ავტორიზაციისა და აკრედიტაციის ექსპერტებისთვის ტრენინგების, სამუშაო შეხვედრების, ორგანიზება და ჩატარება, ასევე დამხმარე სახელმძღვანელოების, მეთოდოლოგიების, გზამკვლევების შემუშავება და მათ განვითარებაზე ზრუნვა;

გ) ექსპერტთა კორპუსის წევრთა საქმიანობის შეფასების პროცესის ადმინისტრირება და კოორდინირება, ექსპერტთა საქმიანობის შეფასება, განხორციელებული შეფასებების ანალიზი, პერიოდულად შესაბამისი ანგარიშების მომზადება და სამსახურის უფროსის მოადგილისთვის, სამსახურის უფროსისთვის წარდგენა;

დ) ექსპერტთა სამუშაო დატვირთვის შესახებ სტატისტიკური ინფორმაციის წარმოების, ასევე ექსპერტთა პირადი საქმების პერიოდულ მონიტორინგისა და განახლების პროცესების კოორდინირება;

ე) ექსპერტთა საქმიანობის გაუმჯობესების მიზნით, შესაბამისი წინადადებების შემუშავება და სამსახურის უფროსის მოადგილისთვის, სამსახურის უფროსისთვის წარდგენა;

ვ) ავტორიზაციისა და აკრედიტაციის ექსპერტთა საქმიანობასთან დაკავშირებით ცენტრში წარმოდგენილი საჩივრების განხილვის პროცესის ადმინისტრირება.

4. ავტორიზაციის და აკრედიტაციის საბჭოების გადაწყვეტილებების, სხდომის ოქმებისა და ავტორიზაციის და აკრედიტაციის ექსპერტთა ჯგუფების დასკვნების საჯაროობის, მათ შორის ავტორიზაციის და აკრედიტაციის საბჭოების მიერ მიღებული გადაწყვეტილებების შესახებ ინფორმაციის და ავტორიზაციის და აკრედიტაციის ექსპერტთა ჯგუფების დასკვნების უმაღლესი განათლების ხარისხის განვითარების დამოუკიდებელი სააგენტოების ევროპულ რეესტრის (EQAR) მონაცემთა ბაზაში (DEQAR) განთავსების პროცესის კოორდინირება.
5. მოქმედი სამართლებრივი აქტების შესაბამისად უმაღლესი საგანმანათლებლო დაწესებულების ავტორიზაციის და საგანმანათლებლო პროგრამების აკრედიტაციის სტანდარტებთან შესაბამისობის დადგენის მიზნით მონიტორინგის პროცესების განხორციელება და კოორდინირება, კერძოდ:

ა) უმაღლესი საგანმანათლებლო დაწესებულებების ავტორიზაციის და უმაღლესი საგანმანათლებლო პროგრამების აკრედიტაციის სტანდარტებთან შემოწმების მიზნით, ცენტრში შემოსული წერილების, საჩივრების შესწავლა და შესაბამისი რეაგირების უზრუნველყოფა;

ბ) ავტორიზაციისა და აკრედიტაციის საბჭოების მიერ განსაზღვრული რეკომენდაციების შესრულების თაობაზე უმაღლესი საგანმანათლებლო დაწესებულების მიერ წარმოდგენილი ანგარიშების შესწავლის პროცესის კოორდინირება და შედეგების განხილვის უზრუნველყოფა ავტორიზაციის და აკრედიტაციის საბჭოების სხდომებზე;

გ) უმაღლესი საგანმანათლებლო დაწესებულებების მიერ არანაკლებ სამ წელიწადში ერთხელ წარმოსადგენი თვითშეფასების ანგარიშების შესწავლის პროცესის კოორდინირება;

დ) ავტორიზაციისა და აკრედიტაციის სტანდარტებთან შესაბამისობის დადგენის მიზნით გეგმიურ და არაგეგმიური მონიტორინგის პროცესების განხორციელება და კოორდინირება, შედეგების განხილვის უზრუნველყოფა ავტორიზაციის და აკრედიტაციის საბჭოების სხდომებზე;

ე) უმაღლესი საგანმანათლებლო დაწესებულების ავტორიზაციის და საგანმანათლებლო პროგრამების აკრედიტაციის სტანდარტებთან შესაბამისობის დადგენის მიზნით განხორციელებული მონიტორინგების, თვითშეფასების ანგარიშების შეფასებისა და დამდგარი შედეგების შესახებ სტატისტიკური ინფორმაციის დამუშავების პროცესის კოორდინირება და ანგარიშის წარდგენა სამსახურის უფროსის მოადგილისთვის, სამსახურის უფროსისთვის.

6. უმაღლესი განათლების ხარისხის უზრუნველყოფის, ავტორიზაციისა და აკრედიტაციის საკითხებთან დაკავშირებით უმაღლესი საგანმანათლებლო დაწესებულებებისა და სხვა დაინტერესებული პირებისთვის სამუშაო შეხვედრების ჩატარება;
7. უმაღლესი განათლების ხარისხის განვითარებაზე ორიენტირებული, ხელშემწყობი ღონისძიებების განხორციელების მიზნით, უმაღლესი საგანმანათლებლო დაწესებულებებისთვის, ავტორიზაციის, აკრედიტაციის და სააპელაციო საბჭოების წევრებისთვის და სხვა დაინტერესებული პირებისთვის განმავითარებელი ღონისძიებების (ტრენინგები, სამუშაო შეხვედრები, კონფერენციები და სხვა) დაგეგმვა და განხორციელება;
8. უმაღლესი საგანმანათლებლო დაწესებულებებისთვის და სხვა დაინტერესებული მხარეებისთვის რეკომენდაციების/სახელმძღვანელოების/მეთოდოლოგიების/გზამკვლევების შემუშავება და მათ განვითარებაზე ზრუნვა;
9. შესაბამისი კომპეტენციის მოქნე უცხოური ორგანიზაციის მიერ, საქართველოს კანონმდებლობის მოთხოვნათა დაცვით შემუშავებული უმაღლესი საგანმანათლებლო პროგრამების მინიჭებული აკრედიტაციის აღიარების პროცესის ადმინისტრირება;
10. ერთობლივი უმაღლესი საგანმანათლებლო პროგრამის განსახორციელებლად მის განმახორციელებელ დაწესებულებებს შორის კანონმდებლობით დადგენილი წესის შესაბამისად გასაფორმებელი ხელშეკრულების პროექტის შესწავლისა და შეთანხმების პროცესების ადმინისტრირება;
11. უმაღლესი განათლების ხარისხის უზრუნველყოფის ევროპული ასოციაციის (ENQA) მიერ განსახორციელებელი გარე შეფასებისათვის თვითშეფასების ანგარიშის მომზადების პროცესში მონაწილეობა;
12. სამედიცინო განათლების მსოფლიო ფედერაციის (WFME) მიერ განსახორციელებელი გარე შეფასებისათვის თვითშეფასების ანგარიშის მომზადების პროცესში მონაწილეობა;
13. სამსახურის კომპეტენციის ფარგლებში დამუშავებული/წარმოებული ინფორმაციის მიწოდება სსიპ - განათლების მართვის საინფორმაციო სისტემისთვის და სხვა დაინტერესებული პირებისთვის, მათ შორის ცენტრში საჯარო ინფორმაციის გაცემასა და პროაქტიულად გამოქვეყნებაზე პასუხისმგებელი პირისთვის და ცენტრის საზოგადოებასთან ურთიერთობის და საორგანიზაციო სამსახურისთვის;
14. სსიპ - განათლების მართვის საინფორმაციო სისტემასთან თანამშრომლობით განათლების ხარისხის მართვის ელექტრონული სისტემის (QMS) ადმინისტრირებისა და განვითარების პროცესების კოორდინირება;
15. საქართველოს მოქმედი სამართლებრივი აქტების შესაბამისად ცენტრში შემოსულ კორესპონდენციებზე დროული რეაგირების კოორდინირება;
16. კომპეტენციას მიკუთვნებულ საკითხებთან დაკავშირებით საკუთარი საქმიანობის ანალიზი და საქმიანობის ხარისხის გაუმჯობესებისა და ეფექტიანობის გაზრდისათვის წინადადებების შემუშავება და სამსახურის უფროსის მოადგილისთვის, სამსახურის უფროსისთვის წარდგენა;
17. საკუთარი კომპეტენციის ფარგლებში ცენტრის სხვა სტრუქტურული ერთეულებისა და დაინტერესებული პირების ინფორმირება, შესაბამის საკითხებზე კონსულტაციების გაწევა და დაგეგმილ ტრენინგებში მონაწილეობა;
18. ცენტრის ფუნქციებიდან და მიზნებიდან გამომდინარე, ცენტრის სხვა სტრუქტურულ ერთეულებთან თანამშრომლობა, მათ შორის კომპეტენციის ფარგლებში დაგეგმილი ღონისძიებების ეფექტიანად განსახორციელებლად დაგეგმვის, კვლევისა და საერთაშორისო ურთიერთობების სამსახურთან თანამშრომლობა;
19. სამსახურის უფროსის მოადგილის, სამსახურის უფროსის, დირექტორის კურატორი მოადგილის (ასეთის არსებობის შემთხვევაში) და დირექტორის სხვა დავალებების შესრულება, რომელიც არ ეწინააღმდეგება საქართველოს მოქმედ კანონმდებლობას.

მინიმალური განათლება:

მაგისტრი

სამუშაო გამოცდილება:

2 წელი

საკონკურსო თემატიკა:

ა) საქართველოს ზოგადი ადმინისტრაციული კოდექსი;

ბ) საქართველოს კანონი „უმაღლესი განათლების შესახებ“;

გ) საქართველოს კანონი „განათლების ხარისხის განვითარების შესახებ“;

დ) „უმაღლესი საგანმანათლებლო დაწესებულებების საგანმანათლებლო პროგრამების აკრედიტაციის დებულებისა და საფასურის დამტკიცების შესახებ“ საქართველოს განათლებისა და მეცნიერების მინისტრის 2011 წლის 4 მაისის №65/ნ ბრძანება;

ე) „საგანმანათლებლო დაწესებულებების ავტორიზაციის დებულებისა და საფასურის დამტკიცების შესახებ“ საქართველოს განათლებისა და მეცნიერების მინისტრის 2010 წლის 1 ოქტომბრის №99/ნ ბრძანება;

ვ) „ეროვნული კვალიფიკაციების ჩარჩოსა და სწავლის სფეროების კლასიფიკატორის დამტკიცების შესახებ“ საქართველოს განათლების, მეცნიერების, კულტურისა და სპორტის მინისტრის 2019 წლის 10 აპრილის №69/ნ ბრძანება;

ზ) „უმაღლესი საგანმანათლებლო დაწესებულებების ავტორიზაციისა და უმაღლესი საგანმანათლებლო პროგრამების აკრედიტაციის ექსპერტთა შერჩევის, საქმიანობისა და ექსპერტთა კორპუსის წევრობის შეწყვეტის წესის დამტკიცების შესახებ“ სსიპ - განათლების ხარისხის განვითარების ეროვნული ცენტრის დირექტორის 2022 წლის 30 აგვისტოს №964009 ბრძანება;

თ) ევროპის უმაღლესი განათლების სივრცეში ხარისხის უზრუნველყოფის სტანდარტები და სახელმძღვანელო პრინციპები (ESG-2015);

ი) ბოლონიის პროცესთან დაკავშირებული დოკუმენტაციის ზოგადი ცოდნა;

კ) „უმაღლესი საგანმანათლებლო პროგრამების კრედიტებით გაანგარიშების წესის დამტკიცების შესახებ“ საქართველოს განათლებისა და მეცნიერების მინისტრის 2007 წლის 5 იანვრის №3 ბრძანება;

ლ) „ავტორიზაციისა და აკრედიტაციის ექსპერტთა ეთიკის კოდექსის დამტკიცების შესახებ“ სსიპ - განათლების ხარისხის განვითარების ეროვნული ცენტრის დირექტორის 2015 წლის პირველი სექტემბრის №717 ბრძანება;

მ) „საჯარო სამართლის იურიდიული პირის – განათლების აკრედიტაციის ეროვნული ცენტრის რეორგანიზაციის გზით საჯარო სამართლის იურიდიული პირის - განათლების ხარისხის განვითარების ეროვნული ცენტრის შექმნისა და მისი დებულების დამტკიცების შესახებ“ საქართველოს განათლებისა და მეცნიერების მინისტრის 2010 წლის 14 სექტემბრის №89/ნ ბრძანება.

საკონკურსო კომისიის მისამართი:

მერაბ ალექსიძის ქუჩა, მეორე შესახვევი N 2

საკონტაქტო ტელეფონები:

+995 32 2 02 21 21

საკონტაქტო პირი:

ნინო გელიაშვილი

დამატებითი მოთხოვნები:

ა. განათლება - მაგისტრი ან მასთან გათანაბრებული აკადემიური ხარისხი (სასურველია განათლების მეცნიერებების / მენეჯმენტის და ადმინისტრირების / სამართლის / სოციალური მეცნიერებების / ჰუმანიტარული მეცნიერებების სფეროებში);

ბ. უმაღლესი საგანმანათლებლო დაწესებულებების ფუნქციონირების ან/და უმაღლესი განათლების ხარისხის უზრუნველყოფის მექანიზმების ცოდნა, რომელიც დასტურდება შესაბამისი კვალიფიკაციით / კომპეტენციით (დიპლომი ან/და სამუშაო გამოცდილება - არანაკლებ 2 წელი);

გ. ინგლისური ენის (წერა და მეტყველება) ფლობა - B2 დონეზე; ქართული ენის (წერა და მეტყველება) ფლობა - C2 დონეზე;

დ. კომპიუტერული (საოფისე) პროგრამების (Ms. Word, Ms. Excel, Ms. PowerPoint) კარგად ცოდნა, რაც დასტურდება წარმოდგენილი რეზიუმეთი.

დამატებითი ინფორმაცია:

კონკურსში მონაწილე კანდიდატი ვალდებულია:

ა) კონკურსში მონაწილეობისთვის განაცხადი და დოკუმენტაცია წარმოადგინოს მხოლოდ ელექტრონული ფორმით მთავრობის ადმინისტრაციის მიერ ადმინისტრირებული ვებგვერდის - vacancy.hr.gov.ge — ბმულის გახსნა - მეშვეობით;

ბ) შესაბამის ველში ატვირთოს უმაღლესი განათლების დამადასტურებელი დოკუმენტის (დიპლომი ან/და ცნობა შესაბამისი აკადემიური ხარისხის მინიჭების თაობაზე) ასლი;

გ) მიუთითოს 2 რეკომენდატორის ვინაობა (სახელი, გვარი, სამუშაო ადგილი, ელექტრონული ფოსტის მისამართი და ტელეფონის ნომერი);

დ) წარმოადგინოს სამოტივაციო წერილი, რომელშიც უნდა ჩანდეს თუ რატომ სურს კანდიდატს აღნიშნულ თანამდებობაზე მუშაობა, მისი პიროვნული თვისებები, სამუშაო გამოცდილებასთან დაკავშირებული პროფესიული უნარ-ჩვევები, რომლებიც დაეხმარება მას მუშაობაში.

კონკურსიის ეტაპები:

ა) კონკურსში მონაწილეობისათვის წარდგენილი განაცხადების ძირითად ფორმალურ მოთხოვნებთან შესაბამისობის დადგენა;

ბ) გასაუბრება;

გ) კონკურსის შედეგების გაცნობა.

კანდიდატთა შეფასება განხორციელდეს გასაუბრების საფუძველზე, საკონკურსო თემატიკის ცოდნის, ზეპირი კომუნიკაციის უნარის, ანალიტიკური აზროვნების უნარის, მოტივაციისა და ინგლისური ენის კომპეტენციის გათვალისწინებით.

გადაწყვეტილების მიღების ფორმა და ვადა:

საკონკურსო კომისია საბოლოო გადაწყვეტილებას იღებს ქულათა სისტემის საფუძველზე, განაცხადების წარდგენის ვადის დასრულებიდან არაუგვიანეს 3 თვის ვადაში.