უფლებადარღვევების პირველადი შემოწმების და ციფრული სერვისების დეპარტამენტის საქმისწარმოების სამმართველოს უფროსი

თანამდებობის დასახელება:

მეორე რანგი - საჯარო დაწესებულების მეორადი სტრუქტურული ერთეულის ხელმძღვანელი

პოზიციის დასახელება:

უფლებადარღვევების პირველადი შემოწმების და ციფრული სერვისების დეპარტამენტის საქმისწარმოების სამმართველოს უფროსი

კონკურსის ტიპი:

ღია კონკურსი

ორგანიზაცია:

სახალხო დამცველის აპარატი

ორგანიზაციის შესახებ:

საქართველოს სახალხო დამცველი არის დამოუკიდებელი კონსტიტუციური ინსტიტუტი, რომელიც ზედამხედველობს სახელმწიფო ხელისუფლებისა და მუნიციპალიტეტის ორგანოთა, საჯარო დაწესებულებათა და თანამდებობის პირთა მხრიდან სახელმწიფოს მიერ აღიარებულ უფლებათა და თავისუფლებათა დაცვასა და პატივისცემას, განურჩევლად რასისა, კანის ფერისა, სქესისა, ენისა, რელიგიისა, პოლიტიკური ან სხვა შეხედულებისა, ეროვნული, ეთნიკური და სოციალური კუთვნილებისა, წარმოშობისა, ქონებრივი და წოდებრივი მდგომარეობისა, საცხოვრებელი ადგილისა თუ სხვა გარემოებისა.

სახალხო დამცველის აპარატის მისიაა: დაეხმაროს სახალხო დამცველს ადამიანის უფლებების დარღვევების დროულ გამოვლენას, ეფექტურ რეაგირებასა და პრევენციაში, ქვეყანაში ადამიანის უფლებების დაცვის მაღალი სტანდარტის უზრუნველსაყოფად.

აპარატის ღირებულებებია: მიუკერძოებლობა, დამოუკიდებლობა, ღიაობა/გამჭვირვალობა, ადამიანის უფლებათა უზენაესობა, კვალიფიციური და პროფესიონალური დამოკიდებულება საქმისადმი, ურთიერთპატივისცემა კოლეგებს შორის

კატეგორია:

საქმისწარმოება

განცხადების ბოლო ვადა:

25.10.2026

თანამდებობრივი სარგო:

5600 ლარი

ადგილების რაოდენობა:

1

სამსახურის ადგილმდებარეობა:

თბილისი

სამუშაოს ტიპი:

სრული განაკვეთი

გამოსაცდელი ვადა:

12 თვე

ფუნქციები:

- პერსონალური მონაცემებისა და საჯარო ინფორმაციის გაცემა მოქმედი კანონმდებლობით დადგენილ ვადაში და დადგენილი წესით;

- პერსონალური ან საჯარო ინფორმაციის გაცემაზე უარის შესახებ გადაწყვეტილების მიღება და შესაბამისი პასუხის მომზადება მოქმედი კანონმდებლობით დადგენილ ვადაში და დადგენილი წესით;

- საჯარო ინფორმაციისა და პერსონალურ მონაცემთა გაცემის/გაცემაზე უარის თაობაზე მის მიერ მომზადებულ კორესპონდენციის ხელმოწერა;

- სახალხო დამცველის აპარატში საჯარო ინფორმაციის რეესტრის წარმოების უზრუნველყოფა, რომელშიც აისახება კანონმდებლობით გათვალისწინებული ინფორმაცია;

- საქართველოს სახალხო დამცველის აპარატის შესაბამისი სტრუქტურული ერთეულებიდან პროაქტიულად გამოსაქვეყნებელი საჯარო ინფორმაციის მოძიება, მისი პროაქტიულად გამოქვეყნების უზრუნველყოფა და განახლება დადგენილი წესით;

- საქართველოს სახალხო დამცველის აპარატის მიერ, „ზოგადი ადმინისტრაციული კოდექსის“ III თავის მოთხოვნების შესრულების თაობაზე ანგარიშის (რომელიც ამავე კოდექსის 49-ე მუხლის მოთხოვნათა შესაბამისად, ყოველი წლის 10 დეკემბრისთვის წარედგინება საქართველოს პარლამენტს, პრეზიდენტსა და საქართველოს პრემიერ-მინისტრს) მომზადება, მომზადებული ანგარიშების სახალხო დამცველის პირველი მოადგილისათვის წარდგენა; ანგარიშის „საქართველოს საკანონმდებლო მაცნეში“ გამოქვეყნების უზრუნველყოფა;

- საქართველოს სახალხო დამცველის აპარატის მიერ, საქართველოს ფინანსთა სამინისტროში წარსადგენი კვარტალური და წლიური ანგარიშის მომზადების უზრუნველყოფა და სახალხო დამცველის პირველი მოადგილისათვის წარდგენა;

- კალენდარული წლის დასრულდებიან 2 თვეში, არაუგვიანეს 1 მარტისა, სახალხო დამცველის პირველ მოადგილესთან შეთანხმებული ფორმატით და დეპარტამენტის უფროსის ზედამხედველობით, აპარატის საქმიანობის შესახებ ანგარიშის მომზადება;

- სამმართველოს თანამშრომლების მიერ აპარატის დოკუმენტბრუნვის გამართულად წარმართვის უზრუნველყოფა;

- სახალხო დამცველის აპარატის ცენტრალურ ოფისში, ადგილზე მოსულ დაინტერესებულ პირთათვის, საქართველოს სახალხო დამცველის კომპეტენციის სწორად განმარტების და საჭიროების შემთხვევაში, დოკუმენტაციის ჩაბარების პროცესზე ზედამხედველობა;

- აპარატის თანამშრომლების მიერ დოკუმენტბრუნვის სწორად და გამართულად წარმოებაზე საერთო ზედამხედველობა;

- დოკუმენტბრუნვის შესახებ მეთოდური მითითებების შემუშავება და დეპარტამენტის ხელმძღვანელისათვის წარდგენა; შეთანხმებული მეთოდოლოგიების დანერგვაზე ზედამხედველობა;

- არსებობის შემთხვევაში, აპარატის ტიტულიანი (სახელმწიფო გერბით) მატერიალური ბლანკების აღრიცხვა;

- აპარატის არქივის წარმოების პროცესის ორგანიზება და ზედამხედველობა;

- სამმართველოს უფლებამოსილების ფარგლებში, აპარატში შემოსულ განაცხადებზე პასუხის გაცემა;

- სამსახურეობრივი საჭიროებიდან გამომდინარე, მივლინებაში გამგზავრება როგორც ქვეყნის შიგნით, ისე ქვეყნის გარეთ;

- სამმართველოს სფეროს მიკუთვნებულ საკითხებზე შეხვედრების გამართვა დეპარტამენტის უფროსთან/დეპარტამენტის უფროსის მოადგილესთან ერთად ან დამოუკიდებლად;

- დაქვემდებარებაში მყოფი თანამშრომლების ზედამხედველობა მათ მიერ სამსახურებრივი მოვალეობებისა და აპარატის შინაგანაწესის შესრულებაზე;

- დაქვემდებარებულ მოსამსახურეთა კვალიფიკაციის ამაღლების, წახალისების შესახებ დეპარტამენტის უფროსისათვის წინადადებების წარდგენა;

- დეპარტამენტის უფროსისათვის წინადადებების წარდგენა სამმართველოს კომპეტენციაში შემავალი საკითხების მოწესრიგებისა და გადაწყვეტის მიზნით;

- სხვა უფლებამოსილებათა განხორციელება, რომლებიც არ არის გათვალისწინებული მოქმედი დოკუმენტით, მაგრამ აუცილებელია სამმართველოს ეფექტური ფუნქციონირებისათვის;

- დეპარტამენტის უფროსისათვის წინადადებების წარდგენა სამმართველოს თანამშრომელთათვის დისციპლინური პასუხისმგებლობის დაკისრების შესახებ

მინიმალური განათლება:

ბაკალავრი

სამუშაო გამოცდილება:

3 წელი

პროფესია:

იურისტი

საკონკურსო თემატიკა:

• საქართველოს კონსტიტუცია;
• საქართველოს ორგანული კანონი „საქართველოს სახალხო დამცველის შესახებ“;
• საქართველოს კანონი „საჯარო სამსახურის შესახებ“;
• საქართველოს ზოგადი ადმინისტრაციული კოდექსი;
• „კორუფციის წინააღმდეგ ბრძოლის შესახებ“ საქართველოს კანონი;
• „პერსონალურ მონაცემთა დაცვის შესახებ“ საქართველოს კანონი;
• „სახაზინო (საბიუჯეტო) დაწესებულებებში საქმისწარმოების ავტომატიზებული სისტემის მინიმალური სტანდარტის დამტკიცების შესახებ“ საქართველოს მთავრობის 2012 წლის 21 თებერვლის №64 დადგენილება;
• საქართველოს პრეზიდენტის 1999 წლის პირველი ივლისის N414 ბრძანებულება ,,საქმისწარმოების ერთიანი წესების დამტკიცებისა და ამოქმედების შესახებ“;
• იუსტიციის მინისტრის 2007 წლის 15 ივნისის ბრძანება №174 „დაწესებულებათა არქივების მუშაობის წესების შესახებ“;
• იუსტიციის მინისტრის 2010 წლის 31 მარტის ბრძანება №72 „დაწესებულების საქმიანობის პროცესში შექმნილი ტიპობრივი მმართველობითი დოკუმენტების ნუსხის (მათი შენახვის ვადების მითითებით) დამტკიცების შესახებ“

საკონკურსო კომისიის მისამართი:

ქ. თბილისი, ირაკლი ფაღავას ქუჩა N6, ავლაბარი

საკონტაქტო ტელეფონები:

(+995) 598 84 53 62

საკონტაქტო პირი:

ხატია მელაშვილი

დამატებითი მოთხოვნები:

კანდიდატს მოეთხოვება:

- 3 წლიანი სამუშაო გამოცდილება საქმისწარმოების, იურიდიული ან/და ადამიანის უფლებათა დაცვის ან იურიდიულ საკითხებზე პირთა კონსულტირების/მომსახურების მიმართულებით, მათ შორის, ხელმძღვანელობის 1 წელი;

- ადამიანის უფლებებთან დაკავშირებული ძირითადი ასპექტების ცოდნა;

- სამართლებრივი და აკადემიური წერის ცოდნა;

- საქმისწარმოებასთან დაკავშირებული წესებისა და პროცედურების ცოდნა;

- სასურველია ინგლისური და რუსული ენების ცოდნა (ცოდნის დონე: წერითი უნარები B2; მეტყველება B2).

პიროვნული მახასიათებლები:

- ეფექტური კომუნიკაციისა და მოლაპარაკებების წარმართვის უნარი;

- საჯარო დაწესებულების წარმომადგენლობის უნარი;

- სტრატეგიული და კომპლექსური აზროვნების უნარი;

- სტრუქტურული ერთეულისა და ინდივიდუალური ამოცანების დასახვის უნარი;

- ცვლილებების/სიახლეების ინიცირებისა და მართვის უნარი;

- პროექტების მართვის უნარი;

- თათბირებისა და შეხვედრების წარმართვის უნარი;

- მოხელის პროფესიული განვითარების, შეფასებისა და მოტივირების უნარი;

- გუნდის განვითარების უნარი;

- პრობლემების გადაჭრისა და კონფლიქტების მართვის უნარი

დამატებითი ინფორმაცია:

კანდიდატმა უნდა წარმოადგინოს:

• უმაღლესი განათლების დამადასტურებელი დოკუმენტის ელექტრონული ასლი (შესაბამისი უმაღლესი საგანმანათლებლო დაწესებულების მიერ, დადგენილი წესით გაცემული დიპლომი ან/და ცნობა);
• საქმისწარმოების, იურიდიული ან/და ადამიანის უფლებათა დაცვის ან იურიდიულ საკითხებზე პირთა კონსულტირების/მომსახურების მიმართულებით მუშაობის 3 წლიანი, მათ შორის, ხელმძღვანელობის 1 წლიანი სამუშაო გამოცდილების ქონის დამადასტურებელი დოკუმენტის ელექტრონული ასლი (შესაბამისი ორგანიზაციის მიერ, დადგენილი წესით გაცემული ცნობა ან/და შრომის წიგნაკი - სრული და კითხვადი ჩანაწერებით ქართულ ენაზე);
• სამოტივაციო წერილი.

კონკურსის მეორე ეტაპზე კანდიდატის შეფასება მოხდება ზეპირი დავალებითა და გასაუბრებით ქულათა სისტემის საფუძველზე.

მოხელის სტატუსის არმქონე პირი მოხელის ვაკანტურ თანამდებობაზე მიიღება გამოსაცდელი ვადით.

კანდიდატმა საკონკურსო განაცხადი უნდა წარმოადგინოს საქართველოს მთავრობის ადმინისტრაციის მიერ ადმინისტრირებულ ვებგვერდზე - vacancy.hr.gov.ge. საკონკურსო განაცხადების მიღების ვადის დასრულების შემდგომ წარმოდგენილი განაცხადები/დოკუმენტები არ განიხილება კონკურსის ფარგლებში.

საქართველოს სახალხო დამცველის აპარატი გთავაზობთ:

• საკუთარი საქმის პროფესიონალი, პროაქტიული, იდეალისტი/მაღალი პასუხისმგებლობის მქონე, კეთილსინდისიერი, პრინციპული, საერთო მიზნით გაერთიანებული თანამშრომლებით დაკომპლექტებულ გუნდს;
• ტოლერანტულ, ემპათიურ, მეგობრულ, სამართლიან სამუშაო გარემოს;
• აზრის გამოთქმის თავისუფლებას და დასაქმების სტაბილურობას;
• პოლიტიკურ და პროფესიულ თავისუფლებას;
• პროფესიული განვითარების მხარდაჭერას;
• ჯანმრთელობის დაზღვევას;
• კორპორატიულ სატელეფონო მომსახურებას.

გადაწყვეტილების მიღების ფორმა და ვადა:

საკონკურსო კომისია საბოლოო გადაწყვეტილებას მიიღებს საკონკურსო განაცხადების წარდგენის ვადის დასრულებიდან 3 თვის ვადაში ქულათა სისტემით.