სტაჟირება - გაყიდვების/მარკეტინგის დეპარტამენტი

UG Lubricants აცხადებს ანაზღაურებად სტაჟირებას სხვადასხვა მიმართულებით.

კომპანიის აღწერა:

UG Lubricants არის ქართული საწარმოო კომპანია, რომელიც სპეციალიზებულია საავტომობილო და სამრეწველო სექტორისთვის განკუთვნილი საპოხი მასალების, ზეთებისა და ტექნიკური სითხეების წარმოებაში.

კომპანია ფლობს თანამედროვე საწარმოო ქარხანას, რომელიც მდებარეობს ქუთაისის თავისუფალ ინდუსტრიულ ზონაში, და მომხმარებლებს სთავაზობს მაღალი ხარისხის პროდუქციის ფართო ასორტიმენტს, მორგებულს სხვადასხვა ინდუსტრიის მოთხოვნებსა და საჭიროებებზე.

ჩვენი ერთ-ერთი მთავარი პრიორიტეტია გრძელვადიანი და ურთიერთსასარგებლო პარტნიორული ურთიერთობების განვითარება როგორც ადგილობრივ, ისე საერთაშორისო ბაზრებზე, რაც კომპანიის მდგრადი ზრდისა და წარმატების საფუძველს წარმოადგენს.

UG Lubricants ეძებს მოტივირებულ ახალკურსდამთავრებულებს და ადამიანებს, რომლებიც კარიერულ გზაზე პირველ ნაბიჯებს დგამენ. თუ გსურს მიიღო პრაქტიკული გამოცდილება, განივითარო პროფესიული უნარები და კარიერა დაიწყო სტაბილურ და განვითარებაზე ორიენტირებულ კომპანიაში, ეს შესაძლებლობა შენთვისაა.

სტაჟირების წარმატებით გავლის შემთხვევაში, კანდიდატებს ექნებათ შესაძლებლობა დასაქმდნენ კომპანიაში შესაბამის პოზიციაზე და გააგრძელონ პროფესიული საქმიანობა UG Lubricants-ის გუნდში.

სტაჟირების მიმართულებები:

გაყიდვების დეპარტამენტი

მარკეტინგის დეპარტამენტი

საკვალიფიკაციო მოთხოვნები:

• რუსული ან/და ინგლისური ენის ცოდნა (სავალდებულოა)
• პასუხისმგებლობის მაღალი გრძნობა;
• პუნქტუალურობა და ორგანიზებულობა;
• გუნდური მუშაობის უნარი;
• კომუნიკაციის კარგი უნარები;
• სწავლისა და განვითარების სურვილი;

დასაქმების ტიპი:

• სტაჟირება: ანაზღაურებადი
• სამუშაო გრაფიკი / ფორმატი: სრული
• სამუშაო საათები: 09:00 – 18:00
• მდებარეობა: ქუთაისი, ავტომშენებლის N 88, თიზ

ანაზღაურება:

• სტაჟირება არის ანაზღაურებადი. ანაზღაურების ოდენობა განისაზღვრება კომპანიის შიდა პოლიტიკის შესაბამისად.

ბენეფიტები:

• ბონუსების სისტემა
• სტაბილური სამუშაო გარემო
• პროფესიული განვითარების შესაძლებლობა
• სტაბილური საწარმოო კომპანია გრძელვადიანი განვითარების გეგმებით

შენიშვნა

წინამდებარე ვაკანსიის მიზნებისთვის, თქვენ მიერ CV-ის წარდგენა გულისხმობს თქვენი პერსონალური მონაცემების შპს „UG Lubricants“-ისათვის გადაცემას და თანხმობის გაცხადებას აღნიშნული მონაცემების დამუშავების თაობაზე. გაცნობებთ, რომ თქვენი პერსონალური მონაცემები შპს „უჯ ლუბრიკანტს“-ის მიერ დამუშავებულ/შენახულ იქნება მხოლოდ გამოცხადებული ვაკანსიისთვის კანდიდატის შერჩევის მიზნით და დამუშავდება თქვენთან სახელშეკრულებო, მათ შორის შრომითი ურთიერთობის დამყარების შესახებ გადაწყვეტილების მიღების მიზნებისათვის.

გაითვალისწინეთ, რომ კანდიდატის პერსონალური მონაცემების გამოგზავნით, თქვენ ადასტურებთ, რომ გაეცანით წინამდებარე შეტყობინებას და თანახმა ხართ, თქვენი პერსონალური მონაცემები შეგროვდეს, შენახულ იქნას, გადაიცეს ან/და დამუშავდეს ზემოთ ხსენებული ფორმით. ყოველივე აღნიშნულზე თანხმობა აუცილებელი პირობაა შპს „უჯ ლუბრიკანტს“-ში ნებისმიერ პოზიციაზე თქვენი კანდიდატურის განსახილველად. წინამდებარე შეტყობინება არ განიხილება, როგორც შპს „უჯ ლუბრიკანტს“-ში დასაქმებულის ინდივიდუალური შრომითი ხელშეკრულების ნაწილი. გამოგზავნილი რეზიუმე შესაძლოა დარეზერვებული იქნას სხვა რელევანტურ ვაკანსიაზე და შენახულ იქნას 1 წლის განმავლობაში. იმ შემთხვევაში, თუ ეთანხმებით ზემოთ აღნიშნულს, გთხოვთ გამოგვიგზავნოთ თქვენი რეზიუმე.

დაინტერესების შემთხვევაში გამოაგზავნეთ თქვენი CV/რეზიუმე შემდეგი ელ. ფოსტის მისამართზე: info@uglubricants.com

Subject-ში მიუთითეთ ვაკანსია, რომელზე საკონკურსოდაც აგზავნით თქვენს რეზიუმეს. სხვა შემთხვევაში რეზიუმე არ გადაირჩევა.

ან დაგვიკავშირდით ნომერზე: +995 551 62 75 51