სტაჟიორი

"ეისითი გლობალი" არის მენეჯმენტის და განვითარების საკონსულტაციო კომპანია, რომელიც ლიდერებს, ორგანიზაციებსა და მთავრობებს მნიშვნელოვანი ცვლილებების ძალას აძლევს. ჩვენი განსაკუთრებული უნარი მონაცემების, იდეებისა და კომპეტენციების ღირებულ შედეგებში გარდაქმნაა.

"ეისითი" ერთ-ერთი კვლევის ფარგლებში ეძებს მოტივირებულ და განვითარებაზე ორიენტირებულ სტაჟიორს, რომელიც შეუერთდება მონაცემთა შეგროვების გუნდს და დაგვეხმარება პროექტების მართვაში.

თუ გაინტერესებს პროექტების მართვა, ადამიანებთან კომუნიკაცია, მონაცემებთან მუშაობა და გინდა გაიგო, როგორ იგეგმება და ხორციელდება კვლევითი პროექტები, ეს შესაძლებლობა შენთვისაა.

სტაჟირების პერიოდში ჩაერთვები კვლევითი პროექტების სხვადასხვა ეტაპზე და გუნდთან ერთად იმუშავებ:

• პროექტების დაგეგმვასა და ყოველდღიურ კოორდინაციაზე;
• პროექტების მიმდინარეობისა და პროგრესის მონიტორინგზე;
• მონაცემების შეგროვებისა და დამუშავების პროცესების მხარდაჭერაზე;
• პროექტებთან დაკავშირებული ინფორმაციის ორგანიზებასა და განახლებაზე;
• ანგარიშებისა და პროექტის სტატუსების მომზადებაზე;
• საველე და სატელეფონო სამუშაოების მონიტორინგზე;
• პროექტში ჩართულ გუნდებთან კომუნიკაციაზე;
• ხარისხის კონტროლზე;
• სხვადასხვა საოპერაციო საკითხის მართვასა და გუნდური ამოცანების შესრულებაზე.

საკვალიფიკაციო მოთხოვნები:

• Microsoft Office-ის პროგრამების კარგი ცოდნა;
• ქართული და ინგლისური ენების ცოდნა.

პიროვნული თვისებები:

• მაღალი მოტივაცია და პასუხისმგებლობის გრძნობა;
• კომუნიკაბელურობა;
• დეტალებზე ორიენტირებულობა;
• ორგანიზებულობა;
• დროის ეფექტურად მართვის უნარი;
• პასუხისმგებლობის გრძნობა.

ჩვენ გთავაზობთ:

• რეალურ კვლევით პროექტებში მონაწილეობის გამოცდილებას;
• პროექტების დაგეგმვისა და მართვის პროცესის პრაქტიკულ გამოცდილებას;
• გუნდებთან და პროექტში ჩართულ სხვადასხვა მხარესთან კომუნიკაციის გამოცდილებას;
• მონაცემების დამუშავებისა და კვლევითი პროცესების გაცნობას;
• შესაძლებლობას, ეტაპობრივად აიღო მეტი პასუხისმგებლობა და განვითარდე პროექტების მართვის მიმართულებით.

სამუშაო პირობები:

• სამუშაო ადგილი: თბილისი;
• სამუშაო გრაფიკი: ორშაბათი-პარასკევი, 10:00-18:00;
• სტაჟირების ხანგრძლივობა: 3-6 თვე;
• მიმართულება: მონაცემთა შეგროვება / პროექტების მართვა;
• ანაზღაურება: სტაჟირება ანაზღაურებადია; ოდენობა განისაზღვრება გასაუბრების შედეგად.

დაინტერესების შემთხვევაში, გთხოვთ, გამოაგზავნოთ თქვენი რეზიუმე ელექტრონულ მისამართზე: hr@act-global.com და სათაურის ველში მიუთითეთ პოზიციის დასახელება.

"ეისითი" წარმატებას გისურვებთ!

გაცნობებთ, რომ შპს "ეისითისთვის" CV-ის გამოგზავნით, თქვენ აცხადებთ თანხმობას, რომ შპს "ეისითიმ" - ვაკანტურ პოზიციასთან თქვენი კანდიდატურის შესაბამისობის დადგენის მიზნით, დაამუშაოს თქვენს რეზიუმეში მითითებული ან საჯაროდ ხელმისაწვდომი პერსონალური მონაცემები. ამასთან, თქვენი მხრიდან წერილობითი უარის არ დაფიქსირების შემთხვევაში, შპს "ეისითი" იტოვებს უფლებას, რომ 1 წლის ვადით შეინახოს და დაამუშაოს თქვენ მიერ გაზიარებული პერსონალური მონაცემები, რათა, საკუთარი საჭიროებებიდან გამომდინარე, განიხილოს თქვენი კანდიდატურის თავსებადობა სამომავლოდ გამოცხადებულ ან უკვე არსებულ სხვა ვაკანტურ პოზიციასთან მიმართებაში.

შპს "ეისითი" კანდიდატთა შერჩევის პროცესს ახორციელებს დისკრიმინაციის ყველა ფორმით აღმოფხვრის შესახებ კანონის მოთხოვნათა და პირთა მიმართ თანაბარი მოპყრობის პრინციპების დაცვით და გამორიცხავს პირთა მიმართ დისკრიმინაციას ნებისმიერი ნიშნით.