სოციალური მედიის მენეჯერი

City Management Group (CMG) ეძებს კრეატიულ, პასუხისმგებლიან და შედეგზე ორიენტირებულ სოციალური მედიის მენეჯერს!

ჩვენ ვეძებთ ადამიანს, რომელიც სრულად ჩაიბარებს კომპანიის სოციალურ ქსელებს, დამოუკიდებლად დაგეგმავს და შექმნის საინტერესო კონტენტს, იზრუნებს ბრენდის ცნობადობის ზრდასა და ახალი მომხმარებლების მოზიდვაზე.

ძირითადი მოვალეობები:

• კომპანიის Facebook და Instagram გვერდების სრული მართვა და განვითარება;
• სოციალური მედიის სტრატეგიისა და ყოველთვიური კონტენტგეგმის შემუშავება;
• კრეატიული იდეების გენერირება და ვიდეორგოლებისთვის სცენარების მომზადება;
• ვიდეოკონტენტის დამოუკიდებლად გადაღება, მონტაჟი და გამოქვეყნება (Reels, Stories, Posts);
• სარეკლამო პოსტერების, ბანერებისა და სხვა ვიზუალური მასალების დიზაინის შექმნა კომპანიის ბრენდულ სტილში;
• Meta Ads Manager-ის საშუალებით სარეკლამო კამპანიების დაგეგმვა, გაშვება, მართვა და ოპტიმიზაცია;
• მიზნობრივი აუდიტორიის სწორად განსაზღვრა და პოტენციური მომხმარებლების მოზიდვა;
• მიზნობრივი სარეკლამო კამპანიების დაგეგმვა და განხორციელება ახალი კორპორაციული დამკვეთების მოსაზიდად, მათ შორის დეველოპერული კომპანიების, საცხოვრებელი კომპლექსებისა და ორგანიზაციების, რომლებსაც სჭირდებათ დასუფთავებისა და უძრავი ქონების მართვის მომსახურება;
• კომპანიის მომსახურებების ეფექტურად და საინტერესოდ წარმოჩენა სოციალურ ქსელებში;
• სარეკლამო კამპანიების შედეგების ანალიზი, პოტენციური კლიენტების მომართვების აღრიცხვა და პერიოდული ანგარიშგება;
• სოციალური მედიის თანამედროვე ტენდენციების მონიტორინგი და მათი პრაქტიკაში გამოყენება.

მოთხოვნები კანდიდატის მიმართ:

• Facebook-ისა და Instagram-ის მართვის პრაქტიკული გამოცდილება;
• Meta Ads Manager-ის საფუძვლიანი ცოდნა და შედეგიანი სარეკლამო კამპანიების მართვის გამოცდილება;
• ვიდეოს გადაღებისა და მონტაჟის უნარები;
• Canva-ს, Photoshop-ის ან სხვა გრაფიკული დიზაინის პროგრამების ცოდნა;
• სარეკლამო პოსტერებისა და ვიზუალური კონტენტის დამოუკიდებლად შექმნის გამოცდილება;
• მიზნობრივი აუდიტორიის განსაზღვრისა და პოტენციური მომხმარებლების მოზიდვის უნარი;
• კრეატიული აზროვნება და საინტერესო იდეების დამოუკიდებლად განხორციელების უნარი;
• გამართული ქართული წერითი კომუნიკაცია;
• პასუხისმგებლიანობა, ორგანიზებულობა და შედეგზე ორიენტირებულობა.

ჩვენთვის მნიშვნელოვანია არა მხოლოდ ვიზუალურად მიმზიდველი კონტენტი, არამედ რეალური ბიზნესშედეგი!

ჩვენი მიზანია ბრენდის ცნობადობის გაზრდა, სწორად შერჩეული აუდიტორიის მოზიდვა და სოციალური მედიის ეფექტურ მარკეტინგულ არხად ჩამოყალიბება, რომელიც ხელს შეუწყობს კომპანიის განვითარებასა და ახალი დამკვეთების მოძიებას.

რას გთავაზობთ?

• საინტერესო და მრავალფეროვან პროექტებზე მუშაობას;
• საკუთარი კრეატიული იდეების განხორციელების შესაძლებლობას;
• პროფესიული განვითარების პერსპექტივას;

გრაფიკი:

ორშაბათი-პარასკევი

ანაზღაურება 1500 ლარი

დაინტერესებულ კანდიდატებს გთხოვთ, გამოგვიგზავნოთ CV და შესრულებული პროექტების პორტფოლიო: sabaishvili@citymg.ge

სასურველია, პორტფოლიო მოიცავდეს:

შექმნილ ვიდეორგოლებს;

სარეკლამო პოსტერებისა და დიზაინების ნიმუშებს;

მართული სოციალური მედიის გვერდების მაგალითებს;

სარეკლამო კამპანიების შედეგებს