სივრცის მენეჯერი

გასართობი ცენტრი "Lazer Lounge" აცხადებს ვაკანსიას სივრცის მენეჯერის პოზიციაზე რაც შეიძლება სწრაფად.

ჩვენ ვართ აქტიური დასვენებისა და გართობის სივრცე სადგურის მოედანთან სავაჭრო ცენტრ ქარვასლას უკან. ჩვენი ძირითადი მიმართულებაა ლაზერტაგი (laser tag), სათამაშო ოთახები (PS5), მაგიდის ჩოგბურთი და სხვა მრავალფეროვანი აქტივობები. ჩვენი ძირითადი სტუმრები არიან ბავშვების დაბადების დღეები და უფროსების ჯგუფები, რომლებიც ეძებენ ადრენალინსა და აქტიურ დასვენებას.

ძირითადი მოვალეობები უზრუნველყოთ მომხმარებლების საუკეთესო გამოცდილება:

• სტუმრების მიღება და მომსახურება: მაღალი ხარისხის მომსახურების უზრუნველყოფა, შეკვეთილი საკვებისა და სასმელების სერვირება.
• კომუნიკაცია: შემოსულ ზარებსა და სოციალური ქსელების შეტყობინებებზე ოპერატიული პასუხი (CRM სისტემაში მუშაობა).
• გუნდის მართვა: პერსონალის სამუშაო განრიგის შედგენა და პროცესების კოორდინაცია; გენერალური მენეჯერის მოვალეობების შეთავსება მისი არყოფნის დროს.
• ლაზერტაგის თამაშის გაძღოლა: ლაზერტაგის ინსტრუქტაჟის ჩატარება და თამაშის მართვა.
• აღრიცხვიანობა: გაყიდვებისა და მარაგების კონტროლი/აღრიცხვა.
• SMM აქტივობები: სოციალურ ქსელებში (FB / Insta) სთორებისა და პოსტების განთავსება.
• სისუფთავე და წესრიგი: სივრცის სისუფთავისა და წესრიგის შენარჩუნება (მაგიდების დასუფთავება, მტვერსასრუტით დალაგება, ტუალეტები, ბარი)

საკვალიფიკაციო მოთხოვნები:

• პასუხისმგებლობის მაღალი გრძნობა და მომხმარებლის კმაყოფილებაზე ორიენტირებულობა.
• ბავშვებთან მუშაობის სიყვარული და კომუნიკაბელურობა.
• პროაქტიულობა და ინიციატივიანობა (საჭიროებებისა და გაუმჯობესების შესაძლებლობების სწრაფი დანახვა).
• გამართული, მეგობრული და ეფექტური კომუნიკაციის უნარი.
• ენების ცოდნა (სავალდებულოა — შემოწმდება გასაუბრებაზე):

- ქართული — მინიმუმ C1

- რუსული — მინიმუმ B2

- ინგლისური — მინიმუმ B1

• მარკეტინგის გამოცდილება და სარეკლამო კამპანიების მართვის უნარი ჩაითვლება უპირატესობად (შესაბამისი დამატებითი ანაზღაურებით).

სამუშაო პირობები

• გრაფიკი: სასიამოვნო და მხიარული სამუშაო გარემო ახალგაზრდა კოლეგებთან ერთად კვირაში 4 ან 5 სამუშაო დღე (შესაძლებელია განაცხადის შემოტანა მოქნილი გრაფიკის პოზიციაზეც).
• სამუშაო საათები: 15:00-დან 22:15 - 23:15-მდე.
• სავალდებულო პირობა: შაბათს მუშაობა აუცილებელია.
• ანაზღაურება:

- 5-დღიანი სამუშაო კვირა: 1500 ₾ / თვეში + ბონუსები.

- 4-დღიანი სამუშაო კვირა: 1200 ₾ / თვეში + ბონუსები.

• დამატებითი ბენეფიტები:

- ანაზღაურებადი შვებულება და საპენსიო შენატანები.

- მხიარული, ენერგიული და ახალგაზრდული გუნდი.

• გამოსაცდელი ვადა: 2 თვე.

განაცხადის მიღება

დაინტერესებულ პირებს გთხოვთ, გამოაგზავნოთ თქვენი CV და სამოტივაციო წერილი ელფოსტაზე: lazer_lounge@proton.me.