შიდა აუდიტის დეპარტამენტის მარწმუნებელი მომსახურების სამმართველოს მთავარი სპეციალისტი

თანამდებობის დასახელება:

მესამე რანგი - საჯარო დაწესებულების მეორე კატეგორიის უფროსი სპეციალისტი

პოზიციის დასახელება:

შიდა აუდიტის დეპარტამენტის მარწმუნებელი მომსახურების სამმართველოს მთავარი სპეციალისტი

კონკურსის ტიპი:

ღია კონკურსი

ორგანიზაცია:

საქართველოს თავდაცვის სამინისტრო

კატეგორია:

აუდიტი

განცხადების ბოლო ვადა:

03.11.2026

თანამდებობრივი სარგო:

3200 ლარი

ადგილების რაოდენობა:

1

სამსახურის ადგილმდებარეობა:

თბილისი

სამუშაოს ტიპი:

სრული განაკვეთი

გამოსაცდელი ვადა:

12 თვე

ფუნქციები:

- შიდა აუდიტის სტრატეგიული და წლიური გეგმების პროექტების მომზადების მიზნით თავდაცვის სამინისტროს სისტემის მასშტაბით რისკების შეფასებასა და ანალიზში, შედეგების დოკუმენტირებასა და გეგმების დოკუმენტის შემუშავებაში მონაწილეობა.

- ფინანსური, ეფექტიანობის, ინფორმაციული ტექნოლოგიების, შესაბამისობისა და სისტემური შიდა აუდიტორული შემოწმების პროცესში მონაწილეობა და აუდიტის ჯგუფის მხარდაჭერა შიდა აუდიტის სტანდარტების, მეთოდოლოგიისა და აუდიტის პროცედურების/ინსტრუქციების შესაბამისად.

- შიდა აუდიტორული შემოწმების შედეგად გაცემული რეკომენდაციების ან სამოქმედო გეგმების შესრულების სტატუსების დადასტურებაში მონაწილეობა, დეპარტამენტის მეთოდოლოგიის შესაბამისად.

- საერთაშორისო სტანდარტებისა და დეპარტამენტის მეთოდოლოგიის შესაბამისად საკონსულტაციო მომსახურების გაწევაში მონაწილეობა.

- კომპეტენციის ფარგლებში, დეპარტამენტში შემოსული კორესპონდენციის განხილვა და სათანადო პასუხის მომზადება, შესაბამისი პირის მიერ ვიზირებისთვის.

- მარწმუნებელი და საკონსულტაციო საქმიანობის ფარგლებში, შიდა აუდიტის მეთოდოლოგიისა და აუდიტის პროცედურების/ინსტრუქციების შესაბამისად, შექმნილი დოკუმენტების ორგანიზება და სისტემატიზაცია, დეპარტამენტის საქმის მასალებისა და დეპარტამენტიდან გასული დოკუმენტების ელქტრონულად აღრიცხვა.

- ტრენინგების, საერთაშორისო თანამშრომლობის ღონისძიებების და მსგავსი აქტივობების დაგეგმვა/ორგანიზებაში მონაწილეობა და დეპარტამენტის სახელით შეხვედრებზე დასწრება.

- შიდა აუდიტის შიდა ინსტრუქციების შემუშავებისა და დახვეწის მიზნით, არსებობის შემთხვევაში წინადადებებისა და მოსაზრებების მომზადება და წარდგენა დეპარტამენტის ხელმძღვანელობასთან.

- შიდა აუდიტორული საქმიანობის ეფექტიანობის გაუმჯობესების და შიდა აუდიტის სტანდარტებთან შესაბამისობის მიზნით, განგრძობითი პროფესიული განვითარება და შიდა აუდიტის თანამშრომლებისათვის მიღებული ცოდნის, გამოცდილებისა და საქმიანობასთან დაკავშირებული ინფორმაციის გაზიარება.

- შიდა აუდიტის მარკეტინგი - შიდა აუდიტის, როგორც დამატებითი ღირებულების შემქმნელი რგოლის, ასევე, რისკის მართვისა და შიდა კონტროლის შესახებ ცნობიერების ამაღლების მიზნით, შესაბამისი ღონისძიებების დაგეგმვა/განხორციელება და დაგეგმვასა და განხორციელებაში მონაწილეობა.

- მატერიალური და ტექნიკური, ინფორმაციულ-ტექნოლოგიური და კავშირგაბმულობის საშუალებებით უზრუნველყოფის მიზნით, შესაბამისი რესურსების მართვა, წლიური მოთხოვნის ფორმირება და მხარდაჭერა.

- კომპეტენციის ფარგლებში დამატებითი დავალებების შესრულება და საქართველოს კანონმდებლობით განსაზღვრული სხვა უფლებამოსილებების განხორციელება.

მინიმალური განათლება:

უმაღლესი განათლება

სამუშაო გამოცდილება:

1 წელი

საკონკურსო თემატიკა:

ა) საქართველოს კონსტიტუცია;

ბ) თავდაცვის კოდექსი;

გ) „საჯარო სამსახურის შესახებ“ საქართველოს კანონი;

დ) „კორუფციის წინააღმდეგ ბრძოლის შესახებ“ საქართველოს კანონი;

ე) „სახელმწიფო შიდა ფინანსური კონტროლის შესახებ“ საქართველოს კანონი;

ვ) „საქართველოს თავდაცვის სამინისტროს დებულების დამტკიცების შესახებ“ საქართველოს მთავრობის 2018 წლის 12 დეკემბრის №580 დადგენილება;

ზ) „შიდა აუდიტის მეთოდოლოგიის დამტკიცების შესახებ“ საქართველოს მთავრობის 2016 წლის 26 დეკემბრის №593 დადგენილება;

თ) „შიდა აუდიტორთა ეთიკის კოდექსის დამტკიცების შესახებ“ საქართველოს მთავრობის 2010 წლის 30 ივლისის №1016 განკარგულება;

ი) „შიდა აუდიტის სტანდარტების დამტკიცების შესახებ“ საქართველოს მთავრობის 2010 წლის 30 ივლისის №1015 განკარგულება.

საკონკურსო კომისიის მისამართი:

ქ. თბილისი, გენერალ გ. კვინიტაძის ქ. 20

საკონტაქტო ტელეფონები:

2950780

საკონტაქტო პირი:

ნინო ვაშალომიძე

დამატებითი მოთხოვნები:

- უმაღლესი განათლება (სასურველია მაგისტრის ხარისხი) ქვემოთ ჩამოთვლილთაგან რომელიმე საგანმანათლებლო კვალიფიკაციით: ბიზნესის ადმინისტრირების, სამართლის, სოციალური და ქცევითი მეცნიერებების ან ინფორმაციისა და კომუნიკაციის ტექნოლოგიების მიმართულებით.

- სამუშაო გამოცდილება: აუდიტის, შიდა კონტროლის, ეკონომიკის, ფინანსების, ბუღალტერიის, შესყიდვების, ინფორმაციული ტექნოლოგიების, რისკების/პროექტების/ადამიანური რესურსების მართვის, სამართლის, ორგანიზაციის პოლიტიკის შემუშავების ან საქმისწარმოების სფეროში – 1 წელი. სასურველია საჯარო სექტორში მუშაობის გამოცდილება.

- სასურველია შიდა აუდიტორთა ინსტიტუტის (IIA) მიერ გამოქვეყნებული საერთაშორისო პროფესიული პრაქტიკის ჩარჩოს (International Professional Practices Framework) და საქმისწარმოების პრინციპების ცოდნა.

- სასურველია ინგლისური ენის ცოდნა – B1 დონე.

დამატებითი ინფორმაცია:

შესაბამის ველში - კანდიდატმა აუცილებლად უნდა ატვირთოს:

ა) უმაღლესი განათლების დამადასტურებელი დოკუმენტის - დიპლომის ასლი, ხოლო უცხოეთში მიღებული განათლების შემთხვევაში, ქართულ ენაზე ნათარგმნი და ნოტარიულად დამოწმებული დიპლომის ასლი (კონკურსის მომდევნო ეტაპზე გადასულმა კანდიდატმა გასაუბრების დღეს უნდა წარმოადგინოს სსიპ - განათლების ხარისხის განვითარების ეროვნული ცენტრის მიერ გაცემული აღიარება/ნამდვილობის დადასტურების დოკუმენტი);

ბ) შრომის წიგნაკი ან შრომითი ურთიერთობების დამადასტურებელი ცნობა ორგანიზაციის, თანამდებობის, დანიშვნისა და გათავისუფლების თარიღების მითითებით (უცხოენოვანი ცნობის შემთხვევაში, ქართულ ენაზე ნათარგმნი და ნოტარიულად გამოწმებული).

- კანდიდატმა აუცილებლად უნდა მიუთითოს არანაკლებ 2 (ორი) რეკომენდატორი (რეკომენდატორების საკონტაქტო ინფორმაცია და დაკავებული თანამდებობები);

- კანდიდატმა აუცილებლად უნდა წარმოადგინოს სამოტივაციო წერილი (ქართულ ენაზე), თუ რატომ დაინტერესდა კონკრეტული ვაკანსიით/ორგანიზაციით;

- გასაუბრებაზე დაიშვება კანდიდატი, რომელიც წარმოადგენს უმაღლესი განათლების დამადასტურებელი დოკუმენტის ასლს (სსიპ - განათლების ხარისხის განვითარების ეროვნული ცენტრის მიერ გაცემული აღიარების/ნამდვილობის დადასტურების დოკუმენტი).

საქართველოს თავდაცვის სამინისტროს ვაკანტურ თანამდებობებზე ჩასატარებელი კონკურსის პროგრამის, პირობები და ეტაპები იხილეთ, საქართველოს თავდაცვის სამინისტროს ვებგვერდზე (www.mod.gov.ge).

გადაწყვეტილების მიღების ფორმა და ვადა:

კომისიის საბოლოო გადაწყვეტილება მიიღება კენჭისყრის საფუძველზე, განცხადებების მიღების ვადის ამოწურვიდან არა უგვიანეს 3 თვისა.