შესყიდვების სპეციალისტი

DESIGN MALL არის დიზაინისა და სარემონტო მასალების მოლი თბილისში, სადაც ერთ სივრცეში შეგიძლიათ შეარჩიოთ სარემონტო მასალები, ავეჯი და დეკორი, ასევე მიიღოთ პროფესიონალი დიზაინერებისა და არქიტექტორების მომსახურება.

მიმდინარე და დაგეგმილი საქმიანობის ეფექტიანად განხორციელების მიზნით, ვეძებთ კვალიფიციურ, პასუხისმგებლიან და დეტალებზე ორიენტირებულ შესყიდვების სპეციალისტს, რომელიც შემოუერთდება ჩვენს პროფესიონალურ გუნდს.

სამუშაო ადგილი: თბილისი

სამუშაო გრაფიკი: ორშაბათი-პარასკევი, სრული განაკვეთი

ანაზღაურება: შეთანხმებით

ძირითადი მოვალეობები:

• კომპანიის საჭიროებების შესაბამისად შესყიდვების პროცესის სრულად მართვა და კოორდინაცია;
• არსებული და პოტენციური მომწოდებლების მოძიება, შეფასება და შერჩევა;
• მომწოდებლებთან კომუნიკაცია, ფასებისა და კომერციული პირობების მოლაპარაკება;
• ფასების, პირობებისა და შეთავაზებების შედარება და ოპტიმალური გადაწყვეტილებების მიღება;
• შესყიდვების შეკვეთების მომზადება, გაფორმება და შესრულების კონტროლი;
• პროდუქციისა და მასალების მიწოდების ვადების, რაოდენობისა და ხარისხის კონტროლი;
• მომწოდებლებთან არსებული ურთიერთობების მართვა და განვითარება;
• შესყიდვებთან დაკავშირებული დოკუმენტაციის წარმოება და სისტემატიზაცია;
• მარაგების შესახებ ინფორმაციის მონიტორინგი და საჭიროებების დროული განსაზღვრა;
• სხვადასხვა დეპარტამენტისგან მიღებული შესყიდვების მოთხოვნების დამუშავება და კოორდინაცია;
• შესყიდვების პროცესში ხარჯების ოპტიმიზაციისა და საუკეთესო კომერციული პირობების მოძიება;
• ხელმძღვანელობისთვის შესყიდვებთან დაკავშირებული ანგარიშებისა და საჭირო ინფორმაციის მომზადება.

საკვალიფიკაციო მოთხოვნები:

• უმაღლესი განათლება ბიზნესის ადმინისტრირების, ეკონომიკის, მენეჯმენტის, ლოჯისტიკის ან შესაბამისი მიმართულებით;
• შესყიდვების მიმართულებით მუშაობის მინიმუმ 2-წლიანი გამოცდილება;
• მომწოდებლებთან მოლაპარაკებებისა და კომუნიკაციის გამოცდილება;
• შესყიდვების პროცესის ეტაპების კარგი ცოდნა;
• ანალიტიკური აზროვნების უნარი და დეტალებზე ორიენტირებულობა;
• მაღალი პასუხისმგებლობის გრძნობა, ორგანიზებულობა და დროის ეფექტურად მართვის უნარი;
• Microsoft Office-ის, განსაკუთრებით Excel-ის, კარგი ცოდნა;
• ინგლისური ენის ცოდნა პროფესიულ დონეზე.

უპირატესობად ჩაითვლება:

• სამშენებლო მიმართულებით მუშაობის გამოცდილება;
• სარემონტო ან სამშენებლო მასალების მიმართულებით შესყიდვების გამოცდილება;
• სამშენებლო და სარემონტო მასალების, მათი სპეციფიკისა და ბაზრის ცოდნა;
• ERP ან შესყიდვების მართვის პროგრამებთან მუშაობის გამოცდილება.

დაინტერესების შემთხვევაში, გთხოვთ გამოგვიგზავნოთ რეზიუმე შემდეგ ელ.ფოსტის მისამართზე: Hr@designmall.ge (სათაურის ველში აუცილებლად მიუთითეთ ვაკანსიის დასახელება).

რეზიუმეს გამოგზავნით თქვენ ეთანხმებით, რომ თქვენი პერსონალური მონაცემები დამუშავდება შპს დიზაინ მოლის მიერ, მონაცემთა დაცვის საერთაშორისო სტანდარტებისა და საქართველოს მოქმედი კანონმდებლობის შესაბამისად.

პერსონალური მონაცემების დამუშავების მიზანია კანდიდატის შესაბამისობის დადგენა არსებულ და/ან სამომავლო ვაკანსიის მოთხოვნებთან, დასაქმების თაობაზე გადაწყვეტილების მიღების მიზნით და შეინახება არაუმეტეს 1 (ერთი) წლის ვადით.

თქვენ გაქვთ უფლება, მიიღოთ ინფორმაცია თქვენს შესახებ დამუშავებული მონაცემების თაობაზე, მოითხოვოთ მონაცემების გასწორება, განახლება, დამატება, დაბლოკვა, წაშლა და/ან განადგურება. შესაბამისი მოთხოვნით შეგიძლიათ მოგვმართოთ ელექტრონულ მისამართზე: Hr@designmall.ge