საზოგადოებასთან ურთიერთობის სამსახურის ციფრული კომუნიკაციების განყოფილების უფროსი

თანამდებობის დასახელება:

მეორე რანგი - საჯარო დაწესებულების მეორადი სტრუქტურული ერთეულის ხელმძღვანელი

პოზიციის დასახელება:

საზოგადოებასთან ურთიერთობის სამსახურის ციფრული კომუნიკაციების განყოფილების უფროსი

კონკურსის ტიპი:

დახურული კონკურსი

ორგანიზაცია:

საქართველოს პრეზიდენტის ადმინისტრაცია

კატეგორია:

მართვა/მენეჯმენტი

განცხადების ბოლო ვადა:

26.10.2026

თანამდებობრივი სარგო:

6400 ლარი

ადგილების რაოდენობა:

1

სამსახურის ადგილმდებარეობა:

თბილისი

სამუშაოს ტიპი:

სრული განაკვეთი

ფუნქციები:

-განყოფილების საქმიანობის ხელმძღვანელობა, ამოცანების დასახვა და თანამშრომელთათვის დავალებების განაწილება, მათი შესრულების ვადების განსაზღვრა და კონტროლი;

-განყოფილების თანამშრომელთა სამსახურებრივი მოვალეობის შესრულების ზედამხედველობა და მათ მიერ საქართველოს პრეზიდენტის ადმინისტრაციის შინაგანაწესის შესრულების კონტროლი;

-საქართველოს პრეზიდენტის ოფიციალური სოციალური ქსელების (Facebook, Instagram, YouTube, X, Web, Tik-Tok) გვერდების ყოველდღიური ადმინისტრირების, განახლებისა და განვითარების გრძელვადიანი და მოკლევადიანი სტრატეგიების შემუშავება და განხორციელების ზედამხედველობა;

-სოციალურ ქსელებში გამოსაქვეყნებელი ტექსტური, ფოტო, ვიდეო და გრაფიკული კონტენტის მომზადების პროცესის ხელმძღვანელობა, კონტენტის კალენდრის წარმოებისა და პრიორიტეტების განსაზღვრის უზრუნველყოფა;

-მომხმარებელთა და საზოგადოების შეტყობინებებსა და კომენტარებზე ოპერატიული უკუკავშირის უზრუნველყოფა, კომუნიკაციის პროფესიული სტანდარტებისა და პროტოკოლური ნორმების მკაცრი დაცვა;

-სოციალურ ქსელებსა და ციფრულ არხებში მიზნობრივი სარეკლამო კამპანიების დაგეგმვა, ბიუჯეტის მართვა, გაშვება და ოპტიმიზაცია; სამიზნე აუდიტორიების (Targeting) განსაზღვრა და შესაბამისი ციფრული აქტივობების კოორდინაცია;

-საინფორმაციო, საგანმანათლებლო და საიმიჯო ვიდეორგოლებისა და ციფრული ბანერების იდეების გენერირება, შექმნის პროცესის მართვა;

-ოფიციალური ღონისძიებებისა და პროექტების ოპერატიული ციფრული გაშუქების (Live-სტრიმინგი, Story-ფორმატები) უზრუნველყოფა;

-ციფრულ არხებში ცნობადობისა და აუდიტორიის ჩართულობის (Engagement) მაჩვენებლების მუდმივი მონიტორინგი; ყოველთვიური და კვარტალური ანალიტიკური ანგარიშების (Reach, Engagement) მომზადება და სერვისების გაუმჯობესების მიზნით შესაბამისი რეკომენდაციების შემუშავება;

-ციფრული კომუნიკაციების სფეროში ახალი ტექნოლოგიების, ინსტრუმენტებისა და გლობალური ტრენდების მუდმივი კვლევა, ანალიზი და განყოფილების ყოველდღიურ საქმიანობაში მათი ეფექტიანი დანერგვა;

-განყოფილების საქმიანობასთან დაკავშირებული კორესპონდენციისა და დოკუმენტაციის განხილვა, ორგანიზება და სისტემატიზება, მათ შორის, საქართველოს პრეზიდენტის ადმინისტრაციაში არსებულ საქმისწარმოების ელექტრონულ სისტემაში მუშაობა;

-საქართველოს პრეზიდენტის ადმინისტრაციის მიერ გასაცემი საჯარო და პროაქტიულად გამოსაქვეყნებელი ინფორმაციის მომზადებაში მონაწილეობა;

-განყოფილების თანამშრომელთა შეფასების, წახალისების, განვითარების, მოტივირების პროცესის განხორციელება; დისციპლინური ღონისძიებების მიმდინარეობის პროცესში მონაწილეობის მიღება;

-შესრულებული სამუშაოს შესახებ ანგარიშის მომზადება საჭიროების შემთხვევაში;

-სამსახურის ხელმძღვანელის მოვალეობის შესრულება მისი არყოფნის ან მოვალეობის განხორციელების შეუძლებლობის შემთხვევაში;

-საქართველოს პრეზიდენტის ადმინისტრაციის დებულებით, საქართველოს პრეზიდენტის ადმინისტრაციის სამართლებრივი აქტებითა და კანონმდებლობით გათვალისწინებული სხვა უფლებამოსილებებისა და მოვალეობების განხორციელება სამსახურის ხელმძღვანელის ცალკეული დავალებების/მითითებების შესაბამისად.

მინიმალური განათლება:

ბაკალავრი

სამუშაო გამოცდილება:

2 წელი

საკონკურსო თემატიკა:

საქართველოს კონსტიტუცია;

- საქართველოს კანონი „საჯარო სამსახურის შესახებ“;

- საქართველოს კანონი „საქართველოს ზოგადი ადმინისტრაციული კოდექსი“ (III თავი);

- საქართველოს კანონი „სიტყვისა და გამოხატვის თავისუფლების შესახებ“;

- საქართველოს კანონი „მაუწყებლობის შესახებ“;

- ,,საქართველოს პრეზიდენტის ადმინისტრაციის შესახებ“ საქართველოს პრეზიდენტის 2026 წლის 9 ოქტომბრის N257 ბრძანებულება;

- „საჯარო დაწესებულებაში ეთიკისა და ქცევის ზოგადი წესების განსაზღვრის შესახებ“ საქართველოს მთავრობის 2017 წლის 20 აპრილის №200 დადგენილება.

საკონკურსო კომისიის მისამართი:

ათონელის N25, ქ. თბილისი, საქართველო

საკონტაქტო ტელეფონები:

032 2281824

საკონტაქტო პირი:

ლანა ტეფნაძე

დამატებითი მოთხოვნები:

-აუცილებელია: საზოგადოებასთან ურთიერთობის/ჟურნალისტიკის მიმართულებით მუშაობის გამოცდილება არანაკლებ 2 წელი;

დამატებითი ინფორმაცია:

შესაბამის ველში - კანდიდატმა აუცილებლად უნდა ატვირთოს:

- უმაღლესი განათლების დამადასტურებელი დიპლომის ასლი (უცხოენოვანი დიპლომის განათლების ხარისხის განვითარების ეროვნული ცენტრის მიერ გამოცემული აღიარების დოკუმენტი);

- შრომის წიგნაკის ან შრომითი ურთიერთობის დამადასტურებელი დოკუმენტების ასლები (ორგანიზაცია, თანამდებობა, დანიშვნისა და გათავისუფლების თარიღების მითითებით, უცხოენოვანი ცნობის შემთხვევაში ქართულ ენაზე ნათარგმნი და ნოტარიულად დამოწმებული);

- დახურული კონკურსი ცხადდება საჯარო სამსახურის სისტემის მასშტაბით და გულისხმობს შესაფერისი კანდიდატის შერჩევას მოქმედი მოხელეებიდან, მოხელეთა რეზერვში ჩარიცხული მოხელეებიდან და შრომითი ხელშეკრულებით დასაქმებული პირებიდან; ამასთანავე, შრომითი ხელშეკრულებით დასაქმებულ პირს უფლება აქვს, მონაწილეობა მიიღოს დახურულ კონკურსში, თუ იგი არანაკლებ 1 წელი მუშაობს საჯარო სამსახურის სისტემაში.

- შრომითი ხელშეკრულებით დასაქმებული პირი ვაკანტურ თანამდებობაზე მიიღება გამოსაცდელი ვადით, რომლის ხანგრძლივობა შეადგენს 12 თვეს.

- კანდიდატმა უნდა ატვირთოს ცნობა, რომლითაც დასტურდება რომ კანდიდატი არის მოქმედი პროფესიული საჯარო მოხელე ან მოხელეთა რეზერვში ჩარიცხული

პირი ან შრომითი ხელშეკრულებით დასაქმებული პირი, რომელიც არანაკლებ 1 წელია მუშაობს საჯარო სამსახურის სისტემაში.

- საბუთების არასრულყოფილად წარდგენის შემთხვევაში კანდიდატი კონკურსის II ეტაპზე არ დაიშვება.

გადაწყვეტილების მიღების ფორმა და ვადა:

კომისიის საბოლოო გადაწყვეტილება მიიღება ხმათა უბრალო უმრავლესობის საფუძველზე, განაცხადების წარდგენის ვადის დასრულებიდან არაუგვიანეს 3 თვის ვადაში.