სატრანსპორტო სამსახურის უფროსი

"ჯორჯიან უოთერ ენდ ფაუერი" წამყვანი კომპანიაა საქართველოს წყალმომარაგების ბაზარზე, რომლის მიზანია თბილისისა და მისი შემოგარენის ხარისხიანი, უსაფრთხო და საიმედო წყალმომარაგებით უზრუნველყოფა. GWP 2022 წლიდან ესპანური ჰოლდინგის Aqualia-ს წევრი ორგანიზაციაა. Aqualia წყალმომარაგების დარგში ერთ-ერთი მოწინავე კომპანიაა, რომელიც 19 ქვეყანაში ოპერირებს.

ვეძებთ გუნდის ახალ წევრს სატრანსპორტო სამსახურის უფროსის პოზიციაზე.

სამუშაო გრაფიკი: ორშაბათი-პარასკევი / 09:00 -18:00 სთ;

სამუშაო ადგილი: ფეიქრების ტერიტორია

ძირითადი მოვალეობები:

• სატრანსპორტო სამსახურის საქმიანობის დაგეგმვა, ორგანიზება და მართვა, პრიორიტეტების განსაზღვრა და სამუშაო პროცესების ეფექტიანი წარმართვა;
• თანამშრომელთა სამუშაო დატვირთვის შეფასება, ფუნქციებისა და პასუხისმგებლობების ოპტიმალური განაწილება, დავალებების დელეგირება და შესრულების მონიტორინგი;
• სამსახურის საქმიანობისა და მიმდინარე პროცესების ანალიზი, ეფექტიანობის შეფასება და გაუმჯობესების ღონისძიებების დაგეგმვა;
• ავტოსატრანსპორტო საშუალებების ტექნიკური მომსახურებისა და გეგმური პროფილაქტიკური სამუშაოების დაგეგმვის, დროულად შესრულებისა და ხარისხის კონტროლის უზრუნველყოფა;
• სატრანსპორტო საშუალებების დაზიანებისა და გაუთვალისწინებელი შემთხვევების მიზეზების შესწავლა, შესაბამისი რეაგირების ღონისძიებების განსაზღვრა და სარემონტო სამუშაოების შესრულების კონტროლი;
• ავტოპარკის ტექნიკური მდგომარეობის, გამართულობისა და სამუშაო საჭიროებებისთვის მზადყოფნის მონიტორინგი;
• სამსახურის მართვაში არსებული მატერიალური რესურსების აღრიცხვის, შენარჩუნებისა და ეფექტიანი გამოყენების კონტროლი;
• სატრანსპორტო სამსახურის საჭიროებების განსაზღვრა, შესყიდვების საჭიროებების დასაბუთება და შესყიდვების გეგმის მომზადების პროცესის ორგანიზება;
• კომპანიის სატრანსპორტო პოლიტიკის შემუშავებაში, განახლებასა და დანერგვაში მონაწილეობა, მისი შესრულების მონიტორინგი და დადგენილ მოთხოვნებთან შესაბამისობის კონტროლი;
• სატრანსპორტო საშუალებების განაწილების, გამოყენებისა და ექსპლუატაციის ერთიანი სტანდარტებისა და პროცედურების შემუშავება და დანერგვა;
• სატრანსპორტო საშუალებების საჭიროების განსაზღვრის, განაწილებისა და გადანაწილების პროცესების მართვა, ფაქტობრივი დატვირთვისა და საოპერაციო საჭიროებების გათვალისწინებით;
• სატრანსპორტო პოლიტიკის მოთხოვნების დარღვევების გამოვლენა, მათი გამომწვევი მიზეზების ანალიზი და პრევენციული ღონისძიებების შემუშავება;
• ავტოპარკის მიზნობრივი გამოყენებისა და სატრანსპორტო რესურსების ეფექტიანი მართვის მიზნით შიდა კონტროლის მექანიზმების განვითარება;
• ავტოპარკის გამოყენების, ტექნიკური მზადყოფნის, დატვირთვის, მოცდენისა და ექსპლუატაციის ხარჯების შესახებ მონაცემების შეგროვება, სისტემატიზაცია და ანალიზი;
• ავტოპარკის დატვირთვისა და გამოყენების ინტენსივობის შეფასება, არაეფექტიანად გამოყენებული რესურსების გამოვლენა და ოპტიმიზაციის ღონისძიებების ინიცირება;
• სატრანსპორტო საშუალებების ფლობისა და ექსპლუატაციის სრული ღირებულების (TCO -Total Cost of Ownership) ანალიზი და ეკონომიკურად დასაბუთებული გადაწყვეტილებების მომზადება;
• სატრანსპორტო საშუალებების შენარჩუნების, შეკეთების, ჩანაცვლების, იჯარით სარგებლობისა და ახალი ტექნიკის შეძენის ალტერნატივების ფინანსურ-ეკონომიკური შეფასება;
• სატრანსპორტო საქმიანობის შედეგების შეფასება, ანალიტიკური ანგარიშებისა და მენეჯმენტისთვის შესაბამისი რეკომენდაციების მომზადება;
• სატრანსპორტო სამსახურის წლიური ბიუჯეტის დაგეგმვის პროცესში მონაწილეობა და ბიუჯეტის შესრულების მონიტორინგი;
• დაგეგმილი და ფაქტობრივი ხარჯების შედარება, გადახრების მიზეზების ანალიზი და შესაბამისი ღონისძიებების განსაზღვრა;
• საწვავის, ტექნიკური მომსახურების, შეკეთებისა და ავტოპარკის ექსპლუატაციასთან დაკავშირებული სხვა ხარჯების სტრუქტურული ანალიზი;
• ხარჯების ოპტიმიზაციისა და სატრანსპორტო რესურსების გამოყენების ეფექტიანობის გაზრდის შესაძლებლობების გამოვლენა და შესაბამისი ღონისძიებების განხორციელება;
• ავტოპარკის განახლებისა და განვითარების საშუალო და გრძელვადიანი გეგმების მომზადება ტექნიკური მდგომარეობის, ექსპლუატაციის ხარჯებისა და კომპანიის საჭიროებების გათვალისწინებით;
• სატრანსპორტო რესურსების შიდა გამოყენებისა და გარე მომსახურების შესყიდვის ეკონომიკური მიზანშეწონილობის შეფასება;
• სატრანსპორტო პროცესების ავტომატიზაციისა და ციფრული მართვის შესაძლებლობების გამოვლენა და შესაბამისი ინიციატივების განხორციელება;
• GPS მონიტორინგის სისტემის გამართული ფუნქციონირების კონტროლი და სატრანსპორტო საშუალებების გადაადგილებისა და გამოყენების მონაცემების ანალიზი;
• GPS მონიტორინგის, საწვავის აღრიცხვის, ტექნიკური მომსახურებისა და ფინანსური მონაცემების ერთობლივი ანალიზის საფუძველზე მართვის პროცესების გაუმჯობესება;
• სატრანსპორტო საქმიანობასთან დაკავშირებული რისკების შეფასება, შიდა კონტროლის მექანიზმების განვითარება და პრევენციული ღონისძიებების დაგეგმვა;
• სატრანსპორტო სამსახურის საქმიანობის ანგარიშგების, მონაცემთა სიზუსტისა და ინფორმაციის ხელმისაწვდომობის გაუმჯობესება.

საკვალიფიკაციო მოთხოვნები:

• უმაღლესი განათლება ბაკალავრის ხარისხით სატრანსპორტო, საინჟინრო, ტექნიკურ, ბიზნესის ადმინისტრირების ან შესაბამის სფეროში;
• სატრანსპორტო სფეროში მუშაობის არანაკლებ 5-წლიანი გამოცდილება, მათ შორის, მენეჯერულ პოზიციაზე მუშაობის არანაკლებ 2-წლიანი გამოცდილება;
• ავტოპარკის მართვის, სატრანსპორტო საშუალებების ექსპლუატაციისა და ტექნიკური მომსახურების დაგეგმვის პრაქტიკული გამოცდილება;
• ავტოსატრანსპორტო საშუალებებისა და მანქანა-მექანიზმების ექსპლუატაციის ძირითადი პრინციპების ცოდნა;
• GPS მონიტორინგისა და სანავიგაციო სისტემებთან მუშაობის გამოცდილება;
• საოპერაციო მონაცემების ანალიზის, ანგარიშგებისა და ხარჯების კონტროლის გამოცდილება;
• Microsoft Office-ის პროგრამების, განსაკუთრებით Microsoft Excel-ის, მაღალ დონეზე ცოდნა;
• ინგლისური ენის ცოდნა არანაკლებ B2 დონეზე.