სატელეფონო და დისტანციური მომსახურების სპეციალისტი

17-09-2026 - 17-10-2026

სამუშაო განაკვეთი: სრული

ვაკანსიის დასახელება: სატელეფონო და დისტანციური მომსახურების სპეციალისტი;

სამუშაოს ტიპი: სრული განაკვეთი;

მდებარეობა: ქეთევან დედოფლის გამზ. #68

განაცხადის მიღების ბოლო ვადა: 10.17.2026

სს მიკრობანკი „ემბისი“ აცხადებს ვაკანსიას სატელეფონო და დისტანციური მომსახურების სპეციალისტის პოზიციაზე კომპანიის სათავო ოფისში.

კომპანიის შესახებ:

სს მიკრობანკი ემბისი 10 წელზე მეტია ოპერირებს ქართულ საფინანსო ბაზარზე და ერთ-ერთ ყველაზე სწრაფად მზარდ და თანამედროვე ფინანსურ ინსტიტუტს წარმოადგენს. ემბისი ორიენტირებულია მცირე და საშუალო ბიზნესის დაკრედიტებაზე და აღნიშნულ სეგმენტს საბანკო სერვისების სრულფასოვან ასორტიმენტს სთავაზობს. კომპანია საქართველოს 8 რეგიონში 18 სერვის ცენტრითაა წარმოდგენილი და მისი მუშაობის მთავარი პრინციპებია: მომსახურების მაღალი სტანდარტი, სერვისის სისწრაფე და სიმარტივე, მომხმარებლებთან გრძელვადიანი, გამჭვირვალე და ორმხრივად სასარგებლო ურთიერთობის ჩამოყალიბება. ემბისი ერთ-ერთია იმ მცირერიცხოვან ქართულ ორგანიზაციებს შორის, რომელიც საერთაშორისო საინვესტიციო ინსტიტუტების ფინანსური მხარდაჭერით სარგებლობს. კომპანიას საქმიანობის მანძილზე მრავალი საერთაშორისო თუ ადგილობრივი აღიარება აქვს მოპოვებული.

ძირითადი ფუნქცია-მოვალეობები:

• ცხელ ხაზზე შემოსულ ზარებზე დროული რეაგირება, პროდუქტებსა და პროცედურებზე უტყუარი ინფორმაციის გაცემა და საჭიროების შემთხვევაში, სწორად გადამისამართება;
• ჩატში, ელ. ფოსტასა და Facebook გვერდზე შემოსულ კითხვებზე დროული პასუხი;
• მომხმარებელთა კმაყოფილების/ლოიალურობის, ასევე მიკრობანკის პროდუქტებზე კვლევების წარმოება;
• მომხმარებელთა მომსახურება კომპანიაში არსებული მომსახურების სტანდარტის შესაბამისად;
• მომხმარებელთა კმაყოფილებაზე მუდმივი ზრუნვა და რთულ მომხმარებელთან ეფექტური კომუნიკაციის წარმოება;
• საკრედიტო და საოპერაციო პროდუქტების გაყიდვების ზრდაზე ზრუნვა, კლიენტების მოტივირება;
• მომხმარებელთა პრეტენზიების სწორად დაფიქსირება და შესაბამის პირებთან გაგზავნა;
• სამუშაო პროგრამაში ინფორმაციის სწორად დაფიქსირება და დავალებების გადამისამართება;
• საჭიროების შემთხვევაში გამავალი ზარების განხორციელება;
• განვითრების მიზნით დაგეგმილ ტრენინგებსა და სემინარებზე დასწრება;
• ინდივიდუალური და გუნდური მიზნების შესრულება;

საკვალიფიკაციო მოთხოვნები და უნარები:

• უმაღლესი განათლება;
• მსგავს პოზიციაზე მუშაობის მინიმუმ 1 წლიანი გამოცდილება;
• რუსული ენის სასაუბრო დონეზე ცოდნა;
• MS Office პროგრამების ცოდნა;
• გამართული წერისა და მეტყველების, კარგი კომუნიკაციის უნარი;
• პასუხისმგებლობის მაღალი გრძნობა;
• გაწონასწორებული, დეტალებზე ორიენტირებული, პუნქტუალური;
• გუნდური მუშაობის უნარი;
• დარწმუნების და გადაწყვეტილების დამოუკიდებლად მიღების უნარი.