სასამართლოს აპარატის მანდატურის სამსახურის მანდატური

პოზიციის დასახელება:

სასამართლოს აპარატის მანდატურის სამსახურის მანდატური

კონკურსის ტიპი:

სხვა

ორგანიზაცია:

ხელვაჩაურის რაიონული სასამართლო

კატეგორია:

მანდატური

განცხადების ბოლო ვადა:

15.10.2026

თანამდებობრივი სარგო:

2400 ლარი

ადგილების რაოდენობა:

1

სამსახურის ადგილმდებარეობა:

ბათუმი

სამუშაოს ტიპი:

სრული განაკვეთი

ფუნქციები:

1. უზრუნველყოფს სასამართლოში წესრიგს, ახორციელებს პერიმეტრის შემოვლას, სასამართლოს ადმინისტრაციული შენობისა და საგუშაგო ტერიტორიის დაცვას;
2. ახორციელებს კონტროლს სასამართლოს შენობაში შესვლაზე და ამოწმებს პირადობის დამადასტურებელ დოკუმენტებს;
3. უზრუნველყოფს სასამართლოში შემოსული პროცესის მონაწილეების, დამსწრე და სხვა პირების შემოწმებას. უზრუნველყოფს დროებით ჩამორთმეული საფრთხისშემცველი ნივთის შენახვას, დაცვას და მფლობელისთვის უკან დაბრუნებას;
4. ამოწმებს სასამართლო პროცესის დაწყებისათვის სასამართლო სხდომის დარბაზის მზადყოფნას, ახორციელებს მოსამართლის მითითებით სასამართლოს სხდომის დარბაზში საპროცესო საქმისა და ნივთიერი მტკიცებულებების გადატანას და დაცვას;
5. ახორციელებს სასამართლოში წესრიგის დარღვევის გამოვლენას, აღკვეთას, და რეაგირებს კანონით გათვალისწინებული ზომებით და შიდა პროცედურებით;
6. საჭიროებისამებრ ავსებს დაკავების ოქმს და კანონმდებლობით გათვალისწინებულ სხვა დოკუმენტაციას;
7. სასამართლო პროცესის დასრულების შემდეგ უზრუნველყოფს დარბაზის გათავისუფლებას გარეშე პირებისგან;
8. უზრუნველყოფს დაგვიანებით გამოცხადებული პირების სასამართლო სხდომაზე არ დაშვებას, სხდომის თავმჯდომარის თანხმობის შემთხვევაში უზრუნველყოფს სხდომაზე დასწრებას;
9. უზრუნველყოფს სხდომაზე დამსწრე პირთა შესაბამისობას სხდომის დარბაზში არსებულ ადგილების რაოდენობასთან;
10. აღკვეთს გარეშე პირთა თავშეყრას, როგორც სასამართლოს შენობაში, ასევე მის ტერიტორიაზე, თუ აღნიშნული არღვევს წესრიგს და აფერხებს მართლმსაჯულების განხორციელებას;
11. აღკვეთს თამბაქოს მოწევას (გარდა სპეციალურად გამოყოფილი ადგილებისა), სასამართლო პროცესის ჩატარებისას სხდომათა დამსწრე პირების მიერ მობილური კომუნიკაციის საშუალებებით სარგებლობას;
12. ვიდეო-კამერების საშუალებით ახორციელებს სასამართლოს ეზოს, სხდომის დარბაზებისა და შენობის უწყვეტ კონტროლს. ახდენს რეაგირებას და სათანადო რგოლების ინფორმირებას კანონის და წესების სრული დაცვით;
13. აკისრია პასუხისმგებლობა გამოცხადების ჟურნალში თანამშრომელთა აღრიცხვაზე;
14. კომპეტენციის ფარგლებში ასრულებს ხელმძღვანელთა ცალკეულ დავალებებს;
15. კანონის ფარგლებში ახორციელებს სამუშაოსთან დაკავშირებულ და კანონით გათვალისწინებულ სხვა უფლება-მოვალეობებს.

მინიმალური განათლება:

ბაკალავრი

საკონკურსო თემატიკა:

ა) საქართველოს კონსტიტუცია;

ბ) „საერთო სასამართლოების შესახებ“ საქართველოს ორგანული კანონი;

გ) „იარაღის შესახებ“ საქართველოს კანონი;

დ) „შეკრებებისა და მანიფესტაციების შესახებ“ საქართველოს კანონი;

ე) საქართველოს სამოქალაქო საპროცესო კოდექსის 212-ე მუხლი; საქართველოს სისხლის სამართლის საპროცესო კოდექსის 85-ე მუხლი;

ვ) "საქართველოს იუსტიციის უმაღლეს საბჭოსა და საქართველოს საერთო სასამართლოებში მოქალაქესთან კომუნიკაციის სტანდარტების დამტკიცების შესახებ" საქართველოს იუსტიციის უმაღლესი საბჭოს 2009 წლის 9 ოქტომბრის N1/310 გადაწყვეტილება;

საკონკურსო კომისიის მისამართი:

ბათუმი, ფრიდონ ხალვაშის გამზირი N358

საკონტაქტო ტელეფონები:

577-14-88-94

საკონტაქტო პირი:

ნონა დუმბაძე

დამატებითი მოთხოვნები:

უნარ-ჩვევები:

- გუნდური მუშაობის უნარი;

- დეტალებზე ორიენტირების უნარი;

- მოქალაქეებთან კომუნიკაციის უნარი;

- ინფორმაციის შეგროვებისა და ანალიზის უნარი;

- დროის ეფექტურად მართვის უნარი;

დამატებითი ინფორმაცია:

- კონკურსში მონაწილეობას გააგრძელებს და შემდეგ ეტაპზე (ზეპირი დავალება და გასაუბრება) გადავა მხოლოდ ის კანდიდატი, რომელიც განცხადების (აპლიკაციის) გადარჩევის საფუძველზე დააკმაყოფილებს დადგენილ მოთხოვნებს;

- კონკურსის მეორე ეტაპზე თითოეულ კანდიდატს დაესმება კითხვები საკონკურსო თემატიკიდან გამომდინარე;

„ჩემი რეზიუმე"-ს შესაბამის ბლოკში კანდიდატმა აუცილებლად უნდა ატვირთოს:

1. განათლების დამადასტურებელი დოკუმენტი;

- სასამართლოს მანდატურად შეიძლება დაინიშნოს საქართველოს ქმედუნარიანი მოქალაქე 22 წლის ასაკიდან, თუ იგი ფლობს სახელმწიფო ენას და აქვს სამსახურებრივი მოვალეობების შესრულებისათვის შესაბამისი ჯანმრთელობის მდგომარეობა;

- სასამართლოს მანდატურად არ შეიძლება დაინიშნოს ნასამართლევი პირი;

- კანდიდატი, რომლის მონაცემებიც არ შეესაბამება დადგენილ მოთხოვნებს, მათ შორის, სავალდებულოდ ასატვირთი დოკუმენტების ან/და ინფორმაციის არასრულყოფილად წარდგენის შემთხვევაში, ვერ გააგრძელებს კონკურსში მონაწილეობას.

- კანდიდატთან დაკავშირება მოხდება მხოლოდ მის მიერ განაცხადში მითითებული ტელეფონით ან/და ელექტრონული ფოსტის საშუალებით.

- კანდიდატმა გასაუბრების ეტაპზე სავალდებულოდ უნდა წარმოადგინოს პირადობის დამადასტურებელი მოწმობა.

გადაწყვეტილების მიღების ფორმა და ვადა:

- საკონკურსო კომისია გადაწყვეტილებას მიიღებს კენჭისყრის საფუძველზე, ხმათა უმრავლესობით;

- საკონკურსო კომისია საბოლოო გადაწყვეტილებას მიიღებს განაცხადების წარდგენის ვადის დასრულებიდან არა უგვიანეს 3 თვის ვადაში;