საოპერაციო რისკების განყოფილების უფროსი

ვაკანსიის შესახებ დეტალური ინფორმაციის გასაცნობად და რეზიუმეს

გადმოსაგზავნად გთხოვთ ეწვიოთ მოცემულ ბმულს:

hel-ai.com — ბმულის გახსნა

სს „თიბისი დაზღვევა“ მომხმარებელს სთავაზობს სადაზღვევო პროდუქტების ფართო სპექტრს, როგორც საცალო, ისე კორპორატიული დაზღვევის მიმართულებით.

„თიბისი დაზღვევის“ მუშაობის მთავარ პრინციპებს წარმოადგენს: მომსახურების ხარისხი, ინოვაციური პროდუქტები და მომხმარებლისადმი ინდივიდუალური მიდგომა.

სს „თიბისი დაზღვევა“ აცხადებს ვაკანსიას საოპერაციო რისკების განყოფილების უფროსის პოზიციაზე.

სამუშაო ადგილი: ბათუმი, ჰაიდარ აბაშიძის #19

განაკვეთი: ორშაბათი-ხუთშაბათი, 10:00-19:00 სთ;

პარასკევი 10:00-17:00 სთ.

შენი, როგორც საოპერაციო რისკების განყოფილების უფროსის მთავარი ფუნქციები იქნება:

• განყოფილების საქმიანობის დაგეგმვა, ორგანიზება და კოორდინირება, განსაზღვრული ამოცანებისა და ფუნქციების შესრულების ზედამხედველობა;
• განყოფილების თანამშრომლებს შორის ფუნქციებისა და მოვალეობების გადანაწილება, შესაბამისი დავალებებისა და მითითებების გაცემა, მათი შესრულების კონტროლი;
• თანამშრომლების პროფესიული განვითარების ხელშეწყობა, სამუშაო პროცესში მხარდაჭერა და მოტივაციაზე ზრუნვა;
• საოპერაციო რისკების მართვის ჩარჩოს შემუშავება, დანერგვა და მუდმივი განვითარება;
• საოპერაციო რისკების მართვის პოლიტიკების, მეთოდოლოგიებისა და პროცედურების შემუშავება და განახლება;
• რისკების აპეტიტით განსაზღვრული მეტრიკების მონიტორინგი, დარღვევების გამოვლენა და სამოქმედო გეგმის შემუშავება (სხვა განყოფილებების ჩართულობით), შესაბამისი რეპორტინგი მენეჯმენტთან;
• საოპერაციო რისკის ინციდენტებისა და Near Miss შემთხვევების აღრიცხვის, ანალიზისა და მონიტორინგის პროცესის ორგანიზება, გამომწვევი მიზეზების იდენტიფიცირება და შესაბამისი პრევენციული ღონისძიებების შემუშავება;
• საოპერაციო რისკების ადრეული გამოვლენის მიზნით ძირითადი რისკის ინდიკატორების (KRI) შემუშავება, მონიტორინგი და ზღვრული მნიშვნელობების დარღვევებზე შესაბამისი რეაგირების კოორდინირება;
• ბიზნესუწყვეტობისა და კრიტიკული პროცესების აღდგენის მზადყოფნის შეფასება და მონიტორინგი, ბიზნესუწყვეტობის გეგმების შემუშავების, განახლებისა და ტესტირების პროცესში მონაწილეობა;
• კომპანიის საინფორმაციო სისტემებში მომხმარებელთა წვდომის უფლებების მართვის პროცესის ზედამხედველობა, მინიჭებული უფლებების პერიოდული გადახედვისა და შეფასების უზრუნველყოფა, შეუსაბამო, ჭარბი ან ურთიერთშეუთავსებელი უფლებების გამოვლენა და შესაბამისი მაკორექტირებელი ღონისძიებების შესრულების მონიტორინგი;
• კონტროლის მექანიზმების დიზაინისა და ფუნქციონირების ეფექტურობის შეფასება, არსებული კონტროლების გაუმჯობესების მიზნით რეკომენდაციების შემუშავება;
• არსებული და ახალი სადაზღვევო პროდუქტების, ბიზნესპროცესებისა და მნიშვნელოვანი ორგანიზაციული თუ ტექნოლოგიური ცვლილებების საოპერაციო რისკების იდენტიფიცირება, შეფასება და ანალიზი;
• რისკებისა და კონტროლების თვითშეფასების (RCSA) პროცესის კოორდინირება, მეთოდოლოგიის განვითარება, შეფასებების ხარისხის კონტროლი და გამოვლენილი რისკების მონიტორინგი;
• შიდა და გარე თაღლითობის რისკების იდენტიფიცირება, შეფასება და მონიტორინგი, პრევენციული კონტროლის მექანიზმების შემუშავებისა და გაუმჯობესების ხელშეწყობა;
• საექსპერტო რჩევების მიწოდება ბიზნესისთვის, რომელიც დაკავშირებულია საოპერაციო რისკებთან;
• საოპერაციო რისკების მიტიგაციის ღონისძიებებისა და სამოქმედო გეგმების შესრულების მონიტორინგი, გამოვლენილი ხარვეზების აღმოფხვრის კონტროლი და მენეჯმენტისთვის ანგარიშგება;
• აუთსორსინგისა და მესამე მხარეების რისკების შეფასება, პერიოდული მონიტორინგი და შესაბამისი მიტიგაციის ღონისძიებების შემუშავება;
• თანამშრომლობა თიბისი ბანკის საოპერაციო რისკების განყოფილებასთან და საინვესტიციო რისკების მართვის განყოფილებასთან.

გამოგვეხმაურე, თუ:

• გაქვს უმაღლესი განათლება;
• გაქვს სადაზღვევო, საბანკო ან ფინანსურ სექტორში მსგავს პოზიციაზე მუშაობის მინიმუმ 3 წლიანი სამუშაო გამოცდილება;
• იცი ინგლისური ენა;
• იცი MS Office-ის პროგრამები, განსაკუთრებით Excel.

როგორ ვიზრუნებთ შენზე?

გთავაზობთ:

• საუკეთესო ჯანმრთელობის დაზღვევას;
• მენტალური ჯანმრთელობის დაფარვას;
• შვებულების 24 სამუშაო დღეს, 4 Day Off-სა და დამატებით 5 სამუშაო დღეს მენტალური შვებულებისთვის;
• მაგთის კორპორატიულ პაკეტს;
• პიროვნული და პროფესიული განვითარების შესაძლებლობას.

თუ გინდა, გაიგო მეტი ჩვენს გუნდზე, სამუშაო გარემოსა და იმ ბენეფიტებზე, რომლებსაც თანამშრომლებს ვთავაზობთ, ეწვიე ბმულს: www.tbci.ge — ბმულის გახსნა

კატეგორია: საბანკო სფერო / საოპერაციო რისკების მენეჯერი

გამოცდილება: უფროსი (senior), 2–5 წელი

ენები: ინგლისური (კარგად)

განათლება: ბაკალავრი

ბენეფიტები: დაზღვევა, day off, უფასო სასაუბრო დრო