სამოქალაქო სამართლის იურისტი უძრავი ქონების მიმართულებით

"არქიტექტონი" აცხადებს ვაკანსიას სამოქალაქო სამართლის იურისტის პოზიციაზე, უძრავი ქონების მიმართულებით.

ვეძებთ იურისტს, რომელიც იმუშავებს უძრავ ქონებასთან დაკავშირებულ კერძოსამართლებრივ საკითხებზე — ქონების სამართლებრივი მდგომარეობის შეფასებიდან და გარიგებების მომზადებიდან, საკუთრებასთან დაკავშირებული საკითხებისა და დავების მართვამდე.

ძირითადი მოვალეობები:

• უძრავ ქონებასთან დაკავშირებული სამართლებრივი საკითხების შესწავლა და კლიენტებისთვის სამართლებრივი კონსულტაციის გაწევა;
• უძრავი ქონების სამართლებრივი მდგომარეობის შესწავლა და შეფასება, მათ შორის საკუთრების უფლების, თანამესაკუთრეობის, რეგისტრირებული ვალდებულებების, იპოთეკის, ყადაღის, სერვიტუტისა და სხვა უფლებრივი შეზღუდვების ანალიზი;
• უძრავი ქონების შეძენამდე ან გასხვისებამდე სამართლებრივი კვლევის (Legal Due Diligence) განხორციელება და სამართლებრივი რისკების იდენტიფიცირება;
• ნასყიდობის, წინარე ნასყიდობის, გაცვლის, ჩუქების, იჯარის/ქირავნობის, სარგებლობის, ნარდობის, მომსახურების, სესხის, იპოთეკისა და უძრავ ქონებასთან დაკავშირებული სხვა ხელშეკრულებების მომზადება, შემოწმება და სამართლებრივი შეფასება;
• დეველოპერსა და უძრავი ქონების მყიდველებს შორის გასაფორმებელი წინარე და ძირითადი ხელშეკრულებების, დამატებითი შეთანხმებებისა და სხვა დოკუმენტების მომზადება და სამართლებრივი კონტროლი;
• მესაკუთრეებსა და ინვესტორებთან მიმდინარე მოლაპარაკებებში მონაწილეობა და შეთანხმებების სამართლებრივი ფორმირება;
• უძრავი ქონების თანამესაკუთრეობასთან, ქონების გაყოფასთან, საზიარო უფლების გაუქმებასთან, სარგებლობის წესის განსაზღვრასთან და სხვა სანივთო-სამართლებრივ საკითხებთან დაკავშირებული საქმეების წარმოება;
• საკუთრების უფლების დაცვასთან, უკანონო მფლობელობიდან ქონების გამოთხოვასთან, საკუთრებით სარგებლობაში ხელშეშლის აღკვეთასთან და უძრავ ქონებასთან დაკავშირებული სხვა სამოქალაქო დავების წარმოება;
• სახელშეკრულებო ვალდებულებების დარღვევასთან, ხელშეკრულების შეწყვეტასთან, ზიანის ანაზღაურებასთან, პირგასამტეხლოსა და სხვა სამოქალაქო მოთხოვნებთან დაკავშირებული საქმეების სამართლებრივი მართვა;
• კლიენტის ინტერესების დაცვა წინასასამართლო მოლაპარაკებებისა და დავის მორიგებით დასრულების პროცესში;
• სარჩელების, შესაგებლების, სააპელაციო საჩივრების, შუამდგომლობებისა და სხვა საპროცესო დოკუმენტების მომზადება;
• სამოქალაქო საქმეებზე სასამართლო პროცესებში მონაწილეობა და კლიენტების წარმომადგენლობა შესაბამისი უფლებამოსილების ფარგლებში;
• უძრავ ქონებაზე უფლებების, ვალდებულებებისა და შესაბამისი გარიგებების საჯარო რეესტრში რეგისტრაციის სამართლებრივი უზრუნველყოფა;
• სანოტარო და სარეგისტრაციო პროცედურებისთვის საჭირო სამართლებრივი დოკუმენტაციის მომზადება;
• მიმდინარე საქმეების, საპროცესო და სახელშეკრულებო ვადების კონტროლი;
• სამოქალაქო და უძრავი ქონების სამართლის მიმართულებით კანონმდებლობისა და სასამართლო პრაქტიკის მუდმივი მონიტორინგი.

საკვალიფიკაციო მოთხოვნები:

• უმაღლესი იურიდიული განათლება;
• სამოქალაქო სამართლის მიმართულებით მუშაობის გამოცდილება;
• უძრავ ქონებასთან დაკავშირებულ სამართლებრივ საკითხებზე მუშაობის პრაქტიკული გამოცდილება;
• საქართველოს სამოქალაქო კოდექსის, სამოქალაქო საპროცესო კანონმდებლობისა და საჯარო რეესტრთან დაკავშირებული კანონმდებლობის კარგი ცოდნა;
• სანივთო, ვალდებულებითი და სახელშეკრულებო სამართლის საფუძვლიანი ცოდნა;
• ხელშეკრულებებისა და საპროცესო დოკუმენტების დამოუკიდებლად მომზადების უნარი;
• სამართლებრივი კვლევის, ინფორმაციის ანალიზისა და დასაბუთებული სამართლებრივი პოზიციის ჩამოყალიბების უნარი;
• სასამართლო პრაქტიკის მოძიებისა და ანალიზის უნარი;
• მოლაპარაკებების წარმოებისა და კლიენტთან პროფესიული კომუნიკაციის უნარი;
• მაღალი პასუხისმგებლობის გრძნობა, დეტალებზე ორიენტირებულობა და რამდენიმე საქმის პარალელურად ეფექტურად მართვის უნარი.

საქართველოს ადვოკატთა ასოციაციის წევრობა სამოქალაქო სამართლის სპეციალიზაციით ჩაითვლება უპირატესობად.

გთხოვთ, გამოაგზავნოთ თქვენი რეზიუმე ელფოსტით მისამართზე: architectongeorgia@gmail.com. გთხოვთ, ელფოსტის დანიშნულების ველში მიუთითოთ: "სამოქალაქო სამართლის იურისტი".

განაცხადების მიღების ბოლო ვადა: 15 ნოემბერი