სამედიცინო აპარატურის და ინვენტარის შესყიდვების სპეციალისტი

"საქართველოს კლინიკები" აცხადებს სამედიცინო აპარატურის და ინვენტარის შესყიდვების სპეციალისტის ვაკანსიას სათავო ოფისში.

"საქართველოს კლინიკები" ყველაზე ფართო ჰოსპიტალური ქსელია საქართველოში.

სამუშაოს ადგილმდებარეობა: თბილისი, ცინცაძის N24 ა;

სამუშაო გრაფიკი: ორშაბათი-პარასკევი, 10:00-19:00;

ძირითადი ფუნქცია-მოვალეობები:

• ქსელის მასშტაბით მოხმარების მოთხოვნების ანალიზი და შესყიდვების გეგმის შექმნა.
• ბაზარზე მომწოდებლების კვლევა, შეთავაზებების შედარება და ღირებულების ანალიზი (TCO).
• ტენდერებთან დაკავშირებული პროცესების ორგანიზება და შესაბამისი დოკუმენტაციის მართვა შიდა წესებისა და რეგულაციების დაცვით.
• კონტრაქტის პირობების მოლაპარაკება, მათ შორის, ფასი, გადახდის პირობები და მომსახურების დონეები.
• ბიუჯეტისა და ფასების მონიტორინგი, დანაზოგების გამოვლენა და KPI-ზე ანგარიშგება.
• მარაგების ოპტიმიზაცია, მინიმალური და მაქსიმალური დონეების განსაზღვრა და გაუმართაობების პრევენცია.
• ინჟინერიისა და კლინიკურ გუნდებთან თანამშრომლობა ტექნიკურ სპეციფიკაციებზე.
• ხარისხისა და შესაბამისობის კონტროლი, სერტიფიკატებისა და დოკუმენტაციის გამართული დაარქივება.
• ლოჯისტიკის კოორდინირება, მათ შორის, დროული მიწოდება, მიღება და ინსტალაცია.
• რისკების მართვა და ალტერნატიული მომწოდებლების ბაზის გაფართოება.
• მონაცემთა დამუშავება და ვიზუალიზაცია.
• საორგანიზაციო პროცესების მხარდაჭერა საგანგებო საჭიროებების შემთხვევაში.
• უშუალო უფროსისა და კოორდინატორის მიერ მითითებული სხვადასხვა დავალების შესრულების უზრუნველყოფა, რაც დაკავშირებულია მის საქმიანობასთან.

საკვალიფიკაციო მოთხოვნები და უნარ-ჩვევები:

• ბაკალავრის ხარისხი; სასურველია ბიზნესის ადმინისტრირების, ფინანსების, ინჟინერიის, ბიომედიკური ინჟინერიის ან დაკავშირებულ სფეროებში.
• მინიმუმ 2-წლიანი სამუშაო გამოცდილება შესყიდვების ანალიზში ან კატეგორიულ მართვაში; სამედიცინო სფეროში გამოცდილება ჩაითვლება უპირატესობად.
• შესყიდვების პროცესებისა და ეფექტური ანალიტიკის უნარი.
• ინგლისური ან რუსული ენის ცოდნა — საშუალო დონეზე.
• ყურადღება და დეტალებზე ორიენტაციის უნარი.
• ანალიტიკური აზროვნება.
• გადაწყვეტილების მიღების უნარი.
• პრობლემების იდენტიფიცირებისა და აღმოფხვრის უნარი.

განაცხადის მიღების ბოლო ვადაა: 15 ნოემბერი, 2026.

დაინტერესებულ კანდიდატებს გთხოვთ, გამოგვიგზავნოთ რეზიუმე (CV) შემდეგ მისამართზე: gc_hr@clinics.ge და სათაურის ველში მიუთითოთ პოზიციის დასახელება "სამედიცინო აპარატურის და ინვენტარის შესყიდვების სპეციალისტი".

"საქართველოს კლინიკები" მადლობას გიხდით ვაკანტური თანამდებობით დაინტერესებისთვის და გისურვებთ წარმატებებს.

პერსონალური მონაცემების დამუშავების პირობები

მოთხოვნილი დოკუმენტის/ინფორმაციის გადმოგზავნით დასაქმების მსურველი (შემდგომში აგრეთვე — კანდიდატი) ადასტურებს, რომ მის მიერ მოწოდებული ინფორმაცია (პირადი მონაცემები, რეზიუმე, დიპლომ (ებ)ი, სერტიფიკატ (ებ)ი და სხვა ნებისმიერი მოწოდებული დოკუმენტაცია) არის უტყუარი და აცხადებს თანხმობას, რომ დამატებით წარადგენს უტყუარ ინფორმაციას, რაც საჭირო იქნება წინასახელშეკრულებო ურთიერთობის პერიოდში.

ამასთან, კანდიდატი იღებს ვალდებულებას, რომ დამსაქმებელს მიაწვდის სრულ ინფორმაციას იმ გარემოებათა შესახებ, რომლებმაც შეიძლება ხელი შეუშალოს სამუშაოს შესრულებაში ან/და საფრთხე შეუქმნას დამსაქმებლის ან მესამე პირის ინტერესებს. აღნიშნული ვალდებულების დარღვევის შემთხვევაში შესაძლოა, შესაბამისი კანდიდატურა მოიხსნას შესარჩევი კონკურსიდან, ხოლო თანამშრომლობის შემთხვევაში, მიიღოს წერილობითი გაფრთხილება ან შეწყდეს შრომითი კონტრაქტი.

დამსაქმებელი, კანდიდატის წინამდებარე თანხმობის საფუძველზე, აცხადებს, რომ დაამუშავებს წინასახელშეკრულებო პერიოდში კანდიდატისგან მოპოვებულ ინფორმაციას სს "საქართველოს კლინიკების" (ს/კ 404476205) ან მის ქსელში შემავალ სამედიცინო დაწესებულებაში (ყოველგვარი ეჭვის გამოსარიცხად, ქსელში შემავალ სამედიცინო დაწესებულებაში იგულისხმება: სს "საქართველოს კლინიკების" შვილობილი და/ან მასთან დაკავშირებული ნებისმიერი პროფილის კომპანია და/ან მისი პირდაპირი ან ირიბი მართვის ქვეშ მყოფი კომპანია (შემდგომში — დამსაქმებელი).

დამსაქმებელი იღებს ვალდებულებას, წინასახელშეკრულებო პერიოდში კანდიდატისგან მოპოვებული ინფორმაცია დაამუშაოს იმ მოცულობით და ფარგლებში, რომელიც საჭიროა კანდიდატის დასაქმების მიზნის მისაღწევად. მოპოვებული ინფორმაცია დამსაქმებელთან ინახება არაუმეტეს 3 (სამი) წლის ვადით, ხოლო ნებისმიერი სადავო საკითხის შემთხვევაში, რომელსაც შეიძლება შემხებლობა ჰქონდეს კანდიდატთან ან მოპოვებულ ინფორმაციასთან, — შესაბამისი დავის დასრულებამდე. ამასთან, სადავო გარემოებების არსებობისას, დამსაქმებელი უფლებამოსილია, მოპოვებული ინფორმაცია გადასცეს შესაბამის კომპეტენტურ ორგანოებს. ასევე, კანდიდატის მიერ გამოგზავნილი მონაცემები შესაძლოა, არ იქნას განხილული მოცემულ ვაკანსიაზე და დარეზერვებული იქნას სხვა რელევანტური ვაკანსიისთვის. დასაქმების შემთხვევაში, კანდიდატის მონაცემები შეინახება მინიმუმ დასაქმების სრული პერიოდის განმავლობაში.

დამსაქმებელი ასევე იღებს ვალდებულებას, რომ წინასახელშეკრულებო პერიოდში კანდიდატს გააცნოს სრული ინფორმაცია შესასრულებელი სამუშაოს, შრომითი ხელშეკრულების ფორმის (წერილობითი, ზეპირი), ვადის, შრომის პირობებისა და დასაქმებულის უფლებრივი მდგომარეობის შესახებ.

პერსონალურ მონაცემთა დაცვის მაღალი სტანდარტის დანერგვისა და მათ დამუშავებასთან დაკავშირებული ნებისმიერი საკითხისა თუ წამოჭრილი პრობლემის მაქსიმალურად ეფექტურად მართვის/გადაჭრის მიზნით, წინამდებარე თანხმობის გამცემი პირი უფლებამოსილია, კონსულტაციისთვის ნებისმიერ დროს მიმართოს დამსაქმებლის პერსონალურ მონაცემთა დაცვის ოფიცერს და არსებული საჭიროებიდან გამომდინარე, მაქსიმალურად მოკლე ვადაში მიიღოს კვალიფიციური და ოპერატიული მომსახურება.