რადიოლოგი

15-10-2026 - 15-11-2026

Gaia IVF Clinic, რეპროდუქციული მედიცინისა და ინ ვიტრო განაყოფიერების მიმართულებით სპეციალიზებული კლინიკა, რომელიც საქმიანობას ახორციელებს საერთაშორისო პაციენტებთან და სთავაზობს მათ რეპროდუქციული ჯანმრთელობის თანამედროვე სერვისებს, აცხადებს ვაკანსიას რადიოლოგის პოზიციაზე.

ძირითადი მოვალეობები:

• კლინიკაში ვიზიტით მისული პაციენტებისთვის ულტრაბგერითი კვლევების ჩატარება შესაბამისი სამედიცინო ჩვენებებისა და დადგენილი პროტოკოლების გათვალისწინებით.
• სუროგატი დედების ორსულობის მიმდინარეობის ულტრაბგერითი მონიტორინგი, ნაყოფის ზრდისა და განვითარების შეფასება და შესაბამისი სამედიცინო მონაცემების აღრიცხვა.
• ორსულობის პერიოდში ნაყოფის გულისცემის, ბიომეტრიული მაჩვენებლების, სანაყოფე წყლების რაოდენობის, პლაცენტის მდებარეობისა და სხვა შესაბამისი პარამეტრების შეფასება.
• ორსულობის მიმდინარეობასთან დაკავშირებული შესაძლო გართულებებისა და პათოლოგიური ცვლილებების გამოვლენა და საჭიროების შემთხვევაში შესაბამისი სპეციალისტის ინფორმირება.
• ჩატარებული ულტრაბგერითი კვლევების შედეგების საფუძველზე სამედიცინო დასკვნის მომზადება და შედეგების პაციენტის სამედიცინო ისტორიაში სათანადოდ ასახვა.
• კვლევის შედეგების შესახებ პაციენტისთვის ინფორმაციის მიწოდება საკუთარი პროფესიული კომპეტენციის ფარგლებში.
• სამედიცინო ჩვენების არსებობის შემთხვევაში პაციენტის დამატებით კვლევებზე ან შესაბამის სპეციალისტთან კონსულტაციაზე გადამისამართების რეკომენდაციის გაცემა.
• პაციენტთა სამედიცინო დოკუმენტაციის, კვლევის შედეგებისა და პერსონალური მონაცემების კონფიდენციალურობის დაცვა მოქმედი კანონმდებლობისა და კლინიკის შიდა წესების შესაბამისად.
• კლინიკის სამედიცინო პერსონალთან თანამშრომლობა პაციენტებისთვის ხარისხიანი და უწყვეტი სამედიცინო მომსახურების უზრუნველყოფის მიზნით.
• პროფესიული ცოდნისა და კვალიფიკაციის მუდმივი განვითარება და სამედიცინო სფეროში არსებული თანამედროვე სტანდარტებისა და რეკომენდაციების გათვალისწინება.

აუცილებელი კვალიფიკაცია და უნარები:

• შესაბამისი სამედიცინო განათლება და რადიოლოგის პროფესიული კვალიფიკაცია.
• ულტრაბგერითი კვლევების ჩატარების შესაბამისი გამოცდილება.
• პაციენტებთან ეფექტური კომუნიკაციის უნარი.
• პასუხისმგებლობის მაღალი გრძნობა და დეტალებზე ორიენტირებულობა.
• გუნდური მუშაობის უნარი.
• პროფესიული განვითარების მუდმივი სურვილი.
• ინგლისური ენის ცოდნა.

ჩვენ გთავაზობთ:

• მულტიკულტურულ და პროფესიულ სამუშაო გარემოს.
• ჯანმრთელობის დაზღვევას.
• ანაზღაურებას, რომელიც განისაზღვრება კანდიდატის გამოცდილების, კვალიფიკაციისა და მოლოდინების შესაბამისად.