პროტოკოლისა და ღონისძიებების სამსახურის პროტოკოლის განყოფილების უფროსი

თანამდებობის დასახელება:

მეორე რანგი - საჯარო დაწესებულების მეორადი სტრუქტურული ერთეულის ხელმძღვანელი

პოზიციის დასახელება:

პროტოკოლისა და ღონისძიებების სამსახურის პროტოკოლის განყოფილების უფროსი

კონკურსის ტიპი:

შიდა კონკურსი

ორგანიზაცია:

საქართველოს პრეზიდენტის ადმინისტრაცია

კატეგორია:

მართვა/მენეჯმენტი

განცხადების ბოლო ვადა:

26.10.2026

თანამდებობრივი სარგო:

6400 ლარი

ადგილების რაოდენობა:

1

სამსახურის ადგილმდებარეობა:

თბილისი

სამუშაოს ტიპი:

სრული განაკვეთი

ფუნქციები:

-განყოფილების საქმიანობის ხელმძღვანელობა, ამოცანების დასახვა და თანამშრომელთათვის დავალებების განაწილება, მათი შესრულების ვადების განსაზღვრა და კონტროლი;

-სამსახურის თანამშრომელთა სამსახურებრივი მოვალეობის შესრულების ზედამხედველობა და მათ მიერ ადმინისტრაციის შინაგანაწესის შესრულების კონტროლი;

-უცხო ქვეყნის დელეგაციის ვიზიტის საერთო კოორდინაციაში მონაწილეობის მიღება;

-უცხო ქვეყნების სახელმწიფოთა მეთაურების საქართველოში ვიზიტის ფარგლებში მოსამზადებელი სამუშაოების გეგმისა და პროგრამის პროექტების შემუშავება ან/და მომზადებული პროექტის კორექტირება;

-უცხო ქვეყნის სახელმწიფოთა მეთაურების საქართველოში ვიზიტების ფარგლებში ცერემონიული ხასიათის ღონისძიებების უზრუნველყოფის მიზნით, კომპეტენციის ფარგლებში დიპლომატებთან და მოსამზადებელ ჯგუფებთან მოლაპარაკებების წარმოება;

-საქართველოს პრეზიდენტის საზღვარგარეთ დაგეგმილი ვიზიტის მომზადებისას საქართველოსა და სხვა ქვეყნების შესაბამის სახელმწიფო სტრუქტურებთან და სხვადასხვა ორგანიზაციასთან მოლაპარაკების წარმოება;

-საქართველოს პრეზიდენტის საზღვარგარეთ ვიზიტის ფარგლებში საქართველოს პრეზიდენტის თანმხლები დელეგაციის შემადგენლობის შესახებ ინფორმაციის მოპოვება და შესაბამისი სამსახურისათვის მიწოდება განკარგულების პროექტის შემუშავების მიზნით;

-სამსახურის ხელმძღვანელთან შეთანხმებით, საქართველოს პრეზიდენტის საზღვარგარეთ დაგეგმილი ვიზიტის (სახელმწიფო, ოფიციალური, სამუშაო) პროგრამის პროექტის შედგენა და მიმღები მხარის პროტოკოლის წარმომადგენლებთან თანამშრომლობა პროექტის შეთანხმების მიზნით;

-საზღვარგარეთის ქვეყნებში საქართველოს საელჩოებთან წინასწარი მოსამზადებელი სამუშაოებისა და შეხვედრების წარმართვა, დაგეგმილი ვიზიტის მოსამზადებელი ღონისძიებების დეტალური განხილვა, საელჩოს თანამშრომლების ინფორმირება;

-საქართველოს პრეზიდენტისათვის საზღვარგარეთ შემოთავაზებული ვიზიტის პროგრამის გაანალიზება და სამსახურის ხელმძღვანელთან შეთანხმებით მისი კორექტირება;

-საზღვარგარეთის ქვეყნებში ვიზიტის ფარგლებში დაგეგმილი ორმხრივი და მრავალმხრივი შეხვედრების მომზადება, საჭიროების შემთხვევაში ვიზიტის პროგრამაში ცვლილებების შეტანა, შეთანხმება, განხორციელება;

-საქართველოს პრეზიდენტის საზღვარგარეთ ვიზიტისას მიმღებ მხარესთან ერთად ვიზიტის განხორციელების ზედამხედველობა;

-საქართველოში დაგეგმილი საერთაშორისო კონფერენციების, სემინარებისა და სხვა ღონისძიებების ორგანიზების უზრუნველყოფის ხელშეწყობა;

-საქართველოს პრეზიდენტისათვის უცხო ქვეყნის ელჩების მიერ რწმუნებათა სიგელების გადაცემისა და ასევე დაჯილდოების ცერემონიების ორგანიზების უზრუნველყოფა;

-საქართველოს პრეზიდენტის ადმინისტრაციაში გასამართი ცერემონიალური ღონისძიებების დაგეგმვისა და ორგანიზების უზრუნველყოფა;

-საქართველოს პრეზიდენტის ადმინისტრაციაში გასამართი ღონისძიებების შესახებ საქართველოში აკრედიტებული დიპლომატიური კორპუსის წარმომადგენელთა ინფორმირების, მათი მოწვევის, საქართველოს პრეზიდენტის ადმინისტრაციაში მიღებისა და საქართველოს პრეზიდენტის ადმინისტრაციიდან გაცილების პროცესების ხელმძღვანელობა;

-საქართველოს ოფიციალური პირებისათვის საქართველოს პრეზიდენტის ადმინისტრაციაში მობრძანებისას საპროტოკოლო მომსახურების გაწევის უზრუნველყოფა/ხელმძღვანელობა საჭიროების შემთხვევაში;

-საქართველოში ოფიციალური ღონისძიებების გამართვისას საქართველოს პრეზიდენტისა და საქართველოს ადმინისტრაციის უფროსისათვის საპროტოკოლო მომსახურების გაწევის უზრუნველყოფა საჭიროების შემთხვევაში;

-საქართველოს საგარეო საქმეთა სამინისტროსთან კოორდინაციით საქართველოს პრეზიდენტის ადმინისტრაციის თანამშრომელთა მიერ დიპლომატიური და სამსახურებრივი პასპორტებისა და უცხო ქვეყნების ვიზების მიღების პროცესის ზედამხედველობა;

-საქართველოს პრეზიდენტის საზღვარგარეთ დაგეგმილი ვიზიტის ფარგლებში საქართველოს პრეზიდენტისა და მისი დელეგაციის წევრებისათვის სასაზღვრო და საბაჟო პროცედურების ორგანიზების ზედამხედველობა;

-განყოფილების საქმიანობასთან დაკავშირებული კორესპონდენციისა და დოკუმენტაციის განხილვა, ორგანიზება და სისტემატიზება, მათ შორის, საქართველოს პრეზიდენტის ადმინისტრაციაში არსებულ საქმისწარმოების ელექტრონულ სისტემაში მუშაობა;

-საქართველოს პრეზიდენტის ადმინისტრაციის მიერ გასაცემი საჯარო და პროაქტიულად გამოსაქვეყნებელი ინფორმაციის მომზადების უზრუნველყოფა;

-განყოფილების თანამშრომელთა შეფასების, წახალისების, განვითარების, მოტივირების პროცესის განხორციელება; დისციპლინური ღონისძიებების მიმდინარეობის პროცესში მონაწილეობის მიღება;

-შესრულებული სამუშაოს შესახებ ანგარიშის მომზადება საჭიროების შემთხვევაში;

-სამსახურის ხელმძღვანელის/სამსახურის ხელმძღვანელის მოადგილის მოვალეობის შესრულება მისი არყოფნის ან მოვალეობის განხორციელების შეუძლებლობის შემთხვევაში;

-ადმინისტრაციის დებულებით, ადმინისტრაციის სამართლებრივი აქტებითა და კანონმდებლობით გათვალისწინებული სხვა უფლებამოსილებებისა და მოვალეობების განხორციელება სამსახურის ხელმძღვანელის ცალკეული დავალებების/მითითებების შესაბამისად.

მინიმალური განათლება:

ბაკალავრი

სამუშაო გამოცდილება:

2 წელი

საკონკურსო თემატიკა:

- საქართველოს კონსტიტუცია;

- ვენის 1961 წლის კონვენცია „დიპლომატიურ ურთიერთობათა შესახებ“;

- ვენის 1963 წლის კონვენცია „საკონსულო ურთიერთობის შესახებ“;

- საქართველოს კანონი „დიპლომატიური სამსახურის შესახებ“;

- საქართველოს კანონი „საჯარო სამსახურის შესახებ“;

- საქართველოს კანონი „საქართველოს მთავრობის სტრუქტურის, უფლებამოსილებისა და საქმიანობის წესის შესახებ“ (I - III თავები);

- საქართველოს კანონი „სახელმწიფო მნიშვნელობის სიმბოლოების შესახებ“;

- საქართველოს კანონი „საქართველოს სახელმწიფო სიმბოლოების გამოყენების წესის შესახებ“;

- „საქართველოში საპროტოკოლო ღონისძიებათა მოწყობის წესის შესახებ“ საქართველოს პრეზიდენტის 2001 წლის 27 სექტემბრის N386 ბრძანებულება;

- ,,საქართველოს პრეზიდენტის ადმინისტრაციის შესახებ“ საქართველოს პრეზიდენტის 2026 წლის 9 ოქტომბრის N257 ბრძანებულება;

- „საჯარო დაწესებულებაში ეთიკისა და ქცევის ზოგადი წესების განსაზღვრის შესახებ“ საქართველოს მთავრობის 2017 წლის 20 აპრილის №200 დადგენილება.

საკონკურსო კომისიის მისამართი:

ათონელის N25, ქ. თბილისი, საქართველო

საკონტაქტო ტელეფონები:

032 2281824

საკონტაქტო პირი:

ლანა ტეფნაძე

დამატებითი მოთხოვნები:

აუცილებელია: პროტოკოლის მიმართულებით მუშაობის გამოცდილება არანაკლებ 2 წელი.

სასურველია:

- მაგისტრის ხარისხი;

- საჯარო სამსახურში მუშაობის გამოცდილება არანაკლებ 3 წელი;

დამატებითი ინფორმაცია:

შესაბამის ველში - კანდიდატმა აუცილებლად უნდა ატვირთოს:

- უმაღლესი განათლების დამადასტურებელი დიპლომის ასლი (უცხოენოვანი დიპლომის განათლების ხარისხის განვითარების ეროვნული ცენტრის მიერ გამოცემული აღიარების დოკუმენტი);

- შრომის წიგნაკის ან შრომითი ურთიერთობის დამადასტურებელი დოკუმენტების ასლები (ორგანიზაცია, თანამდებობა, დანიშვნისა და გათავისუფლების თარიღების მითითებით, უცხოენოვანი ცნობის შემთხვევაში ქართულ ენაზე ნათარგმნი და ნოტარიულად დამოწმებული);

- საბუთების არასრულყოფილად წარდგენის შემთხვევაში კანდიდატი კონკურსის II ეტაპზე არ დაიშვება.

გადაწყვეტილების მიღების ფორმა და ვადა:

კომისიის საბოლოო გადაწყვეტილება მიიღება ხმათა უბრალო უმრავლესობის საფუძველზე, განაცხადების წარდგენის ვადის დასრულებიდან არაუგვიანეს 3 თვის ვადაში.