პროექტის ადმინისტრატორი

კომპანია "ავერსი" აცხადებს ვაკანსიას პროექტების ადმინისტრატორის პოზიციაზე.

პოზიცია მოიცავს შეხვედრებისა და ვიზიტების ორგანიზებას, დოკუმენტაციის წარმოებას, ადგილობრივი და საერთაშორისო კომპანიების შესახებ ინფორმაციის მოძიებასა და ანალიზს, ასევე მათთან საქმიან კომუნიკაციას.

ძირითადი მოვალეობები:

• შეხვედრების ორგანიზება როგორც კომპანიის შიგნით, ისე პარტნიორებთან და შესაბამისი ოქმების მომზადება;
• ოქმების, გადაწყვეტილებებისა და სამოქმედო გეგმების რეესტრის წარმოება;
• ქართული და საერთაშორისო კომპანიების შესახებ ინფორმაციის მოძიება და გაანალიზება;
• ვიზიტების, მათ შორის, ჯგუფში შემავალი კომპანიების გასაცნობი ვიზიტების დაგეგმვა, ადმინისტრირება, მათში მონაწილეობა და აღწერა;
• ადგილობრივ და საერთაშორისო კომპანიებთან საქმიანი მიმოწერის წარმოება და შეხვედრების ორგანიზება;
• დავალების შესაბამისად, კონკრეტული ადმინისტრაციული საქმიანობების შესრულება.

საკვალიფიკაციო მოთხოვნები:

• უმაღლესი განათლება;
• სასურველია ადმინისტრაციული საქმიანობის ან პროექტების კოორდინაციის მიმართულებით მუშაობის გამოცდილება;
• ქართული ენისა და გრამატიკის მაღალ დონეზე ცოდნა;
• ინგლისური ენის ცოდნა, მინიმუმ B2 დონეზე - საქმიანი მიმოწერისა და ზეპირი კომუნიკაციისთვის;
• სასურველია რუსული ენის ცოდნა, მინიმუმ B1 დონეზე;
• საოფისე პროგრამების - Word, Excel, PowerPoint და Outlook - სამუშაო დონეზე ცოდნა;
• ორგანიზატორული და საკომუნიკაციო უნარები;
• დროის მართვისა და სამუშაოს დაგეგმვის უნარი;
• დეტალებისადმი ყურადღება და სიზუსტე.

განაცხადის შემოტანის ბოლო ვადა: 03.11.2026 წელი.

ტელ: 2 506 506 (შიდა ნომერი 1532); 5 77 399 829

შენიშვნა: წინამდებარე ვაკანსიისათვის პირის (შემდგომში: კანდიდატი) მიერ CV-სა და დამატებითი დოკუმენტაციის წარდგენა ნებისმიერი სახით (ფიზიკურად ან/და ელექტრონული საშუალებით), გულისხმობს პირის მიერ პერსონალური მონაცემების დამსაქმებლისათვის გადაცემას და თანხმობის გაცხადებას აღნიშნული მონაცემების დამუშავების თაობაზე. CV-ში მოცემული პერსონალური მონაცემები დამსაქმებლის მიერ დამუშავებულ/შენახულ იქნება მხოლოდ გამოცხადებული ვაკანსიისათვის კანდიდატის შერჩევის მიზნით, შესასრულებელ სამუშაოსთან კანდიდატის შესაბამისობის დადგენის მიზნით, შესაძლო შრომითი ურთიერთობის წარმოშობის მიზნით, შრომითი ურთიერთობის მთელი პერიოდის განმავლობაში, ასევე შრომითი ურთიერთობიდან გამომდინარე. დამსაქმებლის მხრიდან, ზემოთ აღნიშნული მიზნებისათვის, პერსონალური მონაცემების დამუშავება განხორციელდება მხოლოდ შესაბამისი უფლებამოსილების მქონე პირთა/თანამშრომელთა მიერ. დამსაქმებელი კანდიდატის მონაცემების დასამუშავებლად, ასევე, იყენებს პროვაიდერი კომპანიის პროგრამულ უზრუნველყოფას.

კანდიდატის პერსონალური მონაცემების დამუშავება განხორციელდება 2 თვის ვადით, ელექტრონული ან/და ამობეჭდილი სახით. დამსაქმებელი იღებს ვალდებულებას დაიცვას კანდიდატის პერსონალური მონაცემების კონფიდენციალურობა და უსაფრთხოება, მათ შორის, უნებართვო ან/და უკანონო დამუშავებისგან, შემთხვევითი დაკარგვისგან, განადგურებისგან ან/და დაზიანებისგან.

ვაკანსიის დეტალურად სანახავად და აპლიკაციის გამოსაგზავნად, მიჰყევით ბმულს: განაცხადის შევსება