პროდუქტების განვითარების მენეჯერი

სადაზღვევო კომპანია "უნისონი" 2011 წლიდან ზრუნავს ადამიანებისა და ბიზნესების ფინანსურ უსაფრთხოებაზე. წლების განმავლობაში ჩვენ ჩამოვყალიბდით ქართული სადაზღვევო ბაზრის ერთ-ერთ წამყვან კომპანიად, რომელსაც მომხმარებლები ენდობიან პროფესიონალიზმის, ინოვაციური მიდგომებისა და საერთაშორისო პარტნიორების მხარდაჭერის გამო.

ჩვენ მუდმივად ვავითარებთ პროდუქტებსა და სერვისებს, ვნერგავთ თანამედროვე ციფრულ გადაწყვეტილებებს და ვქმნით საუკეთესო გამოცდილებას ჩვენი მომხმარებლებისთვის.

თუ გსურთ იმუშაოთ გარემოში, სადაც ფასდება ინიციატივა, პროფესიული განვითარება და შედეგზე ორიენტირებული მუშაობა, შემოუერთდით "უნისონის" გუნდს.

სადაზღვევო კომპანია "უნისონი" აცხადებს ვაკანსიას პროდუქტების განვითარების მენეჯერის პოზიციაზე.

სამუშაო ადგილი: ქ. თბილისი, გამრეკელის N19

სამუშაო საათები: ორშაბათი-პარასკევი 09:30-18:30

ძირითადი მოვალეობები:

• ბაზრის, კონკურენტული გარემოს, მომხმარებელთა საჭიროებებისა და გაყიდვების ტენდენციების კვლევა და ანალიზი;
• არსებული სადაზღვევო პროდუქტების კონკურენტუნარიანობის შეფასება და მათი გაუმჯობესების შესაძლებლობების გამოვლენა;
• ახალი სადაზღვევო პროდუქტებისა და არსებული პროდუქტების ცვლილებების კონცეფციის, ბიზნესქეისისა და კომერციული შეთავაზების შემუშავება;
• ახალი პროდუქტების განვითარებისა და ბაზარზე გაშვების პროცესის დაგეგმვა და კოორდინაცია შესაბამის სტრუქტურულ ერთეულებთან;
• პროდუქტების გაყიდვების, კომერციული ეფექტიანობისა და მომგებიანობის მონიტორინგი და შესაბამისი გაუმჯობესებების ინიცირება;
• ახალი ბიზნესშესაძლებლობებისა და პროდუქტთან დაკავშირებული პარტნიორების მოძიება და შეფასება;
• ბენეფიტების პარტნიორებთან კომერციული მოლაპარაკებების წარმოება და პარტნიორული ურთიერთობების მართვა;
• პარტნიორების, შეთავაზებებისა და ხელშეკრულებების შესახებ ინფორმაციის მართვა და ვადების მონიტორინგი;
• პროდუქტის განვითარების პროექტების პროგრესისა და შედეგების ანალიზი, შესაბამისი ანგარიშებისა და რეკომენდაციების მომზადება;
• ახალი პროდუქტებისა და ცვლილებების განხორციელების შემდგომი შედეგების შეფასება და საჭიროების შემთხვევაში გაუმჯობესების ღონისძიებების დაგეგმვა

საკვალიფიკაციო მოთხოვნები:

• უმაღლესი განათლება ბიზნესის ადმინისტრირების, მარკეტინგის, ეკონომიკის, ფინანსების ან შესაბამის სფეროში;
• პროდუქტების მართვის, პროდუქტის განვითარების, მარკეტინგის, ბიზნესის განვითარების ან მსგავს პოზიციაზე მუშაობის გამოცდილება;
• ბრენდის მართვისა და განვითარების, ბაზარზე პოზიციონირებისა და მარკეტინგული აქტივობების დაგეგმვის გამოცდილება.
• ბაზრის, კონკურენტული გარემოსა და მომხმარებელთა საჭიროებების კვლევისა და ანალიზის გამოცდილება;
• ახალი პროდუქტის/სერვისის შექმნის ან არსებული პროდუქტის განვითარების გამოცდილება;
• კომერციული შეთავაზებებისა და ანალიტიკური ანგარიშების მომზადების უნარი;
• პროექტების მართვისა და სხვადასხვა სტრუქტურულ ერთეულთან ეფექტური თანამშრომლობის გამოცდილება;
• პარტნიორებთან მოლაპარაკებისა და კომერციული ურთიერთობების მართვის გამოცდილება;
• სადაზღვევო სფეროსა და სადაზღვევო პროდუქტების ცოდნა ჩაითვლება უპირატესობად;
• MS Office-ის, განსაკუთრებით Excel-ის, კარგი ცოდნა;
• ინგლისური ენის ცოდნა.

პიროვნული უნარ-ჩვევები:

• ანალიტიკური და სტრატეგიული აზროვნება;
• ძლიერი კომუნიკაციისა და მოლაპარაკების უნარები;
• შედეგზე და ბიზნესზე ორიენტირებულობა;
• პროექტებისა და პროცესების კოორდინაციის უნარი;
• პრობლემების გადაჭრისა და გადაწყვეტილებების მიღების უნარი;
• დეტალებზე ორიენტირებულობა;
• ინიციატივიანობა და პროაქტიულობა;
• გუნდური მუშაობის უნარი.

ვაკანსიით დაინტერესებულ კანდიდატებს ვთხოვთ, გამოგზავნონ რეზიუმე (CV) იმეილზე: vacancy@unison.ge და სათაურის ველში (subject) მიუთითეთ ვაკანსიის დასახელება: პროდუქტების განვითარების მენეჯერი

დავუკავშირდებით მხოლოდ გასაუბრებისთვის შერჩეულ კანდიდატებს.

გაცნობებთ, რომ სს "სადაზღვევო კომპანია უნისონი", ვაკანსიაზე შესაბამისობის დადგენისა და შრომითი ურთიერთობის დამყარების მიზნით, ახორციელებს პრეტენდენტის პერსონალური მონაცემის დამუშავებას "პერსონალურ მონაცემთა დაცვის შესახებ" საქართველოს კანონის მოთხოვნათა დაცვით. ვაკანსიაზე გამოგზავნილი რეზიუმე და სხვა დოკუმენტები ავტომატურად ხვდება კომპანიის მონაცემთა ბაზაში და ინახება 2 წლის განმავლობაში. ამასთან, კანდიდატისთვის შესაძლებელია შეთავაზებულ იქნეს სხვა, მისთვის უფრო რელევანტური პოზიცია, ასეთის არსებობის შემთხვევაში.