ოფის მენეჯერი

16-09-2026 - 16-10-2026

სამუშაო განაკვეთი: სრული

ფუდსერვისი ერთ-ერთი წამყვანი სადისტრიბუციო კომპანიაა საქართველოში, რომელიც წარმატებით ოპერირებს ბაზარზე 2006 წლიდან.

კომპანია წარმოადგენს საკვები პროდუქტების ერთ-ერთ უმსხვილეს დისტრიბუტორს საქართველოში და უზრუნველყოფს მსოფლიოს წამყვანი და ადგილობრივი ბრენდების პროდუქციის დისტრიბუციას ქვეყნის მასშტაბით.

ფუდსერვისის პორტფელში შედის ისეთი საერთაშორისო და ადგილობრივი ბრენდები, როგორებიცაა: DANONE, ROSHEN, MILLA, SADIA, DANA, FRONERI, მინი კუბი, გლობინო, 3 ჟელანია, ასევე კომპანიის საკუთარი ბრენდი - SUPREMO

ფუდსერვისი აცხადებს ვაკანსიას ოფისის მენეჯერის პოზიციაზე

სამუშაო ადგილი: ქ. თბილისი, ჭაბუა ამირეჯიბის გზატკეცილი #2 (მზიური ბიზნეც ცენტრი)

სამუშაო გრაფიკი: ორშაბათი-ხუთშაბათი: 09:00 -17:00, პარასკევი: 09:00 -14:00

ჩვენ გთავაზობთ:

• პროფესიული და კარიერული განვითარების შესაძლებლობას
• კვარტალში 1 დამატებითი დასვენების დღე (Day Off)
• ჯანმრთელობის დაზღვევას
• Fitpass-ის შეთავაზებას

ფუნქცია-მოვალეობები:

• ოფისის ყოველდღიური საქმიანობის ორგანიზება და ადმინისტრაციული პროცესების მართვა;
• შეხვედრების ორგანიზება, შეხვედრის ოქმების მომზადება და მიღებული გადაწყვეტილებების/დავალებების დაფიქსირება;
• ოფისის საჭიროებების განსაზღვრა და საოფისე მარაგების დროული უზრუნველყოფა;
• საჭიროების შემთხვევაში ოფისის შესყიდვების ორგანიზება;
• ადმინისტრაციული ხარჯებისა და საჭიროებების აღრიცხვა;
• შემოსული და გასული კორესპონდენციის, დოკუმენტაციისა და ინფორმაციის მართვა;
• სატელეფონო ზარებისა და ელექტრონული მიმოწერის მართვა;
• დოკუმენტების მომზადება, მოწესრიგება და დაარქივება;
• ოფისის ძირითადი საშუალებებისა და ინვენტარის ინვენტარიზაციის პროცესში მონაწილეობა;
• ოფისის სისუფთავისა და მოწესრიგებულობის მუდმივი მონიტორინგი;
• ოფისის დიასახლისებისა და ოფისის კურიერების ყოველდღიური საქმიანობის კოორდინაცია და კონტროლი;
• კომპანიაში ჩამოსული სტუმრების მიღებისა და მათთან დაკავშირებული ლოგისტიკური საკითხების უზრუნველყოფა, მათ შორის ტრანსპორტის, განთავსებისა და ვიზიტის განრიგის კოორდინაცია;
• თანამშრომლების მივლინებისთვის საჭირო სასტუმროს, ბილეთებისა და სხვა საჭირო ლოგისტიკური საკითხების კოორდინაცია;
• ხელმძღვანელისა და თანამშრომლების შესაბამისი ადმინისტრაციული მხარდაჭერა;

საკვალიფიკაციო მოთხოვნები:

• უმაღლესი განათლება ბიზნესის ადმინისტრირების ან მონათესავე მიმართულებით;
• სასურველია მსგავს პოზიციაზე მუშაობის გამოცდილება;
• ინგლისური ენის ცოდნა;
• საოფისე პროგრამების (Excel) მაღალ დონეზე ცოდნა;

დაინტერესების შემთხვევაში გთხოვთ, შეავსეთ განაცხადი

გისურვებთ წარმატებას!