ნედლეულის / მზა პროდუქციის საწყობის უფროსის თანაშემწე

ჯეო-ემ-ტექს აცხადებს ვაკანსიას პოზიციაზე ნედლეულისა და მზა პროდუქციის საწყობის უფროსის თანაშემწე

კონკურსის ტიპი: კანდიდატთა შერჩევა განცხადებისა და წარმოდგენილი დოკუმენტაციის საფუძველზე

ორგანიზაცია: შპს „ჯეო-ემ-ტექს“

სტრუქტურული ერთეული: ლოჯისტიკის სამსახური

განცხადების მიღების ბოლო ვადა: 04 დეკემბერი 2026 წ.

შრომის ანაზღაურება: შეთანხმებით, კანდიდატის კვალიფიკაციისა და პროფესიული გამოცდილების გათვალისწინებით.

ვაკანტური ადგილების რაოდენობა: 1

სამუშაო ადგილის მისამართი: ქ. თბილისი, ნაძალადევის რაიონი, ვ. ნინუას ქ. №3.

სამუშაო განაკვეთი: სრული.

სამუშაო დრო: კვირაში 5 სამუშაო დღე, ნორმირებული სამუშაო დრო – კვირაში 40 საათი.

გამოსაცდელი ვადა: 3 თვე.

პოზიციის მიზანი :

• ნედლეულისა და მზა პროდუქციის საწყობების უფროსების საქმიანობის მხარდაჭერა, სასაწყობო ოპერაციების შეუფერხებელი განხორციელების ხელშეწყობა, სასაქონლო-მატერიალური ფასეულობების მოძრაობის აღრიცხვისა და შესაბამისი სასაწყობო დოკუმენტაციის წარმოების პროცესში მონაწილეობა.

ძირითადი ფუნქციები და მოვალეობები:

• ნედლეულისა და მზა პროდუქციის საწყობების უფროსების ყოველდღიური საქმიანობის მხარდაჭერა;
• ნედლეულის, ქსოვილების, ფურნიტურისა და დამხმარე მასალების მიღებისას მათი რაოდენობისა და თანმხლებ დოკუმენტაციასთან შესაბამისობის შემოწმების პროცესში მონაწილეობა, აგრეთვე მიღებული მასალების დახარისხება და დასაწყობება;
• სასაქონლო-მატერიალური ფასეულობების მიღების, გაცემისა და გადაადგილების ოპერაციების აღრიცხვაში მონაწილეობა შესაბამისი დოკუმენტაციის საფუძველზე;
• საწარმოო პროცესისთვის საჭირო მასალების მომზადებისა და გაცემის პროცესში დახმარება, შესაბამისი მოთხოვნებისა და დოკუმენტაციის საფუძველზე;
• საწარმოო უბნებიდან მზა პროდუქციის მიღებისა და საწყობში განთავსების პროცესში მონაწილეობა;
• მზა პროდუქციის შეკვეთების შესაბამისად დახარისხების, დაკომპლექტებისა და გადაზიდვისთვის მომზადების პროცესში მონაწილეობა;
• სასაწყობო ოპერაციებთან დაკავშირებული დოკუმენტაციის მომზადება, დამუშავება და სისტემატიზაცია;
• სასაწყობო პროგრამებსა და ელექტრონულ ცხრილებში მონაცემების შეტანა, დამუშავება და განახლება;
• მარაგებისა და ფაქტობრივი ნაშთების კონტროლის პროცესში მონაწილეობა და გამოვლენილი სხვაობების შესახებ შესაბამისი საწყობის უფროსების ინფორმირება;
• პერიოდულ და წლიურ ინვენტარიზაციებში მონაწილეობა;
• სასაწყობო სივრცეებში წესრიგის, სასაქონლო-მატერიალური ფასეულობების სათანადო განთავსებისა და შენახვის დადგენილი წესების დაცვა;
• სასაწყობო ოპერაციების განხორციელებისას გამოვლენილი შეუსაბამობების, დანაკლისის, დაზიანებისა და სხვა ხარვეზების შესახებ შესაბამისი საწყობის უფროსის დროული ინფორმირება;
• კომპანიის შიდა რეგულაციების, სამუშაო პროცედურებისა და შრომის უსაფრთხოების მოთხოვნების დაცვა;
• უშუალო ხელმძღვანელისა და კომპეტენციის ფარგლებში შესაბამისი საწყობის უფროსების მიერ დაკისრებული სხვა სამუშაო დავალებების შესრულება.

საკვალიფიკაციო მოთხოვნები:

• განათლება: სრული ზოგადი განათლება.
• პროფესიული ან უმაღლესი განათლება ჩაითვლება უპირატესობად.

ენების ცოდნა:

• ქართული ენა ძალიან კარგი

პროფესიული გამოცდილება:

• სასურველია შესაბამის სფეროში არანაკლებ 1 წლის სამუშაო გამოცდილება.
• სასაწყობო, ლოჯისტიკურ, ადმინისტრაციულ ან სასაქონლო-მატერიალური ფასეულობების აღრიცხვის სფეროში მუშაობის გამოცდილება ჩაითვლება უპირატესობად.
• სასაწყობო ან საბუღალტრო პროგრამებთან მუშაობის გამოცდილება ჩაითვლება უპირატესობად.
• კომპიუტერული პროგრამები, ოპერაციული სისტემები
• პროგრამის დასახელება ცოდნის დონე
• Microsoft Word კარგი
• Microsoft Excel ძალიან კარგი

საჭირო უნარები და კომპეტენციები:

• პასუხისმგებლობის მაღალი გრძნობა და ორგანიზებულობა;
• სიზუსტე და დეტალებზე ორიენტირებულობა;
• ინფორმაციის დამუშავებისა და სისტემატიზაციის უნარი;
• გუნდური მუშაობისა და ეფექტური კომუნიკაციის უნარი;
• დროის ეფექტურად მართვისა და დავალებების პრიორიტეტიზაციის უნარი;
• ოპერატიულობა და სამუშაო პროცესში წარმოქმნილი პრობლემების იდენტიფიცირების უნარი;
• კეთილსინდისიერება და კონფიდენციალური ინფორმაციის დაცვის უნარი;
• სასაწყობო პროცესების მიმართ ყურადღებიანი და პასუხისმგებლიანი დამოკიდებულება.

დამატებითი ინფორმაცია

თუ ფიქრობთ, რომ თქვენი გამოცდილებითა და უნარ-ჩვევებით აკმაყოფილებთ ზემოთ ჩამოთვლილ მოთხოვნებს, გთხოვთ გამოგვიგზავნოთ თქვენი რეზიუმე (CV) შედგენილი ქართულ ენაზე, შემდეგ ელექტრონულ მისამართზე: info@geomtex.com

კანდიდატის მიერ წარმოდგენილ განაცხადსა და მასზე დართულ დოკუმენტში მითითებული პერსონალური მონაცემები კომპანიის მიერ გამოყენებულ იქნება მხოლოდ შერჩევის მიზნებისთვის, საკონკურსო პირობებთან კანდიდატის შესაბამისობის დასადგენად და მიღებული გადაწყვეტილების თაობაზე ინფორმირებისათვის.

გადაწყვეტილების მიღების ფორმა და ვადა

• კომპანია კანდიდატთა შეფასების შედეგების საფუძველზე გადაწყვეტილებას იღებს განცხადებების მიღების ვადის დასრულებიდან არაუგვიანეს ერთი თვისა.
• შპს „ჯეო-ემ-ტექსი“ უზრუნველყოფს კანდიდატთა შეფასებას თანაბარი მოპყრობისა და დისკრიმინაციის აკრძალვის პრინციპების დაცვით, სამუშაოსთან დაკავშირებული ობიექტური და წინასწარ განსაზღვრული კრიტერიუმების საფუძველზე.

შერჩევის ეტაპები

• წარმოდგენილი განცხადებებისა და რეზიუმეების პირველადი გადარჩევა;
• კანდიდატების საკვალიფიკაციო მოთხოვნებთან შესაბამისობის შეფასება;
• გასაუბრება.

ჩვენ გთავაზობთ:

• სტაბილურ და განვითარებაზე ორიენტირებულ სამუშაო გარემოს;
• პროფესიული და კარიერული განვითარების შესაძლებლობას;
• სამუშაო პროცესში საჭირო ცოდნისა და უნარების შეძენის შესაძლებლობას;
• ორგანიზებულ და გუნდურ სამუშაო გარემოს;
• ჯანმრთელობისა და უბედური შემთხვევის დაზღვევას.

გისურვებთ წარმატებას !

პერსონალური მონაცემების დამუშავება და თანაბარი მოპყრობა

კანდიდატის მიერ წარმოდგენილი რეზიუმე (CV), განაცხადი და ვაკანსიის ფარგლებში მოწოდებული სხვა პერსონალური მონაცემები შპს „ჯეო-ემ-ტექსის“ მიერ დამუშავდება კანდიდატის შერჩევისა და დასაქმებასთან დაკავშირებული პროცესების განხორციელების მიზნით, საქართველოს მოქმედი კანონმდებლობის, მათ შორის, „პერსონალურ მონაცემთა დაცვის შესახებ“ საქართველოს კანონის შესაბამისად.

მონაცემები დამუშავდება მხოლოდ შესაბამისი სამართლებრივი საფუძვლის არსებობისას, განსაზღვრული მიზნისთვის აუცილებელი მოცულობით და აუცილებელი ვადით. კანდიდატს, როგორც მონაცემთა სუბიექტს, აქვს კანონით გათვალისწინებული უფლებები.

შპს ,,ჯეო-ემ-ტექს’’ი კანდიდატთა შერჩევის პროცესს ახორციელებს "დისკრიმინაციის ყველა ფორმით აღმოფხვრის შესახებ" საქართველოს კანონის მოთხოვნათა და პირთა მიმართ თანაბარი მოპყრობის პრინციპების დაცვით და გამორიცხავს პირთა მიმართ დისკრიმინაციას ნებისმიერი ნიშნით. ჩვენ ვგმობთ და ვემიჯნებით ნებისმიერი სახის დისკრიმინაციას და სექსუალურ შევიწროებას, როგორც წინასახელშეკრულებო (მათ შორის, ვაკანსიის შესახებ განცხადების გამოქვეყნებისას და შერჩევის ეტაპზე), ისე, შრომითი ურთიერთობის ფარგლებში.