მთავარი ბუღალტერი

კომპანიის შესახებ:

შპს "მედკაპიტალი" 2012 წლიდან წარმატებით ახორციელებს თავის საქმიანობას ჯანდაცვის სფეროში, კერძოდ, საოჯახო მედიცინის დარგში და პაციენტებს სთავაზობს მაღალი ხარისხის ამბულატორულ მომსახურებას. კომპანიაში დასაქმებულია დაახლოებით 450 თანამშრომელი და დარეგისტრირებულია 140 000 ბენეფიციარი.

პოზიციის დასახელება: მთავარი ბუღალტერი

ადგილმდებარეობა: გლდანი.

სამუშაო განაკვეთი: ორშაბათი-პარასკევი (8-საათიანი სამუშაო დღე).

სამუშაოს მოკლე აღწერა:

• კომპანიის სრული ბუღალტრული აღრიცხვის წარმოება და მართვა მოქმედი კანონმდებლობისა და დაწესებულებაში დანერგილი სტანდარტების შესაბამისად;
• ოთხივე ფილიალის ფინანსური და ბუღალტრული მონაცემების კონსოლიდაცია;
• საგადასახადო დეკლარაციების დროული და ჯეროვანი მომზადება/წარდგენა;
• ყოველთვიური, კვარტალური და წლიური ფინანსური ანგარიშგების მომზადება;
• პირველადი დოკუმენტაციის, საბანკო გადარიცხვებისა და ინვოისების კონტროლი;
• მარაგების, ძირითადი საშუალებებისა და სამედიცინო სახარჯი მასალების ჩამოწერისა და ინვენტარიზაციის პროცესის მეთვალყურეობა;
• საგადასახადო ორგანოებთან და აუდიტორებთან ურთიერთობა;
• ხელმძღვანელის სხვა დავალებების შესრულება კომპეტენციის ფარგლებში;

საკვალიფიკაციო მოთხოვნები:

• უმაღლესი ეკონომიკური, ფინანსური ან ბუღალტრული განათლება;
• მთავარი ბუღალტრის პოზიციაზე მუშაობის 2 წელზე მეტი გამოცდილება (სავალდებულოა);
• საქართველოს საგადასახადო კანონმდებლობისა და ფინანსური ანგარიშგების სტანდარტების ცოდნა;
• საბუღალტრო პროგრამების მაღალ დონეზე ცოდნა;
• კლინიკების სექტორში მუშაობის გამოცდილება ჩაითვლება უპირატესობად;

სხვა უნარ-ჩვევები:

• ორგანიზებულად მუშაობის უნარი;
• პასუხისმგებლობის მაღალი გრძნობა;
• ეფექტური კომუნიკაციის დამყარების უნარი;
• სიახლეების ათვისების უნარი;
• მუდმივ ზრდასა და პროფესიულ განვითარებაზე ზრუნვა.

თუ ფიქრობთ, რომ თქვენი კვალიფიკაცია შეესაბამება ჩვენს მოთხოვნებს, გამოგზავნეთ რეზიუმე ელექტრონულ მისამართზე: HR@Medcapital.ge, 2026 წლის 22 ოქტომბრის ჩათვლით. სათაურის ველში აუცილებლად მიუთითეთ პოზიციის დასახელება.

შერჩეულ კანდიდატებს დავუკავშირდებით ათი სამუშაო დღის განმავლობაში.

წარმატებას გისურვებთ!

შენიშვნა: წინამდებარე ვაკანსიისათვის პირის მიერ CV-ს წარდგენა, გულისხმობს პირის მიერ პერსონალური მონაცემების დამსაქმებლისათვის გადაცემას და თანხმობის გაცხადებას აღნიშნული მონაცემების დამუშავების თაობაზე. CV-ში მოცემული პერსონალური მონაცემები დამსაქმებლის მიერ დამუშავებულ/შენახულ იქნება მხოლოდ გამოცხადებული ვაკანსიისათვის კანდიდატის შერჩევის მიზნით, შესასრულებელ სამუშაოსთან კანდიდატის შესაბამისობის დადგენის მიზნით, შესაძლო შრომითი ურთიერთობის წარმოშობის მიზნით, შრომითი ურთიერთობის მთელი პერიოდის განმავლობაში, ასევე შრომითი ურთიერთობიდან გამომდინარე. დამსაქმებლის მხრიდან, ზემოთ აღნიშნული მიზნებისათვის, პერსონალური მონაცემების დამუშავება განხორციელდება მხოლოდ შესაბამისი უფლებამოსილების მქონე პირთა/თანამშრომელთა მიერ. კანდიდატის პერსონალური მონაცემების დამუშავება განხორციელდება 2 თვის ვადით, ელექტრონული ან/და ამობეჭდილი სახით.


მედკაპიტალი კანდიდატთა შერჩევის პროცესს ახორციელებს დისკრიმინაციის ყველა ფორმით აღმოფხვრის შესახებ საქართველოს კანონის მოთხოვნათა და პირთა მიმართ თანაბარი მოპყრობის პრინციპის დაცვით და გამორიცხავს პირთა მიმართ დისკრიმინაციას ნებისმიერი ფორმითა და ნიშნით.