მოლარე - თბილისი და რეგიონები

ბაზისბანკ ჯგუფი საქართველოში მესამე უმსხვილესი სისტემური ფინანსური ინსტიტუტია, რომლის ბაზრის წილი 11%-ს შეადგენს. ჯგუფი 2 მილიონზე მეტ ფიზიკურ პირსა და 65,000-ზე მეტ მსხვილ და საშუალო ბიზნესს ემსახურება. ქვეყნის მასშტაბით წარმოდგენილია ყველაზე ფართო ქსელით: 500-მდე მომსახურების ცენტრით და 700-მდე ბანკომატით საქართველოს ყველა რეგიონსა და მუნიციპალიტეტში.

ბაზისბანკ ჯგუფი აერთიანებს - ბაზისბანკს, ლიბერთის, BB დაზღვევასა და BB ლიზინგს.

გადადგი პირველი კარიერული ნაბიჯები ლიბერთი, ბაზისბანკ ჯგუფთან ერთად - გაიარე ტრენინგები, შეიძინე პრაქტიკული ცოდნა და დაიწყე პროფესიული განვითარება ჩვენთან. გიზიარებთ ვაკანსიას, რომელიც გაძლევს შესაძლებლობას, დასაქმდე სამუშაო გამოცდილების გარეშე.

ადგილმდებარეობა:

თბილისი - ვაკე-საბურთალო, ისანი-სამგორი, გლდანი-დიდუბე;

აჭარა - ბათუმი, ქედა, შუახევი, ხულო;

იმერეთი - ლენტეხი, სამტრედია, ჭიათურა, ხარაგაული, ხონი;

კახეთი - გურჯაანი, თელავი, ლაგოდეხი, საგარეჯო, სიღნაღი;

სამეგრელო-გურია - მესტია, ოზურგეთი;

ქვემო ქართლი - გარდაბანი, მარნეული

შიდა ქართლი-სამცხე ჯავახეთი - ასპინძა, სტეფანწმინდა;

რას აკეთებს ჩვენთან მოლარე:

• ნაღდი ფულის შემოსავლის და გასავლის ოპერაციებს როგორც ფიზიკური , ასევე იურიდიული პირებისთვის;
• კონვერტაციას;
• ფულადი გზავნილების მიღება/გაგზავნას.

საკვალიფიკაციო მოთხოვნები:

განათლება: უმაღლესი ან პროფესიული, განიხილებიან დამამთავრებელი კურსის სტუდენტებიც.

გელოდებით, თუ:

•

სიამოვნებას განიჭებს ადამიანებზე ზრუნვა;

•

გსურს განვითარდე ფინანსურ სექტორში;

•

ფიქრობ, რომ ხარ კომუნიკაბელური და გაქვს გაყიდვების უნარი

შესარჩევი ეტაპები ტარდება ONLINE:

•

გაცნობითი შეხვედრა;

•

მოკლევადიანი თეორიული online სწავლება და შემდგომი პრაქტიკა (პრაქტიკა ქალაქისა/რეგიონის ჭრილში).

ჩვენ გთავაზობთ:

•

სასურველ ლოკაციაზე დასაქმებას;

•

ჯანსაღ და კომფორტულ სამუშაო გარემოსა და ურთიერთობებს;

•

პროფესიული და პიროვნული განვითარების ტრენინგებს;

•

ფიქსირებულ ანაზღაურებას + ყოველთვიური ბონუსი, გამომუშავებიდან გამომდნარე.

როგორ მოგვმართოთ:

დაინტერესების შემთხვევაში, გთხოვთ, წარმოადგინოთ თქვენი CV ქართულ ან ინგლისურ ენაზე, შემდეგ ელექტრონულ მისამართზე: Vacancy@lb.ge 2026 წლის 24 ნოემბრის ჩათვლით.

მნიშვნელოვანია: გთხოვთ, განაცხადის გამოგზავნისას "subject line"-ში მიუთითოთ ქალაქი და პოზიცია, რომელზეც შემოგაქვთ განაცხადი.

დაკავშირება მოხდება შერჩეულ კანდიდატებთან.

შეტყობინება: ლიბერთი ბანკი პატივს სცემს პერსონალურ მონაცემთა დაცვის თაობაზე მოქმედ რეგულაციებს და თავის საქმიანობას წარმართავს „პერსონალურ მონაცემთა დაცვის შესახებ“ საქართველოს კანონის მოთხოვნათა შესაბამისად. ნებისმიერი პერსონალური მონაცემი, რომელიც ლიბერთი ბანკისთვის ხელმისაწვდომი გახდება ბანკში გამოცხადებულ ამა თუ იმ ვაკანსიაზე განაცხადების განხილვისას, რაც მოიცავს, მაგრამ არ შემოიფარგლება თქვენს CV-სა ან/და მის თანდართულ დოკუმენტებში მოცემული მონაცემებით (შემდგომში „კანდიდატის პერსონალური მონაცემები“), შეგროვდება და დამუშავდება ვაკანსიაზე თქვენი განაცხადის მიღებისა და განხილვის, ასევე კანდიდატთა შერჩევის პროცესში თქვენი დაშვების მიზნით, საქართველოს მოქმედი კანონმდებლობის და ბანკის ვებ გვერდზე bit.ly — ბმულის გახსნა განთავსებული მონაცემთა დაცვის პოლიტიკის შესაბამისად. კანდიდატის პერსონალური მონაცემები შეინახება განცხადების განხილვის ან/და შესაბამისი ხელშეკრულების მოქმედების ვადით ან/და იმ ვადით რომელიც შეესაბამება ბანკის ლეგიტიმურ ინტერესებს. მოთხოვნილია რეგულატორის მიერ ან/და განსაზღვრულია კანონმდებლობით. კანდიდატის პერსონალური მონაცემები, უშუალოდ იმ ვაკანსიაზე განხილვის გარდა, რომელზეც გამოაგზავნეთ განაცხადი, ლიბერთი ბანკმა შესაძლოა შეინახოს და გამოიყენოს თქვენი კანდიდატურის სხვა პოზიციაზე განსახილველად. თუ თქვენ წინააღმდეგი ხართ, თქვენი კანდიდატურა განხილულ იქნას სხვა პოზიციაზე ან გსურთ ბანკმა შეწყვიტოს მონაცემების დამუშავება, შეგიძლიათ დაუკავშირდეთ ლიბერთი ბანკს ვებ გვერდზე www.libertybank.ge მითითებულ საკონტაქტო მონაცემებზე. გაითვალისწინეთ, რომ კანდიდატის პერსონალური მონაცემების ბანკისათვის გაგზავნით, თქვენ ადასტურებთ, რომ გაეცანით ბანკის მონაცემთა დაცვის პოლიტიკას და წინამდებარე შეტყობინებას და თანახმა ხართ, თქვენი პერსონალური მონაცემები შეგროვდეს, შენახულ იქნას, გადაიცეს ან/და დამუშავდეს ზემოთ ხსენებული ფორმით. ყოველივე აღნიშნულზე თანხმობა აუცილებელი პირობაა ლიბერთი ბანკში ნებისმიერ პოზიციაზე თქვენი კანდიდატურის განსახილველად. წინამდებარე შეტყობინება არ განიხილება, როგორც ლიბერთი ბანკში დასაქმებულის ინდივიდუალური შრომითი ხელშეკრულების ნაწილი.