ლოგისტიკის კოორდინატორი

"ავტო იმპორტ ჯორჯია" აცხადებს ვაკანსიას ლოგისტიკის კოორდინატორის პოზიციაზე.

ინფორმაცია კომპანიის შესახებ:

კომპანიის ძირითადი საქმიანობაა მსოფლიოს ნებისმიერი ქვეყნიდან ავტოსატრანსპორტო საშუალების იმპორტი საქართველოში. ასევე აწარმოებს ექსპორტს და რეექსპორტს.

ძირითადი ქვეყნებია: კორეა, ჩინეთი, ამერიკა, იაპონია და ევროპის ქვეყნები,

კომპანიაში დასაქმებულია დაახლოებით 40 თანამშრომელი. კომპანია, მუშაობს როგორც B2C, ასევე B2B გაყიდვებზე.

ზოგადი უპირატესობა:

ყველაზე მსხვილი ავტო იმპორტიორი კომპანია სამხრეთ კორეიდან.

ყველაზე მსხვილი, კორეული მეორადი ავტო სავაჭრო ონლაინ პლატფორმის, Autowini.com-ის ოფიციალური წარმომადგენელი საქართველოში.

ყველაზე მსხვილი, ჩინური მეორადი ავტო სავაჭრო ონლაინ პლატფორმის, Guazi.com- ის ექსკლუზიური წარმომადგენელი საქართველოში.

ვეძებთ პასუხისმგებლიან, ორგანიზებულ და კომუნიკაბელურ ადამიანს, რომელიც უზრუნველყოფს ავტომობილების მიღებიდან მათ მოწესრიგებასა და მომხმარებლისთვის გადაცემამდე პროცესის ეფექტურ კოორდინაციას.

ძირითადი მოვალეობები

• საქართველოს ტერიტორიაზე ავტომზიდის შემოსვლის შემდეგ მძღოლთან კომუნიკაცია და ავტომზიდის მიღების პროცესის კოორდინაცია;
• ავტომობილების დაცლისთვის ოპტიმალური და ბიუჯეტური ლოკაციის მოძიება და შესაბამისი საკითხების ორგანიზება;
• ავტომზიდის მიღებისა და ავტომობილების დაცლის პროცესის ორგანიზება;
• ავტომობილების განფუთვა (საჭიროების შემთხვევაში), ვიზუალური დათვალიერება და დაზიანებების დაფიქსირება სადაზღვევო პროცესისთვის;
• ავტომობილების მდგომარეობის შესახებ ინფორმაციისა და შესაბამისი რეპორტის მომზადება;
• მძღოლისგან მიღებული დოკუმენტების დახარისხება და შესაბამისი პირებისთვის მიწოდება;
• სანომრე ნიშნების დახარისხება და ავტომობილებზე განთავსება/დამაგრება;
• ავტომობილების რეცხვისა და დასტიკერების პროცესის ორგანიზება;
• მოწესრიგებული ავტომობილების მარკეტინგის გუნდისთვის დროული ჩაბარების კოორდინაცია;
• მარკეტინგის გუნდთან კომუნიკაცია ავტომობილების მზადყოფნის შესახებ;
• ავტომობილებისა და გასაღებების შესაბამისი პასუხისმგებელი პირისთვის ჩაბარების პროცესში მონაწილეობა;
• მომხმარებლების დახვედრა და ავტომობილების გადაცემის პროცესის ორგანიზება;
• შესრულებული სამუშაოებისა და ავტომობილების სტატუსების შესახებ დროული რეპორტინგი.

საკვალიფიკაციო მოთხოვნები

• რუსული ენის ცოდნა — აუცილებელი მოთხოვნა, რადგან პოზიცია მოიცავს ძირითადად რუსულენოვან მძღოლებთან ყოველდღიურ კომუნიკაციას;
• მსგავს პოზიციაზე მუშაობის გამოცდილება ჩაითვლება უპირატესობად;
• ძლიერი საორგანიზაციო და კომუნიკაციის უნარები;
• დეტალებზე ორიენტირებულობა;
• რამდენიმე პროცესის პარალელურად მართვის უნარი;
• პრობლემურ სიტუაციებში სწრაფი და ეფექტური რეაგირების უნარი;
• ავტომობილის მართვის მოწმობა — აუცილებელი;
• საოფისე პროგრამების საბაზისო ცოდნა.

სამუშაო პირობები

• სამუშაო ადგილი: თბილისი
• სამუშაო გრაფიკი: ფიქსირებული სამუშაო საათები არ არის განსაზღვრული;
• სამუშაო გრაფიკი დამოკიდებულია ავტომზიდების ჩამოსვლის დროზე. შესაბამისად, კანდიდატს უნდა შეეძლოს ავტომზიდის მიღებისა და დაცლის პროცესში საჭირო დროს ჩართვა;
• ავტომზიდის ჩამოსვლის შესახებ ინფორმაცია კოორდინატორს მიეწოდება წინასწარ;
• პოზიცია მოითხოვს მობილურობას და სხვადასხვა ლოკაციაზე გადაადგილებას.

ანაზღაურება 500 ლარი თითო სრულად ორგანიზებულ და დასრულებულ ავტომზიდზე.

დაინტერესების შემთხვევაში, გთხოვთ, თქვენი რეზიუმე/CV გამოგზავნოთ მითითებულ ელ ფოსტაზე: hr@aig.com.ge

ელექტრონული ფოსტის სათაურის ველში მიუთითეთ: „იმპორტის კოორდინატორი"

გისურვებთ წარმატებას!