ლაგოდეხის დაცული ტერიტორიების ადმინისტრაციის დაცვის განყოფილების უფროსი (I კატეგორია)

პოზიციის დასახელება:

ლაგოდეხის დაცული ტერიტორიების ადმინისტრაციის დაცვის განყოფილების უფროსი (I კატეგორია)

კონკურსის ტიპი:

ღია კონკურსი

ორგანიზაცია:

სსიპ - დაცული ტერიტორიების სააგენტო

კატეგორია:

გარემოს დაცვა და ბუნებრივი რესურსები

განცხადების ბოლო ვადა:

16.10.2026

თანამდებობრივი სარგო:

2400 ლარი

ადგილების რაოდენობა:

1

სამსახურის ადგილმდებარეობა:

ლაგოდეხი

სამუშაოს ტიპი:

სრული განაკვეთი

გამოსაცდელი ვადა:

3 თვე

ფუნქციები:

• მინდობილ ტერიტორიაზე კონტროლის ღონისძიებების დაგეგმვა, ორგანიზება, განხორციელება და მონიტორინგი;
• დაქვემდებარებული თანამშრომლების მიერ დაკისრებული ფუნქციების სრულყოფილად, ოპტიმალურ ვადაში და ოპტიმალური რესურსით შესრულების უზრუნველყოფა;
• მინდობილი ტერიტორიების საზღვრების ფარგლებში სამართალდარღვევებისათვის პირადობის დამადასტურებელი საბუთებისა და საჭიროების შემთხვევაში, ახსნა-განმარტების მოთხოვნა, მათი ქმედებების, რომლებიც ეწინააღმდეგება ტერიტორიის დაცვისა და გამოყენების დადგენილ რეჟიმს, შეჩერება (აღკვეთა), დამრღვევთათვის გამოყენებული იარაღისა და უკანონოდ მოპოვებული ბუნებრივი რესურსის ჩამორთმევა;
• საჭიროებისამებრ ადმინისტრაციული სამართალდარღვევათა შესახებ ოქმის შედგენა საქართველოს ადმინისტრაციულ სამართალდარღვევათა კოდექსის შესაბამისად და შემდგომი რეაგირებისათვის შესაბამისი ორგანოებისათვის გადაცემა;
• ტყის კოდექსით გათვალისწინებული ტყის დაცვითი ღონისძიებების გატარება;
• ბუნებრივი რესურსების სარგებლობაზე და დაცულ ტერიტორიაზე ჩადენილ სამართალდარღვევათა შესახებ შესაბამისი სტატისტიკური მონაცემების აღრიცხვა;
• საკადასტრო სამუშაოების და შესაბამისი დოკუმენტაციის წარმოება;
• წელიწადში ორჯერ (გაზაფხულზე და შემოდგომაზე) გეგმიური და საკონტროლო რევიზიის ჩატარება;
• წელიწადში ერთხელ (1 მაისიდან 1 ივლისამდე) ტყის პათოლოგიური გამოკვლევების ჩატარება;
• საქართველოს კანონმდებლობით განსაზღვრული კვლევა-მონიტორინგის სამუშაოთა განხორციელება;
• სანიმუშო ფართობების (სატყეო, ბოტანიკური, გეობოტანიკური, ზოოლოგიური, ორნითოლოგიური და სხვ.) მოწყობაში მონაწილეობა და ამ ფართობებზე დაკვირვებების წარმოება;
• ბუნების მატიანეს შედგენისა და სააგენტოში წარდგენის კოორდინირება, ასევე ყოველწლიური სამეცნიერო საქმიანობის მხარდაჭერა;
• ტყით სარგებლობის უბნების ნატურაში განსაზღვრა (იდენტიფიკაცია), ტყით სარგებლობის კონკრეტულ ოდენობათა გაანგარიშება და შესაბამისი დოკუმენტაციის დაცული ტერიტორიის ადმინისტრაციასთან შეთანხმებული ტყით სარგებლობის უბნების (ტყეკაფების) გამოყოფა (მათი მატერიალურ-ტექნიკური შეფასების უწყისებისა და ჭრის ტექნოლოგიური რუქების შედგენის ჩათვლით) და ჭრაში ზემდგომი ხეების დადგენილი წესით დამღის დასმა;
• საჭიროებისამებრ სასამართლოში წარმომადგენლობის უზრუნველყოფა;
• დადგენილი წესით ტყეკაფის მონიშვნა ან / და გამოყოფაზე, დახურვაზე, გაუქმებაზე და გახსნაზე თანხმობის გაცემა;
• დაქვემდებარებული თანამშრომლების მხარდაჭერა, კოორდინაცია და მონიტორინგი;
• კომპეტენციის ფარგლებში კორესპონდენციის განხილვა და რეაგირება;
• კომპეტენციის გათვალისწინებით უშუალო ხელმძღვანელის მიერ დაკისრებული სხვა სამუშაოს შესრულება.

მინიმალური განათლება:

ბაკალავრი

სამუშაო გამოცდილება:

2 წელი

საკონკურსო თემატიკა:

• „დაცული ტერიტორიების სისტემის შესახებ“ საქართველოს კანონი;
• „საჯარო სამართლის იურიდიული პირის - დაცული ტერიტორიების სააგენტოს ტერიტორიული ადმინისტრაციების ტიპიური დებულების დამტკიცების შესახებ“ საქართველოს გარემოსა და ბუნებრივი რესურსების დაცვის მინისტრის 2013 წლის 10 მაისის №12 ბრძანება;
• ტექნიკური რეგლამენტის - „გარემოსთვის მიყენებული ზიანის განსაზღვრის (გამოანგარიშების) მეთოდიკა“ დამტკიცების შესახებ საქართველოს მთავრობის 2014 წლის 14 იანვარის N54 დადგენილება;
• ადმინისტრაციული სამართალდარღვევათა კოდექსი (თავი VII);
• ტყის კოდექსი;
• საქართველოს მთავრობის #242 დადგენილება „ტყითსარგებლობის წესის დამტკიცების შესახებ“;
• საქართველოს ტერიტორიაზე ხე-ტყის მოძრაობის წესებისა და მრგვალი ხე-ტყის (მორის) პირველადი გადამუშავების ობიექტის (სახერხი საამქროს) ტექნიკური რეგლამენტის დამტკიცების თაობაზე საქართველოს მთავრობის 2014 წლის 10 იანვარის N46 დადგენილება.

საკონკურსო კომისიის მისამართი:

საქართველო, 0114 თბილისი, ვლადიმერ წითლანაძის I შესახვევი N 1

საკონტაქტო ტელეფონები:

577101801

საკონტაქტო პირი:

ქეთევან ჯალაღანია

დამატებითი მოთხოვნები:

სავალდებულოა:

- სამუშაო გამოცდილება კანონაღსრულების, ბუნებრივი რესურსების სარგებლობის ან გარემოსდაცვითი მიმართულებით.

სასურველია:

- განათლება საბუნებისმეტყველო ან იურიდიული მიმართულებით;

- GIS პროგრამის ცოდნა;

- რუსული ან ინგლისური ენის ცოდნა B1 დონეზე.

კომპეტენციები და უნარები:

• ეფექტიანი მართვის უნარი;
• რესურსების მოპოვების და გადანაწილების უნარი;
• კონფლიქტების მართვის უნარი;
• მოლაპარაკების ეფექტიანად წარმართვის უნარი;
• პრეზენტაციის მომზადების, ჩატარების უნარი;
• მონაცემთა სტატისტიკური დამუშავება / ანალიზის უნარი;
• იდეების დასაბუთების და დარწმუნების უნარი;
• შედეგებზე ორიენტირების უნარი;
• სტრესის ზემოქმედების ქვეშ ეფექტიანად მუშაობის უნარი;
• დაგეგმვისა და ორგანიზების უნარი.

დამატებითი ინფორმაცია:

• კანდიდატმა შესაბამის ველში უნდა ატვირთოს:

ა) განათლების დამადასტურებელი დოკუმენტის ასლი;

ბ) სამუშაო გამოცდილების დამადასტურებელი, სათანადოდ გაფორმებული დოკუმენტი − შრომის წიგნაკი (არსებობის შემთხვევაში) ან უფლებამოსილი ორგანოს მიერ გაცემული ცნობა, რომელშიც ასახული იქნება სამსახურის დაწყებისა და დასრულების სრული თარიღები და დაკავებული თანამდებობა.

• კანდიდატმა უნდა შეავსოს სამოტივაციო წერილის ველი;
• საბუთები წარდგენილი უნდა იქნეს სახელმწიფო ენაზე (უცხოენოვანი საბუთის შემთხვევაში საჭიროა მისი ნოტარიულად დამოწმებული თარგმანის წარდგენა).

•კანდიდატი, რომლის მონაცემებიც არ შეესაბამება დადგენილ საკონკურსო მოთხოვნებს, აგრეთვე მის მიერ, სავალდებულოდ ასატვირთი დოკუმენტები ან/და ინფორმაცია არასრულყოფილად იქნება წარდგენილი, ვერ გადავა კონკურსის შემდეგ ეტაპზე;

•კონკურსის თითოეული ეტაპის დასრულებისა და გადაწყვეტილების მიღების შემდეგ კანდიდატებთან დაკავშირება მოხდება მათ მიერ განცხადებაში (აპლიკაციებში) მითითებული ტელეფონის ან ელექტრონული ფოსტის საშუალებით.

• დამატებითი ინფორმაცია იხილეთ დაცული ტერიტორიების სააგენტოს ვებ-გვერდზე: www.apa.gov.ge.

გადაწყვეტილების მიღების ფორმა და ვადა:

კომისიის გადაწყვეტილება მიიღება ღია კენჭისყრის საფუძველზე ხმათა უმრავლესობით. კომისია საბოლოო გადაწყვეტილებას მიიღებს განცხადების წარდგენის ვადის დასრულებიდან არაუგვიანეს 3 თვის ვადაში.