კვებისა და სასმელების მენეჯერი

სასტუმრო "ბოდბე" აცხადებს ვაკანსიას კვებისა და სასმელების სერვის მენეჯერის ასისტენტის პოზიციაზე.

მდებარეობა: ბოდბე, კახეთი

სამუშაო ადგილი: სიღნაღი

ჩვენ შესახებ:

სასტუმრო "ბოდბე" საერთაშორისო სტანდარტების მქონე ახალი ქართული ბრენდია, რომელიც მაღალი ხარისხის მომსახურებაზეა ორიენტირებული. სიღნაღის საოცარი ხედებით ცნობილი სასტუმრო სტუმრებს სხვადასხვა კატეგორიის 132 ოთახს, განსხვავებული კონცეფციის კვების ობიექტებს, სპა, ფიტნეს ცენტრს და შეხვედრებისთვის განკუთვნილ სივრცეებს სთავაზობს.

ფუნქცია-მოვალეობები:

• ხელი შეუწყოს დეპარტამენტის მენეჯერს ყოველდღიური მოვალეობებისა და სხვადასხვა პროექტის დაგეგმვისა და შესრულების პროცესში;
• ახალი თანამშრომლების ინტეგრაციის (Onboarding) პროცესის მართვა და მათი ეფექტური მენტორინგი;
• სერვისის თანამშრომლებისთვის რეგულარული ტრენინგების დაგეგმვა და ჩატარება მომსახურების ხარისხის სტანდარტების ასამაღლებლად;
• სერვისის სტანდარტების პრაქტიკული სწავლება და გუნდის წევრებისთვის ყოველდღიური, კონსტრუქციული უკუკავშირის მიწოდება;
• აწარმოოს თანამშრომლების სწორად დაგეგმილი სამუშაო განრიგი, იმისათვის, რომ არ გაიზარდოს საშტატო ერთეული და მოხდეს შრომისა და ანაზღაურების სწორი გადანაწილება;
• აწარმოოს ცვლის წინა და ცვლის შემდეგი შეხვედრები თანამშრომლებთან, იმისათვის, რომ მიაწოდოს ინფორმაცია ყოველდღიური სიახლეების შესახებ;
• დაგეგმოს შეხვედრები თანამშრომლებთან, ყოველთვიურად, ყველა საჭირო ინფორმაციის მიწოდების მიზნით;
• ჩაატაროს აქტივობები გუნდის ერთიანობისთვის და მოტივაცია შეუქმნას თანამშრომლებს, რათა მიაღწიოს გუნდურ წარმატებას;
• მოამზადოს შესყიდვის მოთხოვნის დოკუმენტები და აკონტროლოს შესყიდვის პროცესი;
• შექმნას და პერიოდულად განაახლოს დეპარტამენტის სტანდარტული პროცედურები;
• საჭიროებისამებრ აკონტროლოს/შექმნას ყველა საჭირო დოკუმენტაცია, პრეზენტაცია და სხვა;
• უზრუნველყოს სასტუმროს შიდა სტანდარტების დაცვა თანამშრომლების მიერ;
• სერვის მენეჯერის ასისტენტი პასუხისმგებელია ოპერაციების კოორდინირებაზე, მთლიანი პერსონალის სწავლებაზე, მართვასა და მათი შესრულების შეფასებაზე.

საკვალიფიკაციო მოთხოვნები:

• კვებისა და სასმელების მენეჯერის ასისტენტის ან კვების ობიექტის მენეჯერის პოზიციაზე მუშაობის გამოცდილება;
• გუნდის დატრენინგების, მენტორინგისა და თანამშრომლების პროფესიული განვითარების მიმართულებით მუშაობის გამოცდილება;
• უცხო ენის ცოდნა (ინგლისური, რუსული).

პიროვნული უნარ-ჩვევები:

• ეფექტური ვერბალური კომუნიკაციის უნარი;
• პრეზენტაციის უნარი;
• სხვებისთვის ცოდნის გაზიარებისა და სწავლების უნარი;
• გუნდის მართვისა და გუნდური მუშაობის უნარი;
• ორგანიზებულობა;
• დეტალებზე ორიენტირების უნარი;
• მაღალი პასუხისმგებლობის გრძნობა;
• დროის მართვის უნარი;
• პრობლემების იდენტიფიცირების და ანალიზის უნარი.

დაინტერესების შემთხვევაში, შეგიძლიათ გადმოაგზავნოთ რეზიუმე (CV) ელექტრონული ფოსტის მისამართზე: recruiters@bodbehotel.ge და სათაურის ველში მიუთითოთ პოზიციის დასახელება: "კვებისა და სასმელების სერვის მენეჯერის ასისტენტი".

წარმატებას გისურვებთ!

თქვენ მიერ გამოგზავნილი რეზიუმე შესაძლოა შეიცავდეს პერსონალურ მონაცემებს, მათ შორის განსაკუთრებული კატეგორიის მონაცემებს. "ბოდბე მენეჯმენტი" ვაკანსიაზე კანდიდატის შესაბამისობის დადგენის მიზნით, კანდიდატის პერსონალურ მონაცემებს "პერსონალურ მონაცემთა დაცვის შესახებ" საქართველოს კანონის მოთხოვნების შესაბამისად ამუშავებს.

გაცნობებთ, რომ თქვენი პერსონალური მონაცემები დამუშავდება თქვენთან სახელშეკრულებო, მათ შორის შრომითი ურთიერთობის დამყარების შესახებ გადაწყვეტილების მიღების მიზნებისათვის. თქვენ მიერ გამოგზავნილი რეზიუმე შესაძლოა არ იქნას განხილული მოცემულ ვაკანსიაზე, სავაკანსიო მოთხოვნებიდან გამომდინარე. ინფორმაცია კანდიდატის შესახებ, ასევე, შეიძლება დამუშავდეს სამომავლო ვაკანსიაზე კანდიდატის შესაბამისობის დადგენის მიზნით.

გამოგზავნილი რეზიუმე შენახული იქნება არაუმეტეს 6 თვის ვადით. იმ შემთხვევაში თუ ეთანხმებით ზემოთ აღნიშნულს, გთხოვთ გამოგვიგზავნოთ თქვენი რეზიუმე.

თქვენი პერსონალური მონაცემების დამუშავებაზე პასუხისმგებელ პირად განისაზღვრება შპს "ბოდბე მენეჯმენტი" (ს/კ: 405452745), რომელიც, როგორც მონაცემთა დამუშავებაზე პასუხისმგებელი პირი, განახორციელებს მონაცემთა დამუშავებას კომპანიის სახელით, კომპანიის სასარგებლოდ და კომპანიის მიერ გაცემული ინსტრუქციების/მითითებების შესაბამისად.

"ბოდბე მენეჯმენტი" კანდიდატთა შერჩევის პროცესს ახორციელებს "დისკრიმინაციის ყველა ფორმის აღმოფხვრის შესახებ" კანონის მოთხოვნათა და პირთა მიმართ თანაბარი მოპყრობის პრინციპების დაცვით და გამორიცხავს პირთა მიმართ დისკრიმინაციას ნებისმიერი ნიშნით.