კორპორატიული გაყიდვების ოპერატორი

სამშენებლო-სარემონტო მასალების ჰიპერმარკეტების ქსელი "გორგია" აცხადებს ვაკანსიას კორპორატიული გაყიდვების ოპერატორის პოზიციაზე, თბილისში.

მე, გიორგი გოგობერიძე, კორპორატიული დეპარტამენტის ხელმძღვანელი, ვმუშაობ გორგიაში 2011 წლიდან. ვაცხადებ ვაკანსიას კორპორატიულ დეპარტამენტში, კორპორატიული გაყიდვების ოპერატორის პოზიციაზე. პირობას გაძლევთ, რომ შეგასწავლით საქმიანობისთვის საჭირო ტექნიკებს და უნარ-ჩვევებს, კერძოდ:

• 1C პროგრამაში პროგრამული ოპერაციების განხორციელებას
• დოკუმენტების პროგრამულ გატარებას
• პერიოდული რეპორტინგის წარმოებას

კომპანია "გორგია" საერთაშორისო სავაჭრო ურთიერთობებს ახორციელებს 1998 წლიდან. "გორგია" პირველი ქართული კომპანიაა, რომელიც უკვე ევროკავშირში საცალო ვაჭრობით არის წარმოდგენილი. გორგია მომხმარებლებს 4 000 ზე მეტი დასახელების საერთაშორისო ბრენდს და 100 000-ზე მეტი დასახელების სამშენებლო-სარემონტო, საყოფაცხოვრებო პროდუქციას სთავაზობს. დღესდღეობით კომპანია აერთიანებს 3000-მდე თანამშრომელს, კომპანიის მთავარი ღირებულებებია: მუდმივი განვითარება; წარმატების გაზიარება; ჩვენ არასოდეს ვამბობთ "არ" ან "ვერ", შეუძლებელი არაფერია.

კომპანიის მთავარი მიზანია ხარისხიანი პროდუქცია შესთავაზოს მომხმარებელს და კონკურენტული იყოს დაბალი ფასის შეთავაზებით. გორგია წარმოდგენილია 14 ფილიალით, როგორც საქართველოში ყველა დიდ ქალაქში, ასევე ევროკავშირის წევრ ქვეყანაში, კერძოდ ბულგარეთში. კომპანიას ჰყავს გამოცდილი და კვალიფიციური გუნდი, რომელიც უზრუნველყოფს შესყიდვებისა და გაყიდვების საერთაშორისო ტექნოლოგიების ცოდნის გაზიარებას.

კომპანიაში დაგხვდებათ სტაბილური, მუდმივ განვითარებაზე ორიენტირებული ინოვაციური და დინამიკური სამუშაო გარემო.

ჩვენ გთავაზობთ:

• პროფესიული და კარიერული განვითარების რეალურ შესაძლებლობას;
• სტაბილურ და მეგობრულ სამუშაო გარემოს;
• ჯანმრთელობის დაზღვევის პაკეტს;
• თანამშრომლისთვის განკუთვნილ ფასდაკლებას;
• კვებას;
• Fitpass-ით სარგებლობის შესაძლებლობას.

ძირითადი ფუნქცია-მოვალეობები:

• შეკვეთისა და რეალიზაციის გამოწერა პროგრამულად;
• პროგრამაში ხელმისაწვდომი ნაშთის ნახვა/მოძიება რეგიონალური მასშტაბით/გორგიას კუთვნილი საწყობების მიხედვით;
• ახალი კონტრაგენტის დარეგისტრირება პროგრამაში, შესაბამისი ხელშეკრულებების კოორდინირება სავაჭრო ობიექტისა და კორპორატიული მენეჯერების მიხედვით;
• რეალიზაციებში პროგრამულად ფასის კორექტირება და შესაბამისი სამსახურისთვის მიწოდება;
• დაბრუნების პროგრამულად გაწერა, ზედნადების ატვირთვა და აქტის შედგენა, დოკუმენტების ადმინისტრირება;
• ძირითადი საშუალებების გადაადგილების, ჩამოწერის დოკუმენტის მომზადება და მიწოდება როგორც უშუალო ხელმძღვანელისთვის, ასევე ბუღალტერიისთვის;
• წუნდებული საქონლის აქტის შედგენა;
• ვადაგადაცილებების და დავალიანებების უწყისის ამოღება პროგრამიდან, შესაბამისი პასუხისმგებელი პირისთვის მიწოდება;
• შეთავაზებების გაგზავნა მომხამარებლებისთვის რელევანტური და განახლებული ინფორმაციებით;
• ურთიერთანგარიშსწორების უწყისის ფორმირება.

საკვალიფიკაციო მოთხოვნები:

• უმაღლესი განათლება ან დამამთავრებელი კურსის სტუდენტი;
• სასურველია ოპერატორის პოზიციაზე მუშაობის გამოცდილება; 1C პროგრამის ცოდნა ჩაითვლება უპირატესობად;
• აუცილებელია საოფისე პროგრამების ცოდნა;
• ინგლისური ენის ცოდნა.

პიროვნული უნარ-ჩვევები:

• ეფექტური კომუნიკაციის უნარი;
• დროის მართვის უნარი;
• ორგანიზების უნარი;
• ანალიტიკური აზროვნება.

გისურვებთ წარმატებას!