კორპორატიული გაყიდვების მენეჯერი

კომპანია "CLC Elevator • სი ელ სი" წარმოადგენს ლიფტების იმპორტის, მონტაჟისა და სერვისის მიმართულებით ლიდერ კომპანიას საქართველოში. "სი ელ სი" 2022-2025 წლებში დაჯილდოებულია როგორც დარგის ლიდერი კომპანია და 2023 წელს მინიჭებული აქვს ოქროს ბრენდის სტატუსი. განხორციელებული 3500-ზე მეტი პროექტის საფუძველზე "CLC" ზრდის როგორც საკუთარ გუნდს, ისე თავის საქმიანობას და ახორციელებს კავკასიის რეგიონში პირველი ლიფტების ქარხნის მშენებლობას საქართველოში!

ინოვაცია, გამოცდილება და ამბიცია - 2018 წლიდან!

კომპანია "სი ელ სი" კორპორატიული გაყიდვების მენეჯერის პოზიციაზე ეძებს ამ სფეროში გამოცდილ კადრს.

პოზიციის აღწერა:

• ლოკაცია: გელა გოგიშვილის ქუჩა N10, თბილისი;
• სამუშაო გრაფიკი: სრული;
• სამუშაო დღეები: ორშაბათიდან პარასკევის ჩათვლით;
• სამუშაო საათები: 10:00 - 19:00 მდე;
• სახელფასო ანაზღაურება: ფიქსირებული შეთანხმებით + საბონუსე სისტემა.

ფუნქცია-მოვალეობები:

• სატელეფონო გაყიდვების განხორციელება - პოტენციურ კლიენტებთან პირველი კონტაქტის დამყარება, ინტერესის გაღვივება და კომპანიის პროდუქტის/სერვისის შეთავაზება;
• პოტენციური კლიენტების ბაზის მოძიება, გაფართოება და მუდმივი განახლება სხვადასხვა არხის გამოყენებით (სოციალური ქსელები, რეკომენდაციები, ბაზრის მონიტორინგი და სხვ.);
• შეხვედრების ორგანიზება დაინტერესებულ კლიენტებთან - პრეზენტაციის ჩატარება, საჭიროებების იდენტიფიცირება და შეთავაზების მომზადება;
• პირისპირ გაყიდვების განხორციელება - მოლაპარაკებების წაყვანა, ფასის შეთანხმება და ხელშეკრულებების გაფორმების მხარდაჭერა;
• ბაზრისა და კონკურენტების ანალიზი - გაყიდვების ტენდენციების დაკვირვება და შესაძლებლობების გამოვლენა;
• გაყიდვების გეგმის შესრულება და ყოველდღიური აქტივობების ანგარიშგება ხელმძღვანელთან;
• მომხმარებლის უკუკავშირის მიღება და მომსახურების გაუმჯობესების პროცესში ჩართულობა;
• გუნდის მიზნებში აქტიური მონაწილეობა და თანამშრომლობა სხვა დეპარტამენტებთან გაყიდვების პროცესის ეფექტურად წარმართვისთვის.

საკვალიფიკაციო მოთხოვნები:

• გაყიდვებში მუშაობის მინიმუმ 5 წლიანი გამოცდილება;
• სავალდებულოა ქართული ენის გამართულად ცოდნა;
• MS office -ის კარგ დონეზე ცოდნა;
• უმაღლესი განათლება - სასურველია ბიზნესის ადმინისტრირების მიმართულებით;
• B კატეგორიის მართვის მოწმობის ქონა ჩაითვლება უპირატესობად;
• გამოცდილება მონათესავე სფეროში ჩაითვლება უპირატესობად;
• ინგლისური ან/და რუსული ენის ცოდნა ჩაითვლება უპირატესობად;
• არსებული ვაკანტური პოზიციისთვის შესაძლებელია უპირატესობა მიენიჭოს ქალ კანდიდატებს.

"CLC Elevator" გთავაზობთ:

• მრავლისმომცველ ტრენინგს ლიფტების სფეროს სპეციფიკის შესახებ;
• კონკურენტულ ფიქსირებულ ანაზღაურებასა და გამჭვირვალე საბონუსე სისტემას;
• მზარდ და მუდმივად განვითარებად ბიზნესში მუშაობის გამოცდილებას;
• კომპანიის მიერ დაფინანსებულ საწვავის ხარჯს სამსახურებრივ მარშრუტებზე;
• კომფორტულ სამუშაო გარემოს;
• მეგობრულ და განვითარებაზე ორიენტირებულ გუნდს.

დაინტერესებულმა პირებმა გთხოვთ გამოგზავნოთ CV შემდეგ ელექტრონულ მისამართზე: hrclcelevator@gmail.com

გთხოვთ, საგანში ("subject") მიუთითოთ პოზიცია, რომელზეც აგზავნით განაცხადს.

CV-ს გამოგზავნით თქვენ ადასტურებთ რომ თანახმა ხართ შპს "სი ელ სი" დაამუშაოს და შეინახოს თქვენს შესახებ პერსონალური მონაცემები 1 წლის განმავლობაში.

ინფორმაცია პირის შესახებ ასევე შესაძლოა დამუშავდეს სამომავლოდ კომპანიაში ვაკანტურ პოზიციაზე კანდიდატის შესაბამისობის დადგენის მიზნით.