კორპორატიული გაყიდვების მენეჯერი

სამშენებლო-სარემონტო მასალების ჰიპერმარკეტების ქსელი "გორგია" აცხადებს ვაკანსიას კორპორატიული გაყიდვების მენეჯერის პოზიციაზე, თბილისში;

მე, გიორგი გოგობერიძე, კორპორატიული გაყიდვების დეპარტამენტის ხელმძღვანელი, ვმუშაობ გორგიაში 2011 წლიდან, ვაცხადებ ვაკანსიას კორპორატიული გაყიდვების მენეჯერის პოზიციაზე. შერჩეულ კანდიდატს გამოსაცდელ პერიოდში შევასწავლი გაყიდვებისთვის საჭირო უნარ-ჩვევებს, კერძოდ:

• გაყიდვების განვითარების სტრატეგიული გეგმის შემუშავება;
• გაყიდვების სტიმულირებისთვის დაგეგმილი ქმედებებისა და უნარ-ჩვევების შესწავლა;
• პარტნიორ კომპანიებთან საჭიროების გამოვლენა და შესაბამისი ქმედებების განხორციელება, მათი მოთხოვნების გათვალისწინებით;
• ABC ანალიზის შესწავლა გაყიდვების მიხედვით და შესაბამისი ქმედებების დანერგვა;
• რისკების იდენტიფიცირებისა და პრევენციის ქმედებების შემუშავება;
• დებიტორების დავალიანებების გადაჭრის გზების შემუშავება;
• პარტნიორებისთვის წამახალისებელი და სამოტივაციო აქტივობების დანერგვა/განხორციელება;
• სარეალიზაციო ფასისა და კომპანიის მიერ შემუშავებული კორპორატიული ფასდაკლების სისტემის შესწავლა;
• პროდუქციის ასორტიმენტისა და უპირატესობების ცოდნა. ამასთან, ვიზრუნებთ ცოდნის დონის ამაღლებაზე, შესაბამისი ტრენინგებით. შეგასწავლით ინოვაციებისა და საკუთარი პრაქტიკის გაზიარებას.

კომპანია "გორგია" საერთაშორისო სავაჭრო ურთიერთობებს ახორციელებს 1998 წლიდან. "გორგია" პირველი ქართული კომპანიაა, რომელიც უკვე ევროკავშირში საცალო ვაჭრობით არის წარმოდგენილი. გორგია მომხმარებლებს 4000-ზე მეტი დასახელების საერთაშორისო ბრენდს და 50 000-ზე მეტი დასახელების სამშენებლო-სარემონტო, საყოფაცხოვრებო პროდუქციას სთავაზობს.

დღესდღეობით კომპანია აერთიანებს 3000-მდე თანამშრომელს, კომპანიის მთავარი ღირებულებებია: მუდმივი განვითარება; წარმატების გაზიარება; ჩვენ არასოდეს ვამბობთ "არ" ან "ვერ", შეუძლებელი არაფერია. კომპანიისთვის მთავარი მიზანია ხარისხიანი პროდუქცია შესთავაზოს მომხმარებელს და კონკურენტული იყოს დაბალი ფასის შეთავაზებით.

"გორგია" წარმოდგენილია 14 ფილიალით, როგორც საქართველოში ყველა დიდ ქალაქში, ასევე ევროკავშირის წევრ ქვეყანაში, კერძოდ ბულგარეთში. კომპანიას ჰყავს გამოცდილი და კვალიფიციური გუნდი, რომელიც უზრუნველყოფს შესყიდვებისა და გაყიდვების საერთაშორისო ტექნოლოგიების ცოდნის გაზიარებას.

კომპანიაში დაგხვდებათ სტაბილური, მუდმივ განვითარებაზე ორიენტირებული ინოვაციური და დინამიკური სამუშაო გარემო.

ჩვენ გთავაზობთ:

• პროფესიული და კარიერული განვითარების რეალურ შესაძლებლობას;
• სტაბილურ და მეგობრულ სამუშაო გარემოს;
• ჯანმრთელობის დაზღვევის პაკეტს;
• თანამშრომლისთვის განკუთვნილ ფასდაკლებას;
• კვებას;
• Fitpass-ით სარგებლობის შესაძლებლობას.

ძირითადი ფუნქცია-მოვალეობები:

• ბაზრის შესწავლა, არსებული ქსელის განვითარება, პოტენციური მომხმარებლების მოძიება;
• არსებულ მომხმარებლებთან მუშაობა, შეხვედრების ორგანიზება და პრეზენტაციის ჩატარება;
• მომხმარებლების მოთხოვნების იდენტიფიცირება, შესაბამისი შეთავაზების შემუშავება, წარმატებული გაყიდვის უზრუნველყოფა;
• კომპანიებთან გრძელვადიანი ურთიერთობების დამყარება.

ძირითადი საკვალიფიკაციო მოთხოვნები:

• უმაღლესი განათლება (სასურველია ბიზნესის ადმინისტრირების მიმართულებით);
• გაყიდვების სფეროში მუშაობის მინუმიმ 1 წლიანი გამოცდილება;
• სასურველია ინგლისური ან/და რუსული ენის ცოდნა;
• საოფისე პროგრამების ცოდნა;
• აუცილებელია მართვის მოწმობა და პირადი ავტომობილი.

პიროვნული უნარ-ჩვევები:

• კომუნიკაციისა და პრეზენტაციის უნარი;
• ეფექტური მოლაპარაკებისა უნარი;
• ორგანიზებულობა;
• გუნდური მუშაობის უნარი.

დაინტერესებულ პირებს გთხოვთ გამოეხმაუროთ განცხადებას “გამოხმაურება (სხვა ვებგვერდზე)“ ღილაკის საშუალებით.

გისურვებთ წარმატებებს!