კომპიუტერების ტექნიკოსი

ITWorks ეძებს კომპიუტერების ტექნიკოსს, რომელსაც კომპიუტერული ჰარდვერისა და სოფტვერის პროფესიონალურ დონეზე ცოდნა და პრაქტიკული გამოცდილება აქვს.

ძირითადი მოვალეობები:

• კომპიუტერების აწყობა, განახლება და გამართულობის შემოწმება;
• კომპიუტერებისა და მათი კომპონენტების დიაგნოსტიკა, გაუმართაობის მიზეზების დადგენა და აღმოფხვრა;
• ოპერაციული სისტემების, დრაივერებისა და პროგრამული უზრუნველყოფის ინსტალაცია და გამართვა;
• BIOS-ის განახლება და პარამეტრების სწორად კონფიგურაცია;
• სისტემის სტაბილურობის, წარმადობისა და ტემპერატურების ტესტირება;
• კომპიუტერების გაწმენდა და თერმო პასტების შეცვლა.
• საგარანტიო და არასაგარანტიო სერვისში შემოსული ტექნიკის შემოწმება და შესრულებული სამუშაოს აღრიცხვა;
• მომხმარებლისთვის ტექნიკური საკითხების გასაგებად ახსნა და რეკომენდაციების მიცემა.

ძირითადი მოთხოვნები:

• კომპიუტერული ჰარდვერისა და სოფტვერის პროფესიონალურ დონეზე ცოდნა;
• თანამედროვე პროცესორების, ვიდეო ბარათების, დედა დაფების, ოპერატიული მეხსიერებისა და სხვა კომპონენტების ცოდნა;
• კომპონენტების თავსებადობის სწორად განსაზღვრისა და კომპიუტერის დამოუკიდებლად აწყობის უნარი;
• ჰარდვერული და პროგრამული პრობლემების დიაგნოსტიკის პრაქტიკული გამოცდილება;
• Windows-ის ინსტალაციის, გამართვისა და პრობლემების აღმოფხვრის ცოდნა;
• სადიაგნოსტიკო და სტრესტესტის პროგრამებთან მუშაობის გამოცდილება;
• ტექნიკური დოკუმენტაციისა და ინსტრუქციების ინგლისურ ენაზე გაგების უნარი;
• პასუხისმგებლობა, სიზუსტე და დეტალებისადმი ყურადღება;
• სამუშაოს ორგანიზებისა და პრიორიტეტების განსაზღვრის უნარი;
• გუნდთან და მომხმარებელთან გამართული კომუნიკაცია.

უპირატესობად ჩაითვლება:

• კომპიუტერულ სერვისში მუშაობის გამოცდილება;
• Gaming და Workstation სისტემების აწყობისა და გამართვის გამოცდილება;
• ლეპტოპების დიაგნოსტიკისა და მომსახურების ცოდნა;
• ქსელებისა და ქსელური მოწყობილობების გამართვის საბაზისო ცოდნა;
• კომპიუტერული ტექნოლოგიების სიახლეებისადმი ინტერესი და ცოდნის მუდმივად განახლების სურვილი.

სამუშაო პირობები:

• სამუშაო ადგილი: ვაჟა-ფშაველას გამზირი / 78ა;
• სამუშაო გრაფიკი: კვირაში 5 დღე, 11:00-20:00
• ანაზღაურება: 1200-1500₾ ფიქსირებული / გამოცდილების მიხედვით + ბონუსი შესრულებული სამუშაოდან გამომდინარე

დაინტერესების შემთხვევაში, გამოგვიგზავნეთ CV მისამართზე: jobs@itw.ge. სათაურის ველში მიუთითეთ: „კომპიუტერების ტექნიკოსი“.

შეგიძლიათ CV-ს დაურთოთ თქვენი გამოცდილების მოკლე აღწერა — რა ტიპის სისტემებთან გიმუშავიათ და რა ტექნიკური პრობლემები გადაგიჭრიათ დამოუკიდებლად.