კომერციული დირექტორი

კომპანია "სფეის კარგო" ლოგისტიკური კომპანიაა, რომელიც მსოფლიოს მასშტაბით ახორციელებს საერთაშორისო გადაზიდვებს. კომპანიის საქმიანობა მოიცავს ორ ძირითად მიმართულებას: მცირე და საშუალო ბიზნესის (B2B) მომსახურებას და საცალო მომხმარებლების (B2C) მომსახურებას.

პოზიციის მიზანი:

კომერციული დირექტორი პასუხისმგებელი იქნება კომპანიის კომერციული სტრატეგიის, გაყიდვებისა და მარკეტინგის მართვაზე, ბიზნესის განვითარებასა და ფინანსური შედეგების ანალიზზე, კომპანიის შემოსავლებისა და მომგებიანობის ზრდის მიზნით.

ძირითადი მოვალეობები:

• კომპანიის კომერციული სტრატეგიის შემუშავება, განხორციელება და შედეგების შეფასება.
• გაყიდვებისა და მარკეტინგის მიმართულებების მართვა და მათი ეფექტიანობის გაუმჯობესება.
• შემოსავლების, ხარჯებისა და მომგებიანობის ანალიზი; გაუმჯობესების შესაძლებლობების გამოვლენა.
• ტარიფების, კომერციული შეთავაზებებისა და ფასდაკლებების შეფასება კომპანიის ფინანსური ინტერესების გათვალისწინებით.
• ახალი კლიენტების, ბაზრებისა და ბიზნესგანვითარების შესაძლებლობების მოძიება.
• მსხვილ კლიენტებთან და პარტნიორებთან კომერციული მოლაპარაკებების წარმოება და თანამშრომლობის განვითარება.
• კომერციული შედეგების მონიტორინგი და კომპანიის ხელმძღვანელობისთვის პერიოდული ანგარიშგება.

საკვალიფიკაციო მოთხოვნები:

• უმაღლესი განათლება ბიზნესის ადმინისტრირების, მენეჯმენტის, ფინანსების, ეკონომიკის ან მომიჯნავე სფეროში.
• ლოგისტიკის, საერთაშორისო გადაზიდვების ან მომიჯნავე სფეროში მუშაობის მინიმუმ 3-წლიანი გამოცდილება.
• გაყიდვების, კომერციული მიმართულების ან ბიზნესის განვითარების მართვის მინიმუმ 3-წლიანი გამოცდილება.
• ფინანსური და კომერციული მონაცემების ანალიზის უნარი.
• გაყიდვების სტრატეგიის შემუშავებისა და გუნდის მართვის გამოცდილება.
• მოლაპარაკებების წარმოებისა და სტრატეგიული გადაწყვეტილებების მიღების უნარი.
• Excel-ისა და საოფისე პროგრამების კარგი ცოდნა.
• ინგლისური ენის სამუშაო დონეზე ცოდნა; რუსული ენის ცოდნა ჩაითვლება უპირატესობად.

სამუშაო პირობები:

• სამუშაო ადგილი: თბილისი
• სამუშაო გრაფიკი: სრული განაკვეთი
• ანაზღაურება: შეთანხმებით, კანდიდატის გამოცდილებისა და კვალიფიკაციის მიხედვით.

განაცხადის მიღება

დაინტერესებულ კანდიდატებს გთხოვთ, რეზიუმე გამოგზავნოთ მისამართზე: hr@spacecargo.ge.

ელფოსტის სათაურის ველში მიუთითეთ: კომერციული დირექტორი.