ქოლ-ცენტრის ოპერატორი

სს „ნიკორა ტრეიდი“ - საქართველოს საცალო ვაჭრობის ერთ-ერთი უმსხვილესი და ყველაზე სწრაფად მზარდი კომპანიაა. ჩვენ პირველებმა დავამკვიდრეთ სუპერმარკეტების ქსელის კულტურა საქართველოში და საფუძველი ჩავუყარეთ ქვეყნის რითეილ სექტორის განვითარებას.

წარმატების ისტორია 2000 წელს დაიწყო და დღეს ვაერთიანებთ ორი ბრენდის -„ნიკორა სუპერმარკეტის“ და „ლიბრეს“ 650-ზე მეტ სავაჭრო ფილიალს მთელი საქართველოს მასშტაბით. მომხმარებლების ყოველდღიურ ცხოვრებაში ვქმნით ხარისხზე, ხელმისაწვდომობასა და კომფორტზე დაფუძნებულ გამოცდილებას. მუდმივი ზრდა და ინოვაციები გვაძლევს საშუალებას, დავრჩეთ ლიდერ პოზიციაზე და განვავითაროთ თანამედროვე სავაჭრო სტანდარტები საქართველოს მასშტაბით.

სს „ნიკორა ტრეიდი“ დღეს 8500-ზე მეტ ადამიანს აერთიანებს, რაც კომპანიას საქართველოს ერთ-ერთ უმსხვილეს დამსაქმებლად აქცევს. ჩვენ გვჯერა, რომ წარმატებას ქმნიან ადამიანები და სწორედ ამიტომ, ჩვენთვის თითოეული თანამშრომელი კომპანიის ყველაზე დიდი ღირებულებაა.

შემოგვიერთდი „ნიკორა ტრეიდში“ - კომპანიაში, სადაც პატივისცემა, პასუხისმგებლობა, მომხმარებელზე ორიენტაცია, სტაბილურობა და გაუმჯობესებისკენ სწრაფვა ერთიანდება საერთო მიზნის მისაღწევად - გავაგრძელოთ პირველობის ისტორია.

სს „ნიკორა ტრეიდი“ აცხადებს ვაკანსიას ქოლ-ცენტრის ოპერატორის პოზიციაზე.

ფუნქცია-მოვალეობები:

• ქოლ-ცენტრში შემოსული ზარების მიღება და მომხმარებლისათვის კომპანიაში შემუშავებული სტანდარტის დაცვით, მაღალი ხარისხის სატელეფონო მომსახურების გაწევა;
• საჭიროების შემთხვევაში, შემოსული ზარის გადამისამართება შესაბამის სამსახურთან;
• გამავალი ზარების განხორციელება შემუშავებული სტანდარტის დაცვით;
• სოციალური ქსელების საშუალებით მომხმარებლებისთვის კონსულტაციის გაწევა;
• მონაცემთა აღრიცხვა შესაბამის ბაზებში;
• საჭიროების შემთხვევაში, სატელეფონო გამოკითხვის ჩატარება.

საკვალიფიკაციო მოთხოვნები:

• მსგავს პოზიციაზე მუშაობის მინიმუმ 1 წლიანი გამოცდილება;
• საოფისე პროგრამების საშუალო დონეზე ცოდნა;
• სასურველია ინგლისური და რუსული ენების ცოდნა.

პიროვნული თვისებები და უნარები:

• ეფექტური ვერბალური კომუნიკაციის უნარი;
• ეფექტური წერილობითი კომუნიკაციის უნარი;
• დეტალებზე ორიენტირებულობა;
• სიზუსტე და აკურატულობა.

სს „ნიკორა ტრეიდი“ ხელმძღვანელობს თანასწორი შესაძლებლობების, მრავალფეროვნებისა და ინკლუზიურობის პრინციპებით და ემიჯნება ნებისმიერი სახის დისკრიმინაციას, როგორც წინასახელშეკრულებო ეტაპზე, ასევე შრომითი ურთიერთობის მთელი პერიოდის განმავლობაში და უზრუნველყოფს თანაბარ შესაძლებლობებს ყველა კანდიდატისა თუ თანამშრომლისთვის