ქიმიკოსი

"ჯორჯიან უოთერ ენდ ფაუერი" წამყვანი კომპანიაა საქართველოს წყალმომარაგების ბაზარზე, რომლის მიზანია თბილისისა და მისი შემოგარენის ხარისხიანი, უსაფრთხო და საიმედო წყალმომარაგებით უზრუნველყოფა. GWP 2022 წლიდან ესპანური ჰოლდინგის Aqualia-ს წევრი ორგანიზაციაა. Aqualia წყალმომარაგების დარგში ერთ-ერთი მოწინავე კომპანიაა, რომელიც 19 ქვეყანაში ოპერირებს.

ვეძებთ გუნდის ახალ წევრს ქიმიკოსის პოზიციაზე.

სამუშაო ადგილი: ქ. გარდაბანი (ქ. რუსთავიდან კომპანია უზრუნველყოფს ტრანსპორტირებას)

სამუშაო გრაფიკი: ორშაბათი/პარასკევი - 09:00/18:00

ანაზღაურება: 1250 ლარი net

ძირითადი მოვალეობები:

• ჩამდინარე წყლის ქიმიური მაჩვენებლების ხარისხის კონტროლი.
• ჩამდინარე წყლის კონტროლის მიზნით ქიმიური ანალიზის ჩატარება, მათ შორის გამზომი ხელსაწყო-მოწყობილობების (პლაზმურ-ემისიური და UV სპექტოფოტომეტრი, pH-მეტრი, მულტიმეტრი და სხვა) გამოყენებით.
• ქიმიური კვლევის შედეგების გაფორმება შესაბამის ჟურნალში და ელექტრონულ პროგრამაში.
• შესაბამისობის განაცხადის, მოსაზრებებისა და ინტერპრეტაციების დოკუმენტირება.
• ქიმიური ანალიზების ჩასატარებლად საჭირო ხსნარებისა და რეაქტივების მომზადება.
• ქიმიური კვლევისათვის საჭირო მოწყობილობების ტემპერატურული რეჟიმისა და მუშაობის კონტროლი.
• ჩამდინარე წყლის და ლამი სინჯის აღება და ტრანსპორტირება ლაბორატორიაში.
• ლაბორატორიაში მიღებული ნიმუშების რეგისტრაცია შესაბამის ჟურნალებში.
• ხელსაწყო-მოწყობილობების (სპექტოფოტომეტრი, pH-მეტრი, მულტიმეტრი და სხვა) შიდა დაკალიბრების, ახალი გამზომი აპარატურის და მეთოდების ვერიფიკაციის უზრუნველყოფა.

საკვალიფიკაციო მოთხოვნები:

• ბაკალავრის ხარისხი ქიმიის მიმართულებით.
• ლაბორატორიაში მუშაობის არანაკლებ 1-2 წლიანი გამოცდილება.
• გამზომ აპარატურასთან მუშაობის გამოცდილება.
• ჩამდინარე წლების საკანონმდებლო და ნორმატიული დოკუმენტების მოთხოვნების ცოდნა.
• სსტ ისო/იეკ 17025:2017/2018 სტანდარტის მოთხოვნების მაღალ დონეზე ცოდნა.
• ინგლისური და რუსული ენების B2 დონეზე ფლობა.
• MS office-ის საშუალო დონეზე ცოდნა.