კატეგორიის შესყიდვების სტაჟიორი

სამშენებლო-სარემონტო მასალების ჰიპერმარკეტების ქსელი "გორგია" აცხადებს ვაკანსიას სტაჟიორის პოზიციაზე სამშენებლო კატეგორიის მიმართულებით, თბილისში.

მე, გია ნაცვლიშვილი, ვმუშაობ „გორგიაში“ კატეგორიის კოორდინატორის პოზიციაზე. გამოსაცდელ პერიოდში თანამშრომელს შევასწავლი შესყიდვების ბაზისურ ხელოვნებას, შესყიდვების დაგეგმვისა და ორგანიზების პრინციპებს, მომწოდებლების მოძიებისა და შერჩევის მეთოდებს. ასევე, დავეხმარები ბიზნეს და კომერციული უნარ-ჩვევების, ანალიტიკური აზროვნებისა და მოლაპარაკების უნარების განვითარებაში.

კომპანია "გორგია" საერთაშორისო სავაჭრო ურთიერთობებს ახორციელებს 1998 წლიდან.

"გორგია" პირველი ქართული კომპანიაა, რომელიც უკვე ევროკავშირში საცალო ვაჭრობით არის წარმოდგენილი. „გორგია“ მომხმარებლებს 4 000-ზე მეტი დასახელების საერთაშორისო ბრენდს და 100 000-ზე მეტი დასახელების სამშენებლო-სარემონტო, საყოფაცხოვრებო პროდუქციას სთავაზობს. დღესდღეობით კომპანია აერთიანებს 3000-მდე თანამშრომელს. კომპანიის მთავარი ღირებულებებია: მუდმივი განვითარება; წარმატების გაზიარება; ჩვენ არასოდეს ვამბობთ "არ" ან "ვერ", შეუძლებელი არაფერია. კომპანიისთვის მთავარი მიზანია ხარისხიანი პროდუქცია შესთავაზოს მომხმარებელს და კონკურენტული იყოს დაბალი ფასის შეთავაზებით.

"გორგია" წარმოდგენილია 14 ფილიალით, როგორც საქართველოს ყველა დიდ ქალაქში, ასევე ევროკავშირის წევრ ქვეყანაში, კერძოდ ბულგარეთში. კომპანიას ჰყავს გამოცდილი და კვალიფიციური გუნდი, რომელიც უზრუნველყოფს შესყიდვებისა და გაყიდვების საერთაშორისო ტექნოლოგიების ცოდნის გაზიარებას.

კომპანიაში დაგხვდებათ სტაბილური, მუდმივ განვითარებაზე ორიენტირებული ინოვაციური და დინამიკური სამუშაო გარემო.

ჩვენ გთავაზობთ:

· პროფესიული და კარიერული განვითარების რეალურ შესაძლებლობას;

· სტაბილურ და მეგობრულ სამუშაო გარემოს;

· ჯანმრთელობის დაზღვევის პაკეტს;

· თანამშრომლისთვის განკუთვნილ ფასდაკლებას;

· კვებას;

· Fitpass-ით სარგებლობის შესაძლებლობას.

ძირითადი ფუნქცია-მოვალეობები:

· ადგილობრივ და უცხოურ ბაზრებზე შესყიდვების ახალი და პოტენციური მომწოდებლების მოძიება, შედარება და მოლაპარაკებების ეფექტური წარმართვა;

· შესყიდვების ციკლის ორგანიზება, საუკეთესო პირობებით შესყიდვების განხორციელება განსაზღვრულ ვადაში;

· დაკავშირებული დოკუმენტაციის წარმოება და პროგრამულად გაწერის განხორციელების უზრუნველყოფა, კომპანიის მიერ შემუშავებული და დანერგილი სტანდარტის დაცვის შესაბამისად;

· უშუალო ხელმძღვანელის მიერ მიცემული სხვა დავალებების შესრულება, კომპეტენციის ფარგლებში.

ძირითადი საკვალიფიკაციო მოთხოვნები:

· უმაღლესი განათლება ბიზნესის ადმინისტრირების, მენეჯმენტის, ეკონომიკის ან მომიჯნავე მიმართულებით;

· თურქული ან რუსული ენის ცოდნა;

· შესყიდვების ან გაყიდვების მიმართულებით მუშაობის გამოცდილება ჩაითვლება უპირატესობად;

· საოფისე პროგრამები, მათ შორის მნიშვნელოვანია ექსელის ცოდნა.

პიროვნული უნარ-ჩვევები:

· ორგანიზებულობა;

· დეტალებზე ორიენტირებული მიდგომა

· დროის ეფექტურად მართვის უნარი;

· როგორც გუნდში, ისე დამოუკიდებლად მუშაობის უნარი.

გისურვებთ წარმატებებს!