კანცელარიისა და მოქალაქეთა მისაღები განყოფილების სპეციალისტი

თანამდებობის დასახელება:

მეოთხე რანგი - საჯარო დაწესებულების პირველი კატეგორიის უმცროსი სპეციალისტი

პოზიციის დასახელება:

კანცელარიისა და მოქალაქეთა მისაღები განყოფილების სპეციალისტი

კონკურსის ტიპი:

ღია კონკურსი

ორგანიზაცია:

რუსთავის საქალაქო სასამართლო

კატეგორია:

იურიდიული

განცხადების ბოლო ვადა:

08.11.2026

თანამდებობრივი სარგო:

2080 ლარი

ადგილების რაოდენობა:

1

სამსახურის ადგილმდებარეობა:

რუსთავი

სამუშაოს ტიპი:

სრული განაკვეთი

გამოსაცდელი ვადა:

12 თვე

ფუნქციები:

- უზრუნველყოფს სასამართლოს მისაღებში შემოსული (მათ შორის ელექტრონული სახით) ყველა კორესპონდენციის (მოქალაქეების, მათი წამომადგენლების, ან ფოსტის საშუალებით შემოსული, მათ შორის სარჩელების, შუამდგომლობების, განცხადებების, სისხლის, სამოქალაქო, ადმინისტრაციული და სხვა კატეგორიის საქმეების და მათთან დაკავშირებული დოკუმენტების) შესაბამის ჟურნალებში აღრიცხვას, სარეგისტრაციო ნომრის მინიჭებას და ელექტრონული საქმის წარმოების და ავტომატური განაწილების პროგრამაში პირველადი მონაცემების უშეცდომოდ შეყვანას, ამასთან ამოწმებს, ადგილი ხომ არ აქვს საქმის ან შუამდგომლობის განმეორებით წარმოდგენას ან ახლად შემოსული შუამდგომლობა, განცხადება ან მასალები ხომ არ არის დაკავშირებული უკვე წარმოებაში არსებულ საქმესთან და ასეთის დადასტურების შემთხვევაში საქმეს ურთავს შესაბამის აღნიშვნას განმხილველი მოსამართლის და გადამოწმების შედეგის მითითებით. ელექტრონული სისტემით განაწილებულ საქმეებს დაუყონებლივ გადასცემს შესაბამის სპეციალიზაციის სპეციალისტს;

- ახდენს კორესპოდენციის წარმომდგენ პირთა იდენტიფიცირებას, პირადი მონაცემების ფიქსაციას და დაცვას;

- ახორციელებს ჩასაბარებლად წარმოდგენილი დოუმენტაციის ფორმალური მხარის შემოწმებას და რეაგირებას, ფოსტით შემოსულ კორესპონდენციაში ამოწმებს თანდართული მასალების არსებობას (რომელიმე დოკუმენტის არარსებობის შემთხვევაში ადგენს სათანადო აქტს);

- ახორციელებს სააპელაციო და უზენაესი სასამართლოდან დაბრუნებული საქმეების მიღებას, ტომთა რაოდენობის და თითოეული ტომის შეკერვას, ფურცლების დანომვრას და აღწერის შემოწმებას, მიღებული საქმის რეგისტრაციაში გატარებას და უფლებამოსილ მოხელეზე გადაცემას;

- ახდენს რუსთავის საქალაქო სასამართლოში შემოსული შუამდგომლობების და საქმეების განაწილებას, რა დროსაც ვალდებულია განუხრელად დაიცვას საქართველოს იუსტიციის უმაღლესი საბჭოს 2020 წლის 31 იანვრის №1 დადგენილების დანართი №20-ით დამტკიცებული „საქართველოს საერთო სასამართლოებში საქმეთა ავტომატურად, ელექტრონული სისტემის მეშვეობით განაწილების წესი“;

- ახდენს სასამართლოს კანცელარიაში შესული და სპეციალიზაციის მიხედვით მისთვის გადაცემული კორესპონდენციის და საქმეების გაცნობას, დასკანერებას, კომპიუტერული ბაზის მეშვეობით საქმის სტატუსის და განმხილველი მოსამართლის დადგენას. დასკანერებული დოკუმენტის სათაურში სავალდებულო წესით აღნიშნავს დოკუმენტის ტიპს (განცხადება, სარჩელი, დაზუსტებული სარჩელი, შესაგებელი, საჩივარი, შუამდგომლობა და სხვა) და მხოლოდ აღნიშნულის შემდეგ უზრუნველყოფს კორესპონდენციის ელექტრონული ვერსიის შესაბამის საქმეზე მიტვირთვას. ახდენს თითოეულ კორესპონდენციაზე ადრესატის ვინაობის აღნიშვნას, მოსამართლეებზე სწორად გადაცემის მიზნით და შუალედური ფოსტის დაუყოვნებლივ ადრესატზე გადაცემას;

- შესაბამისი საფუძვლის არსებობის შემთხვევაში უზრუნველყოფს საქმეებზე და შუამდგომლობებზე თვალსაჩინო ადგილას სტატუსების აღმნიშვნელი შტამპის განთავსებას „არასრულწლოვანი“, „ძებნილი“ ან „საპატიმრო“;

- ამოწმებს წარმოდგენილი შუამდგომლობა არის, თუ არა რუსთავის საქალაქო სასამართლოს განსჯადი და ხომ არ ექვემდებარება გარდაბნის მუნიციპალიტეტში მაგისტრატი მოსამართლის განსჯადობას;

- ვალდებულია ელექტრონული სისტემის დროებითი შეფერხებისას დაუყოვნებლივ მიაწოდოს ინფორმაცია განყოფილების უფროსს და სასამართლოს მენეჯერს;

- უზრუნველყოფს კანცელარიაში ჩაბარებულ საქმეებზე შემოსულ კორესპოდენციაზე პასუხების დროულ მომზადებას;

- უზრუნველყოფს დასრულებული საქმეების მიღებისას საქმის სრულყოფილად შემოწმებას, რათა დაზუსტდეს მოწესრიგებულია თუ არა საქმე ფორმალურად და არის თუ არა სრულყოფილად აღსრულებული. ამასთან ახდენს არქივში განთავსებას, რიგითობის მიხედვით და ალფაბეტურ ჟურნალში ფიქსაციას;

- უზრუნველყოფს საქმეზე დასართავად შემოსული კორესპოდენციის (ცნობების, შეტყობინებების, მომართვების) შესაბამის საქმეში განთავსებას (ჩაკერება);

- უზრუნველყოფს საქმეზე დართული ნივთმტკიცების აღწერას, რეგისტრაციას შესაბამის ჟურნალში და კომპიუტერულ ბაზაში, ასევე ნივთმტკიცებათა საცავში შენახვას;

- უზრუნველყოფს საქმეების სააპელაციო სასამართლოში განსახილველად გაგზავნას. კანცელარიაში ჩაბარებულ საქმეზე, სააპელაციო საჩივრის შემოსვლის შემთხვევაში ამზადებს საქმეს და საპროცესო მოთხოვნების შესრულების შემდეგ საქმეს აგზავნის სააპელაციო სასამართლოში;

- უზრუნველყოფს ზემდგომი სასამართლო ინსტანციის მიერ ძალაში დატოვებული და ნივთმტკიცების ნაწილში აღსასრულებელი განაჩენების აღსრულებას განყოფილების უფროსის და საქმის განმხილველი მოსამართლის თანაშემწის მონაწილეობით.

მინიმალური განათლება:

უმაღლესი განათლება

პროფესია:

იურისტი

საკონკურსო თემატიკა:

ა) საქართველოს კონსტიტუცია;

ბ) საქართველოს სისხლის სამართლის კოდექსი;

გ) საქართველოს სისხლის სამართლის საპროცესო კოდექსი;

დ) საქართველოს სამოქალაქო კოდექსი;

ე) საქართველოს სამოქალაქო საპროცესო კოდექსი;

ვ) საქართველოს ზოგადი ადმინისტრაციული კოდექსი;

ზ) საქართველოს ადმინისტრაციული საპროცესო კოდექსი;

თ)"საერთო სასამართლოების შესახებ" საქართველოს ორგანული კანონი;

ი)"ნორმატიული აქტების შესახებ" საქართველოს კანონი;

კ)"საჯარო სამსახურის შესახებ" საქართველოს კანონი;

ლ) „საქართველოს შრომის კოდექსი“ საქართველოს ორგანული კანონი;

მ) საქართველოს ადმინისტრაციულ სამართალდარღვევათა კოდექსი;

ნ)საქართველოს პრეზიდენტის 2000 წლის 27 ოქტომბრის №466 ბრძანებულებით დამტკიცებული "რაიონული (საქალაქო), საოლქო, აფხაზეთის და აჭარის ავტონომიური რესპუბლიკების უმაღლეს სასამართლოებში ორგანიზაციული მუშაობისა და საქმისწარმოების წესის შესახებ" დებულება;

ო)"საქართველოს იუსტიციის უმაღლეს საბჭოსა და საქართველოს საერთო სასამართლოებში მოქალაქესთან კომუნიკაციის სტანდარტების დამტკიცების შესახებ" საქართველოს იუსტიციის უმაღლესი საბჭოს 2009 წლის 9 ოქტომბრის №1/310 გადაწყვეტილება;

პ) საქართველოს იუსტიციის უმაღლესი საბჭოს 2020 წლის 31 იანვრის №1 დადგენილების დანართი №20-ით დამტკიცებული „საქართველოს საერთო სასამართლოებში საქმეთა ავტომატურად, ელექტრონული სისტემის მეშვეობით განაწილების წესი“

ჟ)“საჯარო დაწესებულებაში ეთიკისა და ქცევის ზოგადი წესების განსაზღვრის შესახებ“ საქართველოს მთავრობის 2017 წლის 20 აპრილის №200 დადგენილება.

საკონკურსო კომისიის მისამართი:

ქ. რუსთავი, ბოსტან ქალაქის ქუჩა N 6 (რუსთავის საქალაქო სასამართლო)

საკონტაქტო ტელეფონები:

577670939

საკონტაქტო პირი:

გურამ კორკოტაშვილი

დამატებითი მოთხოვნები:

- გუნდური მუშაობის უნარი;

- დეტალებზე ორიენტირების უნარი;

- მოქალაქეებთან კომუნიკაციის უნარი;

- ინფორმაციის შეგროვებისა და ანალიზის უნარი;

- დროის ეფექტიანი მართვის უნარი.

დამატებითი ინფორმაცია:

ვაკანტური თანამდებობის დაკავების მსურველმა კანდიდატმა "ჩემი რეზიუმე"-ს შესაბამის დოკუმენტაციის ბლოკში სავალდებულოდ უნდა ატვირთოს:

ა) უმაღლესი იურიდიული განათლების დამადასტურებელი სათანადოდ გაფორმებული (ბეჭდით დამოწმებული) დიპლომის (ცნობის) ასლი;

- პირი, რომელიც ექვემდებარება წვევამდელთა სამხედრო აღრიცხვას, ვალდებულია კონკურსის წარმატებით გავლის შემთხვევაში, წარმოადგინოს წვევამდელის სამხედრო აღრიცხვაზე ყოფნის ან წვევამდელის სამხედრო აღრიცხვიდან მოხსნის დამადასტურებელი დოკუმენტი.

- მოხელის სტატუსის არმქონე პირი მოხელის ვაკანტურ თანამდებობაზე მიიღება 12 თვიანი გამოსაცდელი ვადით;

- დოკუმენტაცია ატვირთულ უნდა იქნეს სახელმწიფო ენაზე (უცხოურენოვანი დოკუმენტაციის შემთხვევაში საჭიროა მისი ნოტარიულად დამოწმებული თარგმანის წარდგენა);

- კანდიდატი ვერ გადავა შეფასების ეტაპზე, თუ მისი მონაცემები არ შეესაბამება დადგენილ მოთხოვნებს, სავალდებულოდ ასატვირთი დოკუმენტების ან/და ინფორმაციის არასრულყოფილად წარდგენის გათვალისწინებით;

- კანდიდატებთან დაკავშირება მოხდება ტელეფონით ან/და ელექტრონული ფოსტის მეშვეობით.

პირი მოხელედ არ მიიღება, თუ:

ა) იგი ნასამართლევია განზრახი დანაშაულისათვის;

ბ) იგი საჯარო სამსახურიდან გათავისუფლდა დისციპლინური გადაცდომისათვის და დისციპლინური გადაცდომისათვის გათავისუფლებიდან 1 წელი არ არის გასული;

გ) მან სამსახურში მიღებისას არ წარმოადგინა საქართველოს კანონმდებლობით დადგენილი ფორმის ნარკოლოგიური შემოწმების ცნობა ან წარმოდგენილი ნარკოლოგიური შემოწმების ცნობა ადასტურებს მის მიერ ნარკოტიკული საშუალების მოხმარების ფაქტს;

დ) მას სასამართლოს მიერ ჩამორთმეული აქვს საჯარო სამსახურში შესაბამისი თანამდებობის დაკავების უფლება;

ე) იგი სასამართლომ მხარდაჭერის მიმღებად ცნო, თუ სასამართლოს გადაწყვეტილებით სხვა რამ არ არის განსაზღვრული.

გადაწყვეტილების მიღების ფორმა და ვადა:

- საკონკურსო კომისია გადაწყვეტილებას მიიღებს კენჭისყრის საფუძველზე;

- საკონკურსო კომისია საბოლოო გადაწყვეტილებას მიიღებს განაცხადების წარდგენის ვადის დასრულებიდან არა უგვიანეს 3 თვის ვადაში.