იურისტი

პოზიციის დასახელება:

იურისტი

კონკურსის ტიპი:

ღია კონკურსი

ორგანიზაცია:

სსიპ - კანონთან კონფლიქტში მყოფი არასრულწლოვანის რეაბილიტაციისა და მხარდაჭერის ცენტრი

ორგანიზაციის შესახებ:

საჯარო სამართლის იურიდიული პირის „კანონთან კონფლიქტში მყოფი არასრულწლოვანის რეაბილიტაციისა და მხარდაჭერის ცენტრის“ საქმიანობის მთავარი მიზანი არის კანონთან კონფლიქტში მყოფი არასრულწლოვანების კეთილდღეობის უზრუნველყოფა, განვითარების ხელშეწყობა, მათი ინდივიდუალური საჭიროებების შესაბამისი მხარდაჭერა, რეაბილიტაცია და რესოციალიზაცია. ცენტრში დაგეგმილი ღონისძიებები და პროგრამები მიმართულია არასრულწლოვანთა გონებრივი, ემოციური, სოციალური და ფიზიკური განვითარებისა და მათი ოჯახების მხარდაჭერისკენ, რაც არასრულწლოვანს ეხმარება სრულფასოვან საზოგადოებრივ ინტეგრაციაში.

ცენტრი უზრუნველყოფს კონკურსში მონაწილე ყველა კანდიდატის თანასწორობას, განურჩევლად რასის, კანის ფერის, სქესის, წარმოშობის, ეთნიკური კუთვნილების, ენის, რელიგიის, პოლიტიკური ან სხვა შეხედულებების, სოციალური კუთვნილების, ქონებრივი ან წოდებრივი მდგომარეობის, საცხოვრებელი ადგილის ან სხვა ნიშნის მიხედვით.

კატეგორია:

იურიდიული

განცხადების ბოლო ვადა:

08.11.2026

თანამდებობრივი სარგო:

3040 ლარი

ადგილების რაოდენობა:

2

სამსახურის ადგილმდებარეობა:

გარდაბნის მუნიციპალიტეტი, სოფელი მარტყოფი 90 - ე ქუჩა №4

სამუშაოს ტიპი:

სრული განაკვეთი

გამოსაცდელი ვადა:

6 თვე

ფუნქციები:

ა) ცენტრის თანამშრომელთა სამართლებრივი კონსულტირების პროცესში დახმარება, საჭირო ნორმატიული აქტების მოძიება და პირველადი ინფორმაციის მომზადება;

ბ) ცენტრის უფლებამოსილებას მიკუთვნებულ საკითხებთან დაკავშირებით ნორმატიული და ინდივიდუალური ადმინისტრაციულ-სამართლებრივი აქტების პროექტების პირველად შემუშავებაში მონაწილეობა;

გ) ცენტრის სახელით დასადები ხელშეკრულებებისა და მემორანდუმების (გარდა სახელმწიფო შესყიდვის შესახებ ხელშეკრულებებისა) შაბლონური პროექტების მომზადებაში მხარდაჭერა;

დ) სხვა საჯარო დაწესებულებების მიერ მომზადებული სამართლებრივი აქტების პროექტების განხილვისას სამუშაო მასალების ანალიზსა და შესაბამისი პოზიციის პროექტის მომზადებაში მონაწილეობა;

ე) ცენტრის უფლებამოსილებას მიკუთვნებულ საკითხებთან დაკავშირებით იმ საჩივრებისა და განცხადებების განხილვის პროცესსა და პასუხების პროექტების მომზადებაში მონაწილეობა, რომლებიც ცენტრის შიდა კონტროლის სამსახურის უფლებამოსილებას არ მიეკუთვნება;

ვ) სასამართლო დავებზე ცენტრის წარმომადგენლობის უზრუნველყოფის მიზნით, სასამართლოში წარსადგენი დოკუმენტაციის (სარჩელი, შესაგებელი, შუამდგომლობა) პროექტების მომზადებაში მონაწილეობა;

ზ) სასამართლო დავების ანალიზში, შესაბამისი რეკომენდაციების მომზადებაში, სასამართლო საქმეების აღრიცხვასა და ერთიანი ელექტრონული საინფორმაციო ბაზის ტექნიკურ წარმოებაში მონაწილეობა;

თ) მულტიდისციპლინური ჯგუფის სხდომის მსვლელობისას შესაბამისი მდივნის ფუნქციის შესრულება (ოქმების წარმოება, სხდომების ორგანიზება);

ი) კანონმდებლობის შესაბამისად ცენტრთან არსებული მულტიდისციპლინური ჯგუფის შესაძლო წევრობა და მისი ფუნქციის შესრულება;

კ) ცენტრთან არსებული მულტიდისციპლინური ჯგუფის წარმომადგენლობა სასამართლოში;

ლ) კანონთან კონფლიქტში მყოფი არასრულწლოვანის სამართლებრივი მხარდაჭერის პროცესში მონაწილეობა უფროსი კოლეგების მითითებით;

მ) სამმართველოში შემოსული მიმდინარე კორესპონდენციის განხილვასა და საპასუხო წერილების პროექტების მომზადებაში მონაწილეობა;

ნ) კომპეტენციის ფარგლებში, დეპარტამენტის საქმიანობის განხორციელებასთან დაკავშირებით პერიოდული ანგარიშის მომზადებაში მონაწილეობა;

ო) დეპარტამენტის უფროსისა და სამმართველოს უფროსის მიმდინარე მითითებებისა და დავალებების შესრულება;

პ) დეპარტამენტის/სამმართველოს მიზნებსა და ამოცანებთან დაკავშირებულ სხვა საქმიანობაში მონაწილეობა.

მინიმალური განათლება:

ბაკალავრი

სამუშაო გამოცდილება:

6 თვე

პროფესია:

იურისტი

საკონკურსო თემატიკა:

• საქართველოს კონსტიტუცია;
• საქართველოს ორგანული კანონი „საქართველოს შრომის კოდექსი“;
• საქართველოს კანონი „საქართველოს ზოგადი ადმინისტრაციული კოდექსი“;
• საქართველოს კანონი „საქართველოს ადმინისტრაციული საპროცესო კოდექსი“;
• საქართველოს კანონის „საქართველოს სამოქალაქო კოდექსი“;
• საქართველოს კანონი „საჯარო სამართლის იურიდიული პირის შესახებ“;
• საქართველოს კანონი ,,არასრულწლოვანთა მართლმსაჯულების კოდექსი“;
• საქართველოს ორგანული კანონი „ნორმატიული აქტების შესახებ“
• საქართველოს კანონი „პერსონალურ მონაცემთა დაცვის შესახებ“;
• საქართველოს კანონი „კანონთან კონფლიქტში მყოფ არასრულწლოვანთა რეაბილიტაციისა და მხარდაჭერის შესახებ“;
• „საჯარო სამართლის იურიდიული პირის – კანონთან კონფლიქტში მყოფი არასრულწლოვანის რეაბილიტაციისა და მხარდაჭერის ცენტრის დებულების დამტკიცების შესახებ“ საქართველოს იუსტიციის მინისტრის 2026 წლის 30 აპრილის №1203 ბრძანება;
• „კანონთან კონფლიქტში მყოფი არასრულწლოვანის კეთილდღეობის უზრუნველყოფის, რეაბილიტაციისა და მხარდაჭერის პროცესში მონაწილე პირის სპეციალიზაციის სტანდარტის დამტკიცების შესახებ“ საქართველოს მთავრობის 2026 წლის 30 აპრილის №178 დადგენილება;
• „არასრულწლოვანებზე ზრუნვისა და მხარდაჭერის სახლის დებულების დამტკიცების შესახებ“ საქართველოს იუსტიციის მინისტრის 2026 წლის 30 ივნისის №1222 ბრძანება;
• „კანონთან კონფლიქტში მყოფი არასრულწლოვანის კეთილდღეობის უზრუნველყოფის, რეაბილიტაციისა და მხარდაჭერის წესის დამტკიცების შესახებ“ საქართველოს იუსტიციის მინისტრის 2026 წლის 30 აპრილის №1204 ბრძანება.

საკონკურსო კომისიის მისამართი:

გარდაბნის მუნიციპალიტეტი, სოფელი მარტყოფი 90 - ე ქუჩა №4

საკონტაქტო ტელეფონები:

511 14 41 18

საკონტაქტო პირი:

თათია მაწონაძე

დამატებითი მოთხოვნები:

• საჯარო სამსახურში მუშაობის არანაკლებ 6 თვიანი გამოცდილება;
• შედეგზე ორიენტაცია;
• პროფესიულ განვითარებაზე ზრუნვა;
• გუნდური მუშაობა;
• მოქნილობა და ცვლილებებზე ადაპტირება;
• განსხვავებულ ამოცანებზე ერთდროულად მუშაობა;
• დროის ეფექტიანი მართვა;
• ინფორმაციის/ მონაცემთა ანალიზი.

დამატებითი ინფორმაცია:

კონკურსის ეტაპები/ჩატარების გრაფიკი

• განაცხადების გადარჩევა − კონკურსში მონაწილეობისათვის წარდგენილი განაცხადების ძირითად ფორმალურ მოთხოვნებთან შესაბამისობის დადგენას უზრუნველყოფს სსიპ „კანონთან კონფლიქტში მყოფი არასრულწლოვანთა რეაბილიტაციისა და მხარდაჭერის ცენტრის“ ადამიანური რესურსების მართვისა და საქმისწარმოების სამმართველოს ადამიანური რესურსების მართვის სპეციალისტი;
• კონკურსანტმა შესაბამის გრაფაში სავალდებულოა, ატვირთოს:

− უმაღლესი განათლების დამადასტურებელი დოკუმენტი;

− სამუშაო გამოცდილების დამადასტურებელი დოკუმენტი (ოფიციალური/სათანადოდ დამოწმებული დოკუმენტი დაკავებული თანამდებობ(ებ)ის, მუშაობის პერიოდ(ებ)ის - სამსახურის დაწყებისა და დასრულების სრული თარიღების - ფუნქცია-მოვალეობების მითითებით, სრული და კითხვადი ჩანაწერ(ებ)ი). ატვირთული უნდა იყოს, სულ მცირე, დამატებითი საკვალიფიკაციო მოთხოვნებით გათვალისწინებული სამუშაო გამოცდილების დამადასტურებელი საბუთ(ებ)ი.

− სტაჟირების შემთხვევაში აუცილებელია, დოკუმენტში ჩანდეს, იყო თუ არა საქმიანობა ანაზღაურებადი.

• აუცილებელია, კანდიდატმა შეავსოს სამოტივაციო წერილის გრაფა.
• აუცილებელია, კანდიდატმა შესაბამის გრაფაში მიუთითოს რეკომენდატორის (სასურველი რაოდენობა − ორი) საკონტაქტო ინფორმაცია და დაკავებული თანამდებობა;
• კონკურსის მეორე (კანდიდატის შეფასების) ეტაპზე გადასასვლელად კანდიდატის მიერ მოწოდებული ინფორმაცია და დოკუმენტები უნდა იყოს უტყუარი, სრულყოფილი და შეესაბამებოდეს საკონკურსო განაცხადში მითითებულ ძირითად, სპეციალურ და დამატებით მოთხოვნებს;
• გასაუბრება - კანდიდატის შეფასება ხდება პროფესიულ, მოტივაციასთან დაკავშირებულ და საქმიანი უნარების დამდგენ კითხვებზე გაცემული პასუხების შესაბამისად, ქულათა სისტემით:

1 - მიუღებელი ან ზედმეტად კვალიფიციური; 2 - საშუალოზე დაბალი; 3 - საშუალო/კომპეტენტური; 4 - კარგი; 5 - ძალიან კარგი.

გარდა ზემოთ აღნიშნული ჩამონათვალისა, შემფასებელს აქვს უფლება, აირჩიოს შეფასების შემდეგი კატეგორიები: 1,3 ქულა, 2,5 ქულა, 4,4 და ა.შ.

გასაუბრებაზე გამარჯვებულად ჩაითვლება კანდიდატი, რომელიც მიიღებს ყველაზე მაღალ ქულას, მაგრამ არანაკლებ 3 ქულისა (მაქსიმალური ქულა - 5).

ყოველ მომდევნო ეტაპზე მონაწილეობისათვის აუცილებელია, კანდიდატი აკმაყოფილებდეს წინა ეტაპისთვის განსაზღვრულ მოთხოვნებს.

გადაწყვეტილების მიღების ფორმა და ვადა:

საკონკურსო კომისია გადაწყვეტილებას იღებს ქულათა სისტემით განაცხადების წარდგენის ვადის დასრულებიდან არაუგვიანეს 3 თვის ვადაში.