იურისტი

იურიდიული კომპანია "ლექსჯორჯია" აცხადებს ვაკანსიას იურისტის (ადვოკატის) პოზიციაზე.

სამუშაო პირობები:

• სამუშაო ადგილი: თბილისი;
• ანაზღაურება: 1500-2000 ლარი (კვალიფიკაციის მიხედვით);
• სამუშაო დრო: სრული.

ძირითადი მოვალეობები:

• ხელშეკრულებებისა და სხვა სამართლებრივი დოკუმენტაციის (ბრძანებები, განცხადებები, საჩივრები, და სხვა) მომზადება/მომზადების პროცედურაში მონაწილეობის მიღება;
• კომპანიის კლიენტებისათვის კომპეტენციის ფარგლებში იურიდიული კონსულტაციის გაწევა/მონაწილეობის მიღება;
• კორესპონდენციის წარმოება კომპანიის კლიენტებთან ან/და მესამე პირებთან;
• კომპანიის სადამფუძნებლო დოკუმენტაციის (წესდება, აქციონერთა კრების ოქმები, პარტნიორთა გადაწყვეტილებები) მომზადება, ცვლილებების შეტანა, მეწარმეთა და არასამეწარმეო იურიდიულ პირთა რეესტრში რეგისტრაცია/მონაწილეობის მიღება;
• ადმინისტრაციული და საგადასახადო საქმისწარმოება/მონაწილეობის მიღება;
• გაფრთხილების წერილების მომზადება და გაგზავნა;
• სარჩელების/შესაგებლების/საჩივრების მომზადება; მათი სასამართლოში/მხარესთან გაგზავნის უზრუნველყოფა და მონიტორინგი;
• სამართლებრივი დოკუმენტაციის მომზადება (საგარანტიო წერილების, ცნობების, განცხადებების, მორიგებების და ა. შ.);
• კორპორატიული კლიენტების იურიდიული მომსახურება;
• უცხო ქვეყნის მოქალაქეებთან კომუნიკაცია;
• სასამართლო პროცესებში მონაწილეობის მიღება.

საკვალიფიკაციო მოთხოვნები:

• სავალდებულოა უმაღლესი იურიდიული განათლება (მაგისტრის ხარისხი);
• სავალდებულოა სამოქალაქო/ადმინისტრაციული სამართლის მიმართულებით იურისტად/ადვოკატად მუშაობის სულ მცირე 2 წლის პრაქტიკული გამოცდილება;
• სავალდებულოა კომპიუტერული საოფისე პროგრამების ცოდნა;
• სავალდებულოა ინგლისური ენის სრულყოფილი ცოდნა (მინიმალური დონე B2);
• რუსული ენის ცოდნა ჩაითვლება უპირატესობად;
• საჯარო რეესტრის, მერიის, ქონების მიმართულებით მუშაობის გამოცდილება ჩაითვლება უპირატესობად;
• ადვოკატის ლიცენზია სამოქალაქო ან საერთო მიმართულებით ჩაითვლება უპირატესობად.

დაინტერესების შემთხვევაში გთხოვთ, გამოგზავნოთ თქვენი რეზიუმე (CV) ფოტოსურათით, ელ-ფოსტის მეშვეობით მისამართზე: lawyers@lexgeorgia.ge და სათაურის ველში (subject) მიუთითოთ ვაკანსიის დასახელება, წინააღმდეგ შემთხვევაში თქვენი კანდიდატურა არ განიხილება.