იურიდიული სამსახურის უფროსი

შპს „აკად. ნ. ყიფშიძის სახელობის ცენტრალური საუნივერსიტეტო კლინიკა“ აცხადებს ვაკანსიას იურიდიული სამსახურის უფროსის პოზიციაზე.

ადგილმდებარეობა: თბილისი, ვაჟა-ფშაველას გამზ. #29

სამუშაო საათები: ორშაბათი-პარასკევი 10:00-18:00 საათამდე

ანაზღაურება: 3750 ლარი დარიცხული

ძირითადი ფუნქცია-მოვალეობებისამსახურის მართვა და ადმინისტრირება:

• ახორციელებს იურიდიული სამსახურის სტრატეგიულ და ოპერატიულ ხელმძღვანელობას, აძლევს სავალდებულო მითითებებს დაქვემდებარებულ თანამშრომლებს;
• ანაწილებს მოვალეობებს სამსახურის თანამშრომლებს შორის სამუშაოს ეფექტურად შესრულების მიზნით, ახორციელებს მათი საქმიანობის ზედამხედველობას და აფასებს შესრულებულ სამუშაოს;
• აანალიზებს სამსახურის საქმიანობის ძლიერ და სუსტ მხარეებს, შეიმუშავებს დანერგვისა და მართვის ეფექტურ სტრატეგიასა და შიდა სამსახურებრივ პოლიტიკას;
• რეაგირებს თანამშრომლების მხრიდან სამსახურებრივი დისციპლინის გადაცდომებზე კანონმდებლობისა და კლინიკის შინაგანაწესის შესაბამისად;
• ხელმძღვანელის დავალებით ამზადებს და წარადგენს პერიოდულ ანგარიშებსა და პრეზენტაციებს სამსახურის მიერ გაწეული საქმიანობისა და მიღწეული შედეგების შესახებ;
• ასრულებს კლინიკის ხელმძღვანელობის მიერ განსაზღვრულ სხვა მიმდინარე და სამართლებრივ დავალებებს.

სამართლებრივი უზრუნველყოფა და დოკუმენტბრუნვა:

• კომპეტენციის ფარგლებში აფასებს, ამზადებს და ვიზირებას უკეთებს სამართლებრივი ხასიათის დოკუმენტებს, კლინიკის ბრძანებებსა და შიდა ნორმატიულ აქტებს;
• შეიმუშავებს და ამზადებს კლინიკის საქმიანობასთან დაკავშირებული ხელშეკრულებების, მემორანდუმებისა და შეთანხმებების პროექტებს;
• კომპეტენციის ფარგლებში ამზადებს ნებისმიერ სამართლებრივ დოკუმენტაციას, რომელიც საჭიროა კლინიკის მიმდინარე საქმიანობისთვის ან სხვადასხვა ინსტიტუციასთან ურთიერთობისას.

წარმომადგენლობა და დავალიანებათა მართვა:

• ამზადებს საარბიტრაჟო, სასამართლო და სხვა სახელმწიფო თუ კერძო ორგანოებში წარსადგენ სარჩელებს, შესაგებებლებს, შუამდგომლობებსა და სხვა საპროცესო დოკუმენტაციას;
• პირადად ან დაქვემდებარებული თანამშრომლების მეშვეობით იცავს კლინიკის კანონიერ ინტერესებს ყველა ინსტანციის საერთო სასამართლოში, საარბიტრაჟო ტრიბუნალში, ადმინისტრაციულ ორგანოებსა და მესამე პირებთან ურთიერთობაში;
• ასრულებს უშუალო ხელმძღვანელის მითითებებსა და მართლზომიერ დავალებებს.

საკვალიფიკაციო მოთხოვნები:

• განათლება: უმაღლესი იურიდიული განათლება (მაგისტრი ან მასთან გათანაბრებული აკადემიური ხარისხი სასურველია);
• სამუშაო გამოცდილება: მსგავს პოზიციაზე მუშაობის მინიმუმ 3-წლიანი გამოცდილება, საიდანაც სულ მცირე 1 წელი უნდა მოიცავდეს მენეჯერულ (ხელმძღვანელ) პოზიციაზე მუშაობას;

პრიორიტეტები:

• სასურველია საჯარო სექტორში მუშაობის გამოცდილება;
• სასურველია კლინიკაში ან სამედიცინო სფეროში მუშაობის გამოცდილება;
• პროფესიული ცოდნა: საქართველოს კანონმდებლობის (სამოქალაქო, ადმინისტრაციული, შრომის და ჯანდაცვის სფეროს მარეგულირებელი კანონმდებლობის) ღრმა ცოდნა;
• კომპიუტერული უნარები: MS Office პროგრამების (Word, Excel, PowerPoint) სრულყოფილად ცოდნა.

პიროვნული თვისებები:

• კრიტიკული აზროვნების უნარი;
• ანალიზის უნარი;
• დამოუკიდებლად გადაწყვეტილებების მიღების უნარი;
• პასუხისმგებლობის მაღალი გრძნობა;
• დეტალებზე ორიენტირებულობა;
• კომპეტენტურობა;
• გუნდური მუშაობის უნარი.

დაინტერესებულმა პირებმა, გთხოვთ, გამოაგზავნოთ თქვენი CV შემდეგ ელექტრონულ მისამართზე: hr@respublikuri.ge

სათაურის ველში, გთხოვთ, აუცილებლად მიუთითოთ პოზიციის დასახელება.

აღნიშნულ ვაკანსიაზე მონაცემების გაგზავნით ადასტურებთ, რომ თანახმა ხართ, შპს „აკად. ნ. ყიფშიძის სახელობის ცენტრალური საუნივერსიტეტო კლინიკამ“ მონაცემთა დაცვის საერთაშორისო სტანდარტებისა და საქართველოს მოქმედი კანონმდებლობის შესაბამისად შეაგროვოს, დაამუშაოს და შეინახოს წარდგენილი ინფორმაცია (CV) თქვენი დასაქმებისთვის საჭირო პროცედურების წარმართვის მიზნით. პერსონალური მონაცემები გამოყენებული იქნება მხოლოდ აღნიშნული მიზნისთვის და თქვენი თანხმობის გარეშე არ გადაეცემა მესამე პირს.

ვაკნასიაზე CV-ების მიღების ბოლო თარიღია 2026 წლის 01 ოქტომბერი