ინჟინერ-მხაზველი

"ჯორჯიან უოთერ ენდ ფაუერი" წამყვანი კომპანიაა საქართველოს წყალმომარაგების ბაზარზე, რომლის მიზანია თბილისისა და მისი შემოგარენის ხარისხიანი, უსაფრთხო და საიმედო წყალმომარაგებით უზრუნველყოფა. GWP 2022 წლიდან ესპანური ჰოლდინგის Aqualia-ს წევრი ორგანიზაციაა. Aqualia წყალმომარაგების დარგში ერთ-ერთი მოწინავე კომპანიაა, რომელიც 19 ქვეყანაში ოპერირებს.

ვეძებთ გუნდის ახალ წევრს ახალი მიერთებების საპროექტო სამსახურში ინჟინერ-მხაზველის (AutoCAD) პოზიციაზე.

ვაკანსია განკუთვნილია როგორც გამოცდილ მხაზველებისთვის, ისე სამშენებლო მიმართულების კურსდამთავრებულებისთვის, რომლებიც დაინტერესებულნი არიან პროფესიული განვითარების შესაძლებლობით და სურთ გამოცდილების მიღება წყალმომარაგებისა და წყალარინების ქსელების პროექტირების მიმართულებით.

სამუშაო ადგილი: ქ. თბილისი, მედე (მზია) ჯუღელის #10

სამუშაო გრაფიკი: ორშაბათი-პარასკევი / 09:00 -18:00 სთ

ძირითადი მოვალეობები:

• წყალმომარაგებისა და წყალარინების ქსელებზე მიერთების ნახაზების (გეგმა, გრძივი პროფილი, დეტალები) შესრულება AutoCAD-ში;
• ნახაზების მომზადება ტოპოგრაფიული აგეგმვისა და ადგილზე მოკვლევის მონაცემების საფუძველზე;
• ნახაზების გაფორმება კომპანიის შიდა სტანდარტებისა და მოქმედი ნორმების შესაბამისად;
• ნახაზებში შესწორებების შეტანა პროექტის ხელმძღვანელი ინჟინრის შენიშვნების მიხედვით;
• ადგილზე მოკვლევით სამუშაოებში მონაწილეობა.

საკვალიფიკაციო მოთხოვნები:

• ბაკალავრის ხარისხი სამშენებლო ან საინჟინრო მიმართულებით;
• სამუშაო გამოცდილება სასურველია, თუმცა სავალდებულო არ არის – განიხილება კურსდამთავრებულებიც;
• AutoCAD-ის კარგად ცოდნა;
• სამშენებლო ნახაზების წაკითხვისა და გაფორმების უნარი;
• MS Office-ის საბაზისო ცოდნა;
• ინგლისური ენის ცოდნა უპირატესობად ჩაითვლება.