ინვენტარიზაციის სპეციალისტი

21-09-2026 - 22-10-2026

სამუშაო განაკვეთი: სრული

„დრესაპ ჯგუფი“ 32 წელია მოღვაწეობს საქართველოს ბაზარზე და ექსკლუზიურად წარმოადგენს ტანსაცმლისა და ფეხსაცმლის მსოფლიოში აღიარებულ ბრენდებს: Levi’s, Lacoste, CK, Tommy Hilfiger, Tommy Jeans, Gant, Samsonite, Guess, Lee, Wrangler, Jack & Jones, Mavi, Etam, Converse, Vans, Adidas და სხვა.

კომპანია წარმოდგენილია 90-ზე მეტი მაღაზიით თბილისში, რუსთავში, ბათუმსა და ზუგდიდში. ასევე, ონლაინ მაღაზიით - Dressup.ge.

„დრესაპ ჯგუფი“ აცხადებს ვაკანსიას ინვენტარიზაციის სპეციალისტის პოზიციაზე ქ. თბილისში:

სამუშაო პირობები:

• სამუშაო გრაფიკი: დღეში 8 საათი, კვირაში 5 სამუშაო დღე (საჭიროებიდან გამომდინარე, არანორმირებული განრიგით მუშაობა);
• სამუშაო ადგილი: თბილისის სხვადასხვა ლოკაციაზე მდებარე კომპანიის მაღაზიები.

✨ რატომ Dressup?

ჩვენთვის მნიშვნელოვანია, რომ სამსახურში თავს დაფასებულად და კომფორტულად გრძნობდე, ამიტომ გთავაზობთ:

• კორპორატიულ ფასდაკლებას Dressup-ის მაღაზიებში;
• საიუბილეო და საქორწინო შვებულებას;
• საჩუქარს შვილის დაბადების შემთხვევაში;
• კარიერული განვითარებისა და დაწინაურების რეალურ შესაძლებლობას;
• ჯანმრთელობის დაზღვევას;
• FitPass-ის მომსახურებაზე განსაკუთრებულ პირობებს.

ამ პოზიციაზე შენი მოვალეობები იქნება:

• მაღაზიათა ქსელში/საწყობში არსებული მარაგების აღწერა და შედარება კომპანიის მიერ შემუშავებული სტანდარტების შესაბამისად;
• არსებული სასაქონლო ნაშთების პროგრამული და ფიზიკური მონიტორინგი;
• ინვენტარიზაციის პროცესის დაგეგმვა, ორგანიზება, წარმართვა, რეპორტის მომზადება.

შენგან კი დაგვჭირდება:

• ინვენტარიზაციის მიმართულების მუშაობის გამოცდილება (სასურველია საცალო გაყიდვების სფეროში);
• აუცილებელია Excel-ის საშუალო დონეზე ცოდნა (საბაზისო ფუნქციები: vlookup, sumifs, countifs, index, match, if, concatenate, ფილტრი, ბაზის დალაგება);
• დეტალებზე ორიენტირებულობა;
• ორგანიზებულობა;
• პასუხისმგებლობის მაღალი გრძნობა.

კანდიდატთა შერჩევა

გთხოვთ, დაინტერესების შემთხვევაში თქვენი CV/რეზიუმე ატვირთეთ 2026 წლის 20 ოქტომბრის ჩათვლით.

დაკავშირება მოხდება მხოლოდ შერჩეულ კანდიდატებთან.

გისურვებთ წარმატებას!