„ინკლუზიური განათლების ხელშეწყობის“ პროგრამის სპეციალური მასწავლებელი

პოზიციის დასახელება:

„ინკლუზიური განათლების ხელშეწყობის“ პროგრამის სპეციალური მასწავლებელი

კონკურსის ტიპი:

სხვა

ორგანიზაცია:

სსიპ - მასწავლებელთა პროფესიული განვითარების ეროვნული ცენტრი

ორგანიზაციის შესახებ:

„ინკლუზიური განათლების ხელშეწყობის“ პროგრამის სპეციალური მასწავლებლის შერჩევის მიზანია მაღალმთიან და ბარის შორეულ სოფლებში მდებარე იმ საჯარო სკოლებში კვალიფიციური კადრების მოზიდვის გზით დეფიციტის შევსება განსაზღვრული დროით, სადაც სწავლობენ სპეციალური საგანმანათლებლო საჭიროების მქონე (სსსმ) მოსწავლეები, რათა მათ თანატოლებთან ერთად ხარისხიანი განათლების მიღების თანაბარი შესაძლებლობა ჰქონდეთ.

კატეგორია:

განათლება/სწავლება

განცხადების ბოლო ვადა:

22.10.2026

თანამდებობრივი სარგო:

1250 ლარი

ადგილების რაოდენობა:

15

ფუნქციები:

შერჩეულ საჯარო სკოლაში

• სპეციალური მასწავლებლის პროფესიული სტანდარტით გათვალისწინებული პროფესიული ვალდებულებების შესრულება.

ცენტრში:

• ყოველი სემესტრის დასაწყისში პროგრამის სპეციალური მასწავლებლის სამოქმედო გეგმის შემუშავება და წარდგენა;
• ყოველი თვის ბოლოს, დამსაქმებლის მიერ განსაზღვრული ვადის, წესისა და ფორმის შესაბამისად, შესრულებული სამუშაოს შესახებ ანგარიშის წარდგენა;
• ყოველი სემესტრის ბოლოს, პროგრამის „ინკლუზიური განათლების ხელშეწყობის“ მენეჯერისთვის შესრულებული სამუშაოს შესახებ სემესტრული ანგარიშის წარდგენა;
• ცენტრის მიერ ორგანიზებულ პროფესიული განვითარების აქტივობებში მონაწილეობა.

საკონკურსო თემატიკა:

• იცნობდეს კანონს ზოგადი განათლების შესახებ;
• იცნობდეს ეროვნულ სასწავლო გეგმას;
• იცნობდეს საქართველოს განათლებისა და მეცნიერების მინისტრის N16/ნ ბრძანებას - „ინკლუზიური განათლების დანერგვის, განვითარებისა და მონიტორინგის წესების, აგრეთვე სპეციალური საგანმანათლებლო საჭიროების მქონე მოსწავლეთა იდენტიფიკაციის მექანიზმის დამტკიცების თაობაზე”.

საკონკურსო კომისიის მისამართი:

ქ. თბილისი, ზურაბ ანჯაფარიძის I შესახვევი N6

საკონტაქტო ტელეფონები:

0322 200 220 49-06 (მობ: 595 51 71 06)

საკონტაქტო პირი:

ხატია პირველი

დამატებითი მოთხოვნები:

სავალდებულოა პროგრამის სპეციალური მასწავლებლის პოზიციაზე დასაქმების მსურველი პირები უნდა აკმაყოფილებდნენ ერთ-ერთ შემდეგ მოთხოვნას:

• უნდა ჰქონდეთ მასწავლებლის მომზადების ინტეგრირებული საბაკალავრო-სამაგისტრო საგანმანათლებლო პროგრამის ან მაგისტრატურის საგანმანათლებლო პროგრამის დასრულების შედეგად მინიჭებული განათლების მაგისტრის ან მასთან გათანაბრებული აკადემიური ხარისხი (ზოგადი განათლების შესაბამისი საფეხურის საგნის/საგნების სწავლების უფლების მითითებით) და ჩაბარებული უნდა ჰქონდეთ საქართველოს კანონმდებლობით განსაზღვრული სპეციალური მასწავლებლის გამოცდა ან მოპოვებული უნდა ჰქონდეთ სპეციალური მასწავლებლის მომზადების სერტიფიკატი;
• უნდა ჰქონდეთ მასწავლებლის მომზადების ინტეგრირებული საბაკალავრო-სამაგისტრო საგანმანათლებლო პროგრამის დასრულების შედეგად მინიჭებული განათლების მაგისტრის ან მასთან გათანაბრებული აკადემიური ხარისხი და ამ პროგრამის ფარგლებში გავლილი უნდა ჰქონდეთ სპეციალური მასწავლებლის მომზადების მოდული;
• უნდა ჰქონდეთ სპეციალური განათლების ან განათლების მეცნიერებების (ნაშრომი უნდა ეხებოდეს ინკლუზიურ განათლებას) დოქტორის აკადემიური ხარისხი;
• უნდა ჰქონდეთ სულ მცირე ბაკალავრის ან მასთან გათანაბრებული აკადემიური ხარისხი და გავლილი უნდა ჰქონდეთ სპეციალური განათლების სამაგისტრო პროგრამა ან მოპოვებული უნდა ჰქონდეთ სპეციალური მასწავლებლის მომზადების სერტიფიკატი;
• უნდა ჰქონდეთ მასწავლებლობის უფლება უმაღლესი განათლების დამადასტურებელი დოკუმენტის მიხედვით ან ჰქონდეთ სულ მცირე ფსიქოლოგიის ბაკალავრის ან ოკუპაციური თერაპევტის აკადემიური ხარისხი და ჩაბარებული უნდა ჰქონდეთ საქართველოს კანონმდებლობით განსაზღვრული სპეციალური მასწავლებლის გამოცდა ან მოპოვებული უნდა ჰქონდეთ სპეციალური მასწავლებლის მომზადების სერტიფიკატი;
• ჩაბარებული უნდა ჰქონდეთ საქართველოს კანონმდებლობით განსაზღვრული სპეციალური მასწავლებლის გამოცდა და უნდა ჰქონდეთ მასწავლებლობის უფლება მასწავლებლის მომზადების საგანმანათლებლო პროგრამის დასრულების შედეგად მოპოვებული მასწავლებლის მომზადების სერტიფიკატის მიხედვით;
• ჩაბარებული უნდა ჰქონდეთ საქართველოს კანონმდებლობით განსაზღვრული სპეციალური მასწავლებლის გამოცდა და უნდა აკმაყოფილებდნენ საქართველოს კანონის „ზოგადი განათლების შესახებ“ 21³ მუხლის პირველი პუნქტით განსაზღვრულ ერთ-ერთ მოთხოვნას.

ენების ცოდნა:

• ქართული ენის გამართული ცოდნა;
• გამართული ზეპირი და წერითი კომუნიკაცია;
• წაკითხულისა და მოსმენილის გააზრება.

ცოდნა/კომპეტენცია:

• უნივერსალური სასწავლო დიზაინის ცოდნა და გამოყენების უნარი;
• ეროვნული სასწავლო გეგმის საფუძვლების ცოდნა;
• ფორმალური და არაფორმალური აქტივობების დაგეგმვისა და განხორციელების გამოცდილება;
• გუნდური მუშაობის, კომუნიკაციისა და ანალიტიკური უნარები;
• მოტივაცია, პასუხისმგებლობის გრძნობა და პუნქტუალურობა;
• კრიტიკულ და სტრესულ სიტუაციებში სწრაფი რეაგირების უნარი.

კომპიუტერული პროგრამები:

• Microsoft programs: Word, Excel, PowerPoint, Outlook, Teams;

სასურველი მოთხოვნები:

• სასურველია სპეციალურ მასწავლებლად მუშაობის გამოცდილება;
• სსსმ და შშმ პირებთან მუშაობის გამოცდილება.

დამატებითი ინფორმაცია:

სავალდებულოა კანდიდატმა დამატებითი ინფორმაციის ველში მიუთითოს ქვემოთ ჩამოთვლილთაგან სასურველი რეგიონი/რეგიონები.

კონკურსი ცხადდება შემდეგ რეგიონებში:

• სამეგრელო-ზემო სვანეთი
• იმერეთი
• გურია
• კახეთი
• მცხეთა-მთიანეთი
• აჭარა
• ქვემო ქართლი
• სამცხე-ჯავახეთი
• რაჭა-ლეჩხუმი და ქვემო სვანეთი

კონკურსში მონაწილე პირი ვალდებულია საკვალიფიკაციო მოთხოვნის შესაბამისად ატვირთოს:

• განათლების დამადასტურებელი დოკუმენტი - დიპლომი;
• სპეციალური მასწავლებლის გამოცდის ჩაბარების დამადასტურებელი ცნობა;
• სპეციალური მასწავლებლის ან მასწავლებლის მომზადების საგანმანათლებლო პროგრამის დასრულების შემდეგ მინიჭებული შესაბამისი სერტიფიკატი.

უცხოენოვანი დიპლომის შემთხვევაში კანდიდატმა უნდა ატვირთოს დიპლომის ნოტარიულად დამოწმებული თარგმანი.

არასრულად წარმოდგენილი რეზიუმეს შემთხვევაში კანდიდატი ვერ გადავა კონკურსის მომდევნო ეტაპზე.

კონკურსის შედეგად შერჩეული პროგრამის მასწავლებელი მხარეთა შეთანხმებით დაზუსტებულ საჯარო სკოლაში დასაქმდება და თანამდებობრივ სარგოსთან ერთად დამატებით მიიღებს სპეციალური მასწავლებლისთვის განსაზღვრულ შრომის ანაზღაურებას „საჯარო სკოლების მასწავლებელთა შრომის ანაზღაურების მინიმალური ოდენობისა და პირობების დადგენის თაობაზე“ საქართველოს განათლების, მეცნიერებისა და ახალგაზრდობის მინისტრის 2024 წლის 19 ივნისის N108/ნ ბრძანებით განსაზღვრული წესითა და ოდენობით.

განაცხადის გამოგზავნით კანდიდატი ადასტურებს, რომ იცნობს და ეთანხმება კონკურსის შესახებ შეტყობინებაში მოცემულ მოთხოვნებს, ფუნქციებსა და პირობებს. ასევე, ის თანახმაა, თავის განაცხადში მითითებული პერსონალური მონაცემები, „პერსონალურ მონაცემთა დაცვის შესახებ“ საქართველოს კანონის მოთხოვნათა შესაბამისად, დამუშავდეს „ინკლუზიური განათლების ხელშეწყობის“ პროგრამის სპეციალური მასწავლებლების შერჩევის მიზნით.

კონკურსი ჩატარდება 2 ეტაპად:

1. განაცხადების განხილვა;
2. გასაუბრება (დისტანციურად, Microsoft Teams-ის საშუალებით).

საჯარო სკოლაში სამუშაო გრაფიკი განისაზღვრება კონკრეტული საჯარო სკოლის მოთხოვნებისა და საჭიროებების მიხედვით.

გადაწყვეტილების მიღების ფორმა და ვადა:

საკონკურსო კომისია საბოლოო გადაწყვეტილებას იღებს ხმათა უმრავლესობით, განაცხადების წარდგენის ვადის დასრულებიდან არაუგვიანეს 3 თვის ვადა.