ინფორმაციული უსაფრთხოების მენეჯერი

პოზიციის დასახელება:

ინფორმაციული უსაფრთხოების მენეჯერი

კონკურსის ტიპი:

გამარტივებული კონკურსი

ორგანიზაცია:

საქართველოს გარემოს დაცვისა და სოფლის მეურნეობის სამინისტრო

ორგანიზაციის შესახებ:

საქართველოს გარემოს დაცვისა და სოფლის მეურნეობის სამინისტროსთვის პრიორიტეტია ვაკანტურ თანამდებობებზე, ერთი მხრივ, პროფესიონალი, კვალიფიციური კადრების და, მეორე მხრივ, მოტივირებული და განვითარებაზე ორიენტირებული ახალგაზრდების მოზიდვა და დასაქმება.

სამინიტრო თანამშრომლებს სთავაზობს გუნდურ სამუშაო გარემოს, პროფესიული განვითარებისა და კარიერული ზრდის შესაძლებლობებს.

საქართველოს გარემოს დაცვისა და სოფლის მეურნეობის სამინისტროს ორგანიზაციული კულტურის ნაწილს წარმოადგენს გენდერული თანასწორობის, გუნდური მუშაობის, კეთილსინდისიერების, სექსუალური შევიწროების დაუშვებლობის პრინციპებსა და ღირებულებებზე დაფუძნებული ეთიკური, კოლეგიალური, მრავალფეროვანი და სპეციალური საჭიროებების მქონე თანამშრომლებზე მორგებული სამუშაო გარემო.

კატეგორია:

ინფორმაციული უსაფრთხოება

განცხადების ბოლო ვადა:

18.10.2026

თანამდებობრივი სარგო:

7500 ლარი

ადგილების რაოდენობა:

1

სამსახურის ადგილმდებარეობა:

თბილისი

სამუშაოს ტიპი:

სრული განაკვეთი

ფუნქციები:

ა) ინფორმაციული უსაფრთხოების პოლიტიკის მოთხოვნების შესრულების ყოველდღიური მონიტორინგი;

ბ) ინფორმაციული აქტივებისა და მათი წვდომის აღწერა;

გ)ინფორმაციული უსაფრთხოების პოლიტიკის შინაუწყებრივი დოკუმენტაციის მომზადება, ინფორმაციული უსაფრთხოების მართვის სისტემის დოკუმენტაციის (პოლიტიკები, ინსტრუქციები, სახელმძღვანელოები და ა.შ) პროექტების მომზადების, დამტკიცების და გადახედვის პროცესების კოორდინაცია;

დ) ინფორმაციული უსაფრთხოების ინციდენტების შესახებ ინფორმაციის შეგროვება და მათზე რეაგირების მონიტორინგი;

ე) ინფორმაციული უსაფრთხოების საკითხებზე ანგარიშგება და სხვა სახის ადმინისტრაციული/საორგანიზაციო საქმიანობა;

ვ) ინფორმაციული უსაფრთხოების ზოგადი და დარგობრივი ტრენინგების ორგანიზება და ჩატარება;

სამოქმედო გეგმის შედგენა და ამ გეგმის შესრულების ყოველწლიური ანგარიშის ამ „პირველი და მეორე კატეგორიების კრიტიკული ინფორმაციული სისტემების სუბიექტების ინფორმაციული უსაფრთხოების მენეჯერებისთვის მინიმალური სტანდარტების" მე-2 მუხლის მე-2 პუნქტით განსაზღვრული პირებისათვის და სსიპ - საქართველოს ოპერატიულ-ტექნიკური სააგენტოსთვის წარდგენა;

ზ) სხვა მოვალეობები, რომლებსაც განსაზღვრავს კრიტიკული ინფორმაციული სისტემის სუბიექტი.

სამუშაო გამოცდილება:

3 წელი

საკონკურსო კომისიის მისამართი:

ქ. თბილისი, მარშალ გელოვანის გამზ. N34

საკონტაქტო ტელეფონები:

2 37 80 10

დამატებითი მოთხოვნები:

- არანაკლებ სამწლიანი სამუშაო გამოცდილება ინფორმაციულ ტექნოლოგიებში, მენეჯმენტში ან პროექტების მართვაში;

- სავალდევულოა კანდიდატი ფლობდეს:

*სტანდარტიზაციის საერთაშორისო ორგანიზაციის (ISO),

*სტანდარტიზაციის ბრიტანული ინსტიტუტის (BSI),

*ინფორმაციული სისტემების აუდიტისა და კონტროლის ასოციაციის (ISACA),

*ინფორმაციული სისტემების უსაფრთხოების სერტიფიცირების საერთაშორისო კონსორციუმი (ISC) ან SANS (GIAC) Institute-ს მიერ გაცემულ მოქმედ სერტიფიკატს ინფორმაციული უსაფრთხოების დარგში;

- კანდიდატი უნდა აკმაყოფილებდეს საქართველოს სახელმწიფო უსაფრთხოების სამსახურის სსიპ - საქართველოს ოპერატიულ-ტექნიკური სააგენტოს უფროსის 2022 წლის 03 მაისის N12 ბრძანებით დამტკიცებული „პირველი და მეორე კატეგორიების კრიტიკული ინფორმაციული სისტემების სუბიექტების ინფორმაციული უსაფრთხოების მენეჯერებისთვის მინიმალური სტანდარტების“ მე-6 მუხლით განსაზღვრულ მოთხოვნებს.

დამატებითი ინფორმაცია:

- გამარტივებული კონკურსი ცხადდება საჯარო სამსახურში შრომითი ხელშეკრულებით, ინფორმაციული უსაფრთხოების მენეჯერის შესარჩევად.

- კონკურსში მონაწილეობის მისაღებად კანდიდატმა განაცხადი უნდა წარადგინოს ელექტრონული ფორმით;

- კონკურსანტმა შესაბამის გრაფაში უნდა ატვირთოს:

• სამუშაო გამოცდილების დამადასტურებელი დოკუმენტი (ორგანიზაციის, თანამდებობის, დანიშვნისა და გათავისუფლების თარიღების მითითებით);
• ინფორმაციული უსაფრთხოების მენეჯერისთვის სავალდებულო სერტიფიკატები;
• ინფორმაცია რეკომენდატორ(ებ)ის შესახებ;

- კონკურსის შემდეგ ეტაპზე დაიშვებიან კანდიდატები, რომლებიც დააკმაყოფილებენ საკვალიფიკაციო მოთხოვნებს, აპლიკაციაში მითითებულ სავალდებულო ველებს შეავსებენ სრულყოფილად და მოთხოვნილ დოკუმენტებს წარმოადგენენ სრულად;

- გასაუბრების ჩატარების ადგილისა და დროის შესახებ კანდიდატების ინფორმირება მოხდება აპლიკაციაში მითითებული ელექტრონული ფოსტის ან/და სატელეფონო შეტყობინების მეშვეობით;

- კანდიდატის თანხმობის შემთხვევაში, გასაუბრებაზე შესაძლებელია განხორციელდეს გასაუბრების ვიდეო ან/და აუდიო ჩაწერა.

აღნიშნულ ვაკანსიასთან დაკავშირებით კითხვების არსებობის შემთხვევაში, შეგიძლიათ მოგვწეროთ შემდეგ ელექტრონულ მისამართზე: HR@mepa.gov.ge

მოცემულ კონკურსზე რეზიუმეს გამოგზავნით კანდიდატი ადასტურებს, რომ იცნობს და ეთანხმება ვაკანსიის განაცხადში მოცემულ ფუნქციებსა და პირობებს. ასევე, ის თანახმაა, მის რეზიუმეში მოცემული პერსონალური მონაცემები, „პერსონალურ მონაცემთა დაცვის შესახებ" საქართველოს კანონის მოთხოვნათა შესაბამისად, დამუშავდეს, სამინისტროს სისტემის მასშტაბით, კონკურსის მიზნებისთვის.

გადაწყვეტილების მიღების ფორმა და ვადა:

გადაწყვეტილება მიიღება საქართველოს გარემოს დაცვისა და სოფლის მეურნეობის სამინისტროს უფლებამოსილი პირის მიერ.