Henkel-ის პრისელერი

სამშენებლო-სარემონტო მასალების ჰიპერმარკეტების ქსელი "გორგია" აცხადებს ვაკანსიას Henkel-ის პრისელერის პოზიციაზე, თბილისში.

მე, გიორგი რევიშვილი, დისტრიბუციის ხელმძღვანელი, ვმუშაობ გორგიაში 2019 წლიდან, ვაცხადებ ვაკანსიას პრისელერის პოზიციაზე. შერჩეულ კანდიდატს გამოსაცდელ პერიოდში შევასწავლი ბაზრის ანალიზის ჩატარებას, სპეციფიკაციებსა და მისი გამოყენების ძირითად პრინციპებს. შევასწავლით გაყიდვების ტექნიკებს და ჩვენს მიერ იმპორტირებულ პროდუქციაზე მიიღებს ინფორმაციას. დავეხმარები განავითაროს შემდეგი უნარები: სწორი რეპორტინგისა და ანალიზის უნარი, პროგნოზების გაკეთება გაყიდვების მიმართულებით.

კომპანია "გორგია" საერთაშორისო სავაჭრო ურთიერთობებს ახორციელებს 1998 წლიდან. "გორგია" პირველი ქართული კომპანიაა, რომელიც უკვე ევროკავშირში საცალო ვაჭრობით არის წარმოდგენილი. გორგია მომხმარებლებს 4 000-ზე მეტი დასახელების საერთაშორისო ბრენდს და 100 000-ზე მეტი დასახელების სამშენებლო-სარემონტო, საყოფაცხოვრებო პროდუქციას სთავაზობს.

დღესდღეობით კომპანია აერთიანებს 3000-მდე თანამშრომელს, კომპანიის მთავარი ღირებულებებია: მუდმივი განვითარება; წარმატების გაზიარება; ჩვენ არასოდეს ვამბობთ "არ" ან "ვერ", შეუძლებელი არაფერია. კომპანიისთვის მთავარი მიზანია ხარისხიანი პროდუქცია შესთავაზოს მომხმარებელს და კონკურენტული იყოს დაბალი ფასის შეთავაზებით.

"გორგია" წარმოდგენილია 14 ფილიალით, როგორც საქართველოში ყველა დიდ ქალაქში, ასევე ევროკავშირის წევრ ქვეყანაში, კერძოდ ბულგარეთში. კომპანიას ჰყავს გამოცდილი და კვალიფიციური გუნდი, რომელიც უზრუნველყოფს შესყიდვებისა და გაყიდვების საერთაშორისო ტექნოლოგიების ცოდნის გაზიარებას.

კომპანიაში დაგხვდებათ სტაბილური, მუდმივ განვითარებაზე ორიენტირებული ინოვაციური და დინამიკური სამუშაო გარემო.

ჩვენ გთავაზობთ:

• პროფესიული და კარიერული განვითარების რეალურ შესაძლებლობას;
• სტაბილურ და მეგობრულ სამუშაო გარემოს;
• ჯანმრთელობის დაზღვევის პაკეტს;
• თანამშრომლისთვის განკუთვნილ ფასდაკლებას;
• კვებას;
• Fitpass-ით სარგებლობის შესაძლებლობას.

ძირითადი ფუნქცია-მოვალეობები:

• სავაჭრო ობიექტებთან მოლაპარაკებების წარმოება;
• სავაჭრო ობიექტებში შეკვეთების გაფორმება;
• სავაჭრო ობიექტებში პროდუქციის ნაშთების, ასორტიმენტის ოპერატიული ანალიზი, კონტროლი და მის გაფართოებაზე ზრუნვა;
• სავაჭრო ობიექტებში პროდუქციის წარმოდგენის სტანდარტების კონტროლი;
• კონკურენტი ბრენდების ანალიზი და ფასების კონტროლი;
• დღის სამუშაო გეგმის მიხედვით ყოველდღიური/ყოველკვირეული რეპორტის მომზადება ხელმძღვანელისთვის.

ძირითადი საკვალიფიკაციო მოთხოვნები:

• სრული ზოგადი განათლება;
• დისტრიბუციაში ან/და გაყიდვების მიმართულებით მუშაობის მინიმუმ 1 წლიანი გამოცდილება;
• აუცილებელია B კატეგორიის მართვის მოწმობა და პირადი ავტომობილი;
• აუცილებელია უძრავი ქონებრივი უზრუნველყოფა.

პიროვნული თვისებები:

• პასუხისმგებლობის მაღალი გრძნობა;
• კომუნიკაციისა და პრეზენტაციის უნარი;
• შრომისმოყვარე;
• პუნქტუალური.

გისურვებთ წარმატებებს!