გეოლოგიის დეპარტამენტის ჰიდროგეოლოგიური მონიტორინგისა და ტექნიკური უზრუნველყოფის სამმართველოს I კატეგორიის უფროსი სპეციალისტი

პოზიციის დასახელება:

გეოლოგიის დეპარტამენტის ჰიდროგეოლოგიური მონიტორინგისა და ტექნიკური უზრუნველყოფის სამმართველოს I კატეგორიის უფროსი სპეციალისტი

კონკურსის ტიპი:

ღია კონკურსი

ორგანიზაცია:

სსიპ გარემოს ეროვნული სააგენტო

ორგანიზაციის შესახებ:

სსიპ გარემოს ეროვნული სააგენტო არის საქართველოს გარემოს დაცვისა და სოფლის მეურნეობის სამინისტროს სისტემაში შემავალი საჯარო სამართლის იურიდიული პირი, რომელიც სააგენტოს სახით 2008 წლის 1 სექტემბერს შეიქმნა.

სააგენტოსთვის პრიორიტეტია ვაკანტურ თანამდებობებზე მაღალკვალიფიციური, მოტივირებული და განვითარებაზე ორიენტირებული კანდიდატების მოზიდვა და მათი დასაქმება.

შერჩევის პროცესში მონაწილე ყველა კანდიდატი თანასწორია, განურჩევლად რასის, კანის ფერის, სქესის, ენის, რელიგიის, პოლიტიკური და სხვა სახის შეხედულებების, ეროვნული თუ სოციალური წარმომავლობის, ქონებრივი, წოდებრივი თუ სხვა მდგომარეობისა.

მოხარულები ვართ, რომ ჩვენს სააგენტოზე შეაჩერეთ არჩევანი. მალე აღმოაჩენთ, რომ ეს ძალიან საინტერესო და ძლიერი ორგანიზაციაა კარიერის დასაწყებად თუ გასაგრძელებლად, მრავალფეროვანი შესაძლებლობებითა და ნიჭიერი, თავდადებული თანამშრომლებით.

კატეგორია:

გეოლოგია

განცხადების ბოლო ვადა:

09.11.2026

თანამდებობრივი სარგო:

2080 ლარი

ადგილების რაოდენობა:

1

სამსახურის ადგილმდებარეობა:

თბილისი

სამუშაოს ტიპი:

სრული განაკვეთი

გამოსაცდელი ვადა:

6 თვე

ფუნქციები:

 ჰიდროგეოლოგიური მონიტორინგის ქსელის ავტომატური სადგურების გამართული ფუნქციონირების / ტექნიკური უზრუნველყოფის მიზნით, საველე სამუშაოების განხორციელება და მასალების დოკუმენტირება;

 ავტომატური სადგურებიდან მიღებული მონაცემების დისტანციური მონიტორინგის საფუძველზე, მონაცემთა უწყვეტი მონიტორინგის წარმოებისთვის შესაბამისი სამუშაოების დაგეგმვასა და განხორციელებაში მონაწილეობა;

 საველე ჰიდროგეოლოგიური პორტატული აპარატურის გამართული ფუნქციონირებისთვის საჭირო სამუშაოების განხორციელება და შესაბამისი დოკუმენტირება;

 ავტომატური ("ონლაინ") მონიტორინგის საოფისე პირობებში განხორციელება;

 ყოველწლიური საინფორმაციო ბიულეტენების შედგენაში მონაწილეობა;

 მონიტორინგის ქსელის გაფართოების მიზნით, საველე სამუშაოებში მონაწილეობა;

 კომპეტენციის ფარგლებში, დეპარტამენტში შემოსული კორესპონდენციების განხილვა და პასუხების/წინადადებების მომზადება;

 კომპეტენციის ფარგლებში ხელმძღვანელობის დავალებით სხვა მიმდინარე საქმიანობის შესრულება.

მინიმალური განათლება:

ბაკალავრი

საკონკურსო თემატიკა:

• საქართველოს კანონი „გარემოს დაცვის შესახებ”;
• საქართველოს კანონი „წყლის რესურსების მართვის შესახებ“;
• საჯარო სამართლის იურიდიული პირის – „გარემოს ეროვნული სააგენტოს დებულების დამტკიცების თაობაზე“ საქართველოს გარემოს დაცვისა და სოფლის მეურნეობის მინისტრის 2023 წლის 29 დეკემბრის №2-978 ბრძანება.

საკონკურსო კომისიის მისამართი:

ქ.თბილისი, დავით აღმაშენებლის გამზ.N150

საკონტაქტო ტელეფონები:

598995353

საკონტაქტო პირი:

მარიამი ჯანჯღავა

დამატებითი მოთხოვნები:

აუცილებელია:

განათლების სფერო: პროგრამული ინჟინერია, ელექტრული და ელექტრონული ინჟინერია, ელექტრონიკა და ავტომატიზაცია, გამოყენებითი ფიზიკა, გეოლოგია, ინფორმატიკისა და მართვის სისტემები.

სასურველია:

ინგლისური ენის ცოდნა B1 დონეზე;

სპეციალობით მუშაობის არანაკლებ 1-წლიანი გამოცდილება;

გარემოზე დაკვირვების დისტანციურ სისტემებთან მუშაობის გამოცდილება;

გაზომვის საშუალებების ტიპების, დამოწმებისა და მეტროლოგიური მახასიათებლების ცოდნა.

კომპეტენციები და უნარები:

 შრომისმოყვარეობა;

 მაღალი პასუხისმგებლობის გრძნობა;

 გუნდური მუშაობის უნარი;

 მიზანდასახულობა;

 კომუნიკაბელურობა;

 დატვირთული რეჟიმით მუშაობის უნარი და გამოცდილება;

 ანალიტიკური აზროვნების უნარი;

 გადაწყვეტილების სწრაფად მიღების უნარი;

 დეტალებზე კონცენტრირების უნარი;

 ორგანიზებულობა.

დამატებითი ინფორმაცია:

საქართველოს მთავრობის ადმინისტრაციის მიერ ადმინისტრირებულ ვებ-გვერდზე „ჩემი რეზიუმე"-ს შესაბამის ბლოკში კანდიდატმა აუცილებლად უნდა ატვირთოს:

• უმაღლესი განათლების დამადასტურებელი დოკუმენტი, ხოლო უცხოეთში მიღებული განათლების შემთხვევაში სსიპ "განათლების ხარისხის განვითარების ეროვნული ცენტრის" მიერ გაცემული დოკუმენტი განათლების აღიარების შესახებ;
• დოკუმენტაცია წარმოდგენილი უნდა იქნეს სახელმწიფო ენაზე, უცხოენოვანი დოკუმენტის შემთხვევაში საჭიროა ნოტარიულად დამოწმებული თარგმანის წარმოდგენა (დოკუმენტაციის არასრულყოფილად წარმოდგენის შემთხვევაში, კანდიდატი კონკურსის მეორე ეტაპზე არ დაიშვება);

•კანდიდატი, რომლის მონაცემებიც არ შეესაბამება დადგენილ მოთხოვნებს, მათ შორის სავალდებულოდ ასატვირთი დოკუმენტების ან/და ინფორმაციის არასრულყოფილად წარდგენის შემთხვევაში, ვერ გადავა კონკურსის შემდეგ ეტაპზე;

• კანდიდატები ფასდებიან კენჭისყრის საფუძველზე, ხმათა უმრავლესობით;
• კანდიდატთან დაკავშირება მოხდება ვებ-გვერდის (vacancy.hr.gov.ge) მეშვეობით მის მიერ განაცხადში მითითებული ელექტრონული ფოსტის საშუალებით;
• გარემოს ეროვნული სააგენტოს საქმიანობის შესახებ დეტალური ინფორმაციისათვის ეწვიეთ ვებ-გვერდს: https:/nea.gov.ge/;
• მოცემულ კონკურსზე რეზიუმეს გამოგზავნით კანდიდატი ადასტურებს, რომ იცნობს და ეთანხმება ვაკანსიის განაცხადში მოცემულ ფუნქციებსა და პირობებს. ასევე, ის თანახმაა, მის რეზიუმეში მოცემული პერსონალური მონაცემები, „პერსონალურ მონაცემთა დაცვის შესახებ" საქართველოს კანონის მოთხოვნათა შესაბამისად, დამუშავდეს, სააგენტოს სისტემის მასშტაბით, კონკურსის მიზნებისთვის.

გადაწყვეტილების მიღების ფორმა და ვადა:

საკონკურსო კომისია საბოლოო გადაწყვეტილებას მიიღებს კენჭისყრის საფუძველზე, ხმათა უმრავლესობით, განაცხადების წარდგენის ვადის დასრულებიდან არა უგვიანეს 3 თვის ვადაში.