განათლების, კულტურისა და სპორტის სამსახურის მეორადი სტრუქტურული ერთეულის ახალგაზრდობის და სპორტის განყოფილების უფროსი

თანამდებობის დასახელება:

მეორე რანგი - საჯარო დაწესებულების მეორადი სტრუქტურული ერთეულის ხელმძღვანელი

პოზიციის დასახელება:

განათლების, კულტურისა და სპორტის სამსახურის მეორადი სტრუქტურული ერთეულის ახალგაზრდობის და სპორტის განყოფილების უფროსი

კონკურსის ტიპი:

დახურული კონკურსი

ორგანიზაცია:

სიღნაღის მუნიციპალიტეტის მერია

კატეგორია:

სპორტი/ახალგაზრდულ საქმეთა საკითხები

განცხადების ბოლო ვადა:

12.10.2026

თანამდებობრივი სარგო:

2560 ლარი

ადგილების რაოდენობა:

1

სამსახურის ადგილმდებარეობა:

სიღნაღი

სამუშაოს ტიპი:

სრული განაკვეთი

ფუნქციები:

1. ხელმძღვანელობს ახალგაზრდობისა და სპორტის განყოფილების საქმიანობას, ორგანიზებას უწევს მის მუშაობას და პასუხისმგებელია განყოფილებისათვის დაკისრებული ამოცანებისა და ფუნქციების ჯეროვან, დროულ და ეფექტიან შესრულებაზე;
2. ახორციელებს განყოფილების პროფესიულ საჯარო მოხელეთა საქმიანობის საერთო ხელმძღვანელობას, ანაწილებს მათ შორის ფუნქციებსა და დავალებებს და აკონტროლებს მათ შესრულებას;
3. უზრუნველყოფს განყოფილების წლიური და პერიოდული სამუშაო გეგმების შემუშავებას, განსაზღვრავს საქმიანობის პრიორიტეტულ მიმართულებებს და კოორდინაციას უწევს დამტკიცებული გეგმებით გათვალისწინებული ღონისძიებების განხორციელებას;
4. ორგანიზებას უწევს მუნიციპალიტეტში სპორტის განვითარების პრიორიტეტების განსაზღვრას და შესაბამისი მუნიციპალური პროგრამების, პროექტებისა და ღონისძიებების შემუშავებას;
5. უზრუნველყოფს სპორტის მუნიციპალური პროგრამების მომზადებას, მათი განხორციელების კოორდინაციას, მიმდინარეობის მონიტორინგსა და შედეგების შეფასებას;
6. თავისი კომპეტენციის ფარგლებში ხელს უწყობს მუნიციპალიტეტის მიერ დაფუძნებული სპორტული დაწესებულებების გამართულ და ეფექტიან საქმიანობას;
7. შეისწავლის მუნიციპალიტეტში არსებული სპორტული ინფრასტრუქტურის მდგომარეობას, სპორტული დაწესებულებების საჭიროებებს და შესაბამის წინადადებებს წარუდგენს სამსახურის უფროსს;
8. მონაწილეობს სპორტული დაწესებულებების შექმნის, რეორგანიზაციისა და მათი საქმიანობის განვითარების საკითხებზე წინადადებების მომზადებაში;
9. ხელს უწყობს მასობრივი სპორტის განვითარებასა და მოსახლეობის, განსაკუთრებით ბავშვებისა და ახალგაზრდების, სპორტულ და ფიზიკურ აქტივობებში ჩართულობის ზრდას;
10. კოორდინაციას უწევს მუნიციპალიტეტის მასშტაბით სპორტული შეჯიბრებების, ტურნირების, ჩემპიონატების, სპორტული ფესტივალებისა და სხვა სპორტული ღონისძიებების დაგეგმვასა და განხორციელებას;
11. ხელს უწყობს წარმატებული სპორტსმენების, მწვრთნელებისა და სპორტის სფეროში მოღვაწე პირების გამოვლენას, წახალისებასა და მათი საქმიანობის პოპულარიზაციას მუნიციპალიტეტის კომპეტენციის ფარგლებში;
12. შეისწავლის მუნიციპალიტეტში მცხოვრები ახალგაზრდების საჭიროებებს, ინტერესებს, გამოწვევებსა და პრობლემებს და მიღებული ინფორმაციის საფუძველზე შეიმუშავებს შესაბამის წინადადებებსა და რეკომენდაციებს;
13. უზრუნველყოფს ადგილობრივ დონეზე ახალგაზრდული პოლიტიკის განვითარების ხელშეწყობის მიზნით მუნიციპალური პროგრამების, პროექტებისა და ინიციატივების მომზადებას;
14. ხელს უწყობს ახალგაზრდების საზოგადოებრივ, კულტურულ, საგანმანათლებლო, სპორტულ და მოხალისეობრივ საქმიანობაში ჩართულობასა და მათი ინიციატივების მხარდაჭერას;
15. ხელს უწყობს ახალგაზრდებისათვის თანაბარი შესაძლებლობების შექმნას და ახალგაზრდული საქმიანობის ხელმისაწვდომობის გაზრდას;
16. ორგანიზებასა და კოორდინაციას უწევს ახალგაზრდულ ღონისძიებებს, ფორუმებს, შეხვედრებს, ტრენინგებს, ბანაკებს, კონკურსებს, შემეცნებით და სხვა ახალგაზრდულ პროექტებს;
17. ხელს უწყობს ახალგაზრდების მონაწილეობას ადგილობრივი თვითმმართველობის საქმიანობასა და მუნიციპალიტეტში ახალგაზრდებთან დაკავშირებული საკითხების განხილვისა და გადაწყვეტილებების მომზადების პროცესში;
18. თავისი კომპეტენციის ფარგლებში თანამშრომლობს ახალგაზრდულ ორგანიზაციებთან, სპორტულ კლუბებთან, ფედერაციებთან, საგანმანათლებლო დაწესებულებებთან, არასამთავრობო ორგანიზაციებთან, სახელმწიფო უწყებებსა და სხვა დაინტერესებულ მხარეებთან;
19. კომპეტენციის ფარგლებში მონაწილეობს მუნიციპალიტეტის ბიუჯეტის პროექტის მომზადებაში სპორტისა და ახალგაზრდობის მიმართულებით, შეიმუშავებს შესაბამის საბიუჯეტო წინადადებებს და განსაზღვრავს პროგრამული ღონისძიებების საჭიროებებს;
20. უზრუნველყოფს სპორტისა და ახალგაზრდობის მიმართულებით დაგეგმილი პროგრამებისა და ღონისძიებების შესრულების შესახებ ინფორმაციის შეგროვებას, დამუშავებასა და ანალიზს;
21. შეიმუშავებს წინადადებებს ახალგაზრდობისა და სპორტის სფეროში მუნიციპალური პროგრამების ეფექტიანობის გაუმჯობესების, ახალი პროგრამებისა და პროექტების დანერგვის შესახებ;
22. ამზადებს განყოფილების საქმიანობასთან დაკავშირებულ ოფიციალურ წერილებს, მოხსენებით ბარათებს, წინადადებებს, დასკვნებს, ანგარიშებსა და სხვა შესაბამის დოკუმენტაციას ან უზრუნველყოფს მათ მომზადებას;
23. კომპეტენციის ფარგლებში მონაწილეობს მუნიციპალიტეტის შესაბამისი სამართლებრივი აქტების პროექტების, პროგრამული დოკუმენტებისა და სხვა ადმინისტრაციული დოკუმენტების მომზადებაში;
24. უზრუნველყოფს განყოფილებაში შემოსული კორესპონდენციისა და სამსახურის უფროსის მიერ გაცემული დავალებების დროულ განხილვასა და შესრულებას;
25. სამსახურის უფროსს წარუდგენს წინადადებებს განყოფილების პროფესიულ საჯარო მოხელეთა შვებულების, მივლინების, წახალისების ან/და დისციპლინური პასუხისმგებლობის საკითხებთან დაკავშირებით;
26. განსაზღვრავს განყოფილების პროფესიულ საჯარო მოხელეთა თანამდებობრივ მოვალეობებს, ორგანიზებას უწევს და აკონტროლებს მათ მიერ დაკისრებული ფუნქციების შესრულებას;
27. „საჯარო სამსახურის შესახებ“ საქართველოს კანონით დადგენილი წესით აფასებს განყოფილების პროფესიულ საჯარო მოხელეთა საქმიანობას;
28. ზრუნავს განყოფილების თანამშრომელთა პროფესიული განვითარების, კვალიფიკაციის ამაღლებისა და სამუშაო პროცესის ეფექტიანობის გაუმჯობესებაზე;
29. სამსახურის უფროსს პერიოდულად და მოთხოვნის შესაბამისად წარუდგენს ანგარიშს განყოფილების მიერ შესრულებული სამუშაოების, განხორციელებული პროგრამებისა და ღონისძიებების, მიღწეული შედეგებისა და არსებული გამოწვევების შესახებ;
30. უზრუნველყოფს განყოფილების საქმიანობის გამჭვირვალობას, კანონიერებას, ეფექტიანობასა და ანგარიშვალდებულებას თავისი უფლებამოსილების ფარგლებში;
31. უზრუნველყოფს მის დაქვემდებარებაში მყოფი თანამშრომლების მიერ მერიის შინაგანაწესის, პროფესიული ეთიკის ნორმებისა და სამსახურებრივი დისციპლინის დაცვას;
32. უზრუნველყოფს პერსონალური მონაცემებისა და სამსახურებრივი ინფორმაციის დაცვას კანონმდებლობით დადგენილი მოთხოვნების შესაბამისად;
33. კომპეტენციის ფარგლებში მონაწილეობს მოქალაქეთა, ახალგაზრდების, სპორტსმენებისა და სხვა დაინტერესებული პირების განცხადებებისა და წინადადებების განხილვაში;
34. შეიმუშავებს წინადადებებს განყოფილების საქმიანობის ორგანიზაციული და ფუნქციური სრულყოფის მიზნით;
35. სამსახურის უფროსის დავალებით წარმოადგენს განყოფილებას სამუშაო შეხვედრებზე, კომისიებში, საბჭოებში და სხვა შესაბამის ფორმატებში თავისი კომპეტენციის ფარგლებში;
36. ასრულებს სამსახურის უფროსის ცალკეულ დავალებებს, თუ ისინი გამომდინარეობს სამსახურისა და განყოფილების კომპეტენციიდან;
37. ახორციელებს საქართველოს კანონმდებლობით, სიღნაღის მუნიციპალიტეტის მერიის დებულებით, განათლების, კულტურისა და სპორტის სამსახურის დებულებით, მუნიციპალიტეტის სხვა სამართლებრივი აქტებითა და თანამდებობრივი ინსტრუქციით განსაზღვრულ სხვა უფლებამოსილებებს.

მინიმალური განათლება:

ბაკალავრი

სამუშაო გამოცდილება:

2 წელი

საკონკურსო თემატიკა:

ა) საქართველოს კონსტიტუცია;

ბ) ევროპული ქარტია ,,ადგილობრივი თვითმმართველობის შესახებ“;

გ) საქართველოს ორგანული კანონი ,,ადგილობრივი თვითმმართველობის შესახებ“;

დ) საქართველოს კანონი ,,საჯარო სამსახურის შესახებ“;

ე) საქართველოს ზოგადი ადმინისტრაციული კოდექსი;

ვ) სიღნაღის მუნიციპალიტეტის მერიის დებულება.

საკონკურსო კომისიის მისამართი:

ქ.სიღნაღი აღმაშენებლის მოედანი 2

საკონტაქტო ტელეფონები:

599855705

საკონტაქტო პირი:

ლია ზურაშვილი, კომისიის თავმჯდომარე

დამატებითი მოთხოვნები:

1. სპორტის სფეროში, ახალგაზრდულ საქმეთა საკითხებზე ან/და პროექტების მართვის მიმართულებით, მათ შორის საგრანტო პროგრამების, პროგრამული ბიუჯეტის შემუშავების და სტრატეგიულ დოკუმენტებთან მუშაობის არანაკლებ 2 წლიანი გამოცდილება;

2.ესმის ორგანიზაციის მისია, საჯარო სამსახურის ეთიკა და საზოგადოებრივი სარგებელი;

3. იყენებს გადაწყვეტილების მიღების სხვადასხვა მიდგომებს;
4. ავლენს ორგანიზაციული სტრუქტურის და პროცესების ანალიზის უნარს;
5. ავლენს კონფლიქტებისა და დავების მართვისა და გადაჭრის უნარებს;
6. ავლენს მოლაპარაკების უნარებს;
7. პრობლემების ანალიზის უნარს;
8. ავლენს საკანონმდებლო ტექნიკის გამოყენების უნარს.

დამატებითი ინფორმაცია:

1. დახურული კონკურსი ცხადდება საჯარო სამსახურის სისტემის მასშტაბით და გულისხმობს შესაფერისი კანდიდატის შერჩევას მოქმედი მოხელეებიდან, მოხელეთა რეზერვში ჩარიცხული მოხელეებიდან და შრომითი ხელშეკრულებით დასაქმებული პირებიდან; ამასთანავე, შრომითი ხელშეკრულებით დასაქმებულ პირს უფლება აქვს, მონაწილეობა მიიღოს დახურულ კონკურსში, თუ იგი არანაკლებ 1 წელი მუშაობს საჯარო სამსახურის სისტემაში;
2. შრომითი ხელშეკრულებით დასაქმებული პირი ვაკანტურ თანამდებობაზე მიიღება გამოსაცდელი ვადით, რომლის ხანგრძლივობა შეადგენს 12 თვეს.
3. კანდიდატმა სავალდებულოა ატვირთოს ცნობა, რომლითაც დასტურდება, რომ კანდიდატი არის მოქმედი პროფესიული საჯარო მოხელის სტატუსის მქონე პირი, ან შრომითი ხელშეკრულებით დასაქმებული პირი, რომელიც არანაკლებ 1 წელი მუშაობს საჯარო სამსახურის სისტემაში ან რეზერვში ჩარიცხული პირი.

4.კონკურსში მონაწილეობის მსურველმა კანდიდატმა საკონკურსო კომისიას უნდა წარუდგინოს განაცხადი მხოლოდ ელექტრონული ფორმით, საქართველოს მთავრობის ადმინისტრაციის მიერ ადმინისტრირებული ვებ-გვერდის (www.vacancy.hr.gov.ge) მეშვეობით ;

5. კონკურსში მონაწილების მსურველმა კანდიდატმა შესაბამის ველში უნდა ატვირთოს:

.განათლების დამადასტურებელი დოკუმენტის ასლი;

.სამუშაო გამოცდილების დამადასტურებელი დოკუმენტის ასლი ;

. შესავსოს სამოტივაციო წერილის ველი.

6. კანდიდატი, რომლის მონაცემებიც არ შეესაბამება დადგენილ საკვალიფიკაციო მოთხოვნებს, ვერ გააგრძელებს კონკურსის მომდევნო ეტაპზე მონაწილეობას;
7. კონკურსის ყოველი ეტაპის შესახებ (ზუსტი ადგილი, თარიღი, დრო) კონკურსანტებს ეცნობებათ მათ მიერ აპლიკაციაში მითითებულ ელექტრონულ ფოსტაზე;
8. კონკურსანტი უნდა გამოცხადდეს კონკურსის დაწყებამდე 30 წთ-ით ადრე;
9. პირადობის დამადასტურებელი დოკუმენტის გარეშე გამოცხადებული კონკურსანტი გასაუბრებაზე არ დაიშვება.

გადაწყვეტილების მიღების ფორმა და ვადა:

კომისია გადაწყვეტილებას იღებს ქულათა სისტემის საფუძველზე განაცხადების წარდგენის ვადის დასრულებიდან არაუგვიანეს 3 თვის ვადაში.