Full Stack დეველოპერი

02-11-2026 - 03-12-2026

„დრესაპ ჯგუფი“ 32 წელია მოღვაწეობს საქართველოს ბაზარზე და ექსკლუზიურად წარმოადგენს ტანსაცმლისა და ფეხსაცმლის მსოფლიოში აღიარებულ ბრენდებს: Levi’s, Lacoste, CK, Tommy Hilfiger, Tommy Jeans, Gant, Samsonite, Guess, Lee, Wrangler, Jack & Jones, Mavi, Etam, Converse, Vans, Adidas და სხვა.

კომპანია წარმოდგენილია 90-ზე მეტი მაღაზიით თბილისში, რუსთავში, ბათუმსა და ზუგდიდში. ასევე, ონლაინ მაღაზიით - Dressup.ge.

Dressup.ge - მოდის სფეროში საქართველოში წამყვანი ელექტრონული კომერციის პლატფორმაა, რომელიც აერთიანებს ტანსაცმლისა და ფეხსაცმლის მსოფლიოში აღიარებულ ბრენდებს - ეძებს Full-Stack დეველოპერს.

შენ მიიღებ უშუალო მონაწილეობას მასშტაბირებადი სისტემების განვითარებაში. ჩვენთან დაგხვდება საინტერესო ტექნიკური გამოწვევები:

• დიდი მოცულობის მონაცემების მუდმივი სინქრონიზაცია;
• ERP სისტემებთან კავშირი;
• სისტემების პერფორმანსის ოპტიმიზაცია;
• მონაცემებზე დაფუძნებული გადაწყვეტილებები პერსონალიზებული შოპინგ-გამოცდილების შესაქმნელად;
• საძიებო სისტემის ოპტიმიზაცია, AI-ზე დაფუძნებული რეკომენდაციები;
• საქართველოს ბაზარზე არსებულ, თითქმის ყველა, ონლაინ გადახდის არხთან ინტეგრაცია;
• სხვა კომპლექსური e-commerce გადაწყვეტილებების დანერგვა.

Dressup-ში ჩვენ სიამოვნებით ვახალისებთ ტექნოლოგიურ თავისუფლებასა და ინოვაციებს. შენ გექნება სივრცე და მხარდაჭერა ახალი იდეების განხორციელებისთვის, რათა ერთად შევქმნათ საუკეთესო ციფრული გამოცდილება ჩვენი მომხმარებლებისთვის.

ჩვენ გთავაზობთ:

• კორპორატიულ ფასდაკლებას პროდუქციაზე;
• ჯანმრთელობის დაზღვევას;
• ფიტპასის მომსახურებას;
• იდეების წახალისებას/მხარდაჭერას.

სამუშაო პირობები:

• სამუშაო გრაფიკი - კვირაში 40 სთ;
• ანაზღაურება - გამოცდილების მიხედვით;
• სამუშაო ადგილი - სათავო ოფისი, დ. გამრეკელის ქ. #19.

ფუნქციები და მოვალეობები:

• Software დეველოპმენტის სრული პროცესის მართვა კონცეფციიდან შექმნამდე, როგორც Client Side, ისე Server Side (Front-End Development, Back-End Development - Database, Server Architecture Design and Creation, API - REST, Version Control Systems);
• API-ის დოკუმენტაციის გარჩევა და დიზაინი;
• ახალი პროგრამული უზრუნველყოფის შექმნა, ასევე კომპანიაში არსებული პროგრამული უზრუნველყოფის მხარდაჭერა და განახლება;
• შესრულებული სამუშაოების ტექნიკური დოკუმენტაციის შემუშავება.

საკვალიფიკაციო მოთხოვნები და უნარ-ჩვევები:

• მინიმუმ 3 წლიანი გამოცდილება ვებ აპლიკაციების დეველოპმენტში;
• Back-End ტექნოლოგიები: PHP-ის (Object Oriented Programming - OOP) სიღრმისეული ცოდნა;
• Laravel ფრეიმვორქთან მუშაობის გამოცდილება;
• CMS სისტემებთან მუშაობის გამოცდილება (სასურველია PrestaShop + Symfony);
• Front-End ტექნოლოგიები: HTML5, CSS3 და JavaScript-ის ცოდნა;
• Vue.js და Nuxt.js ფრეიმვორქებთან მუშაობის გამოცდილება;
• მონაცემთა ბაზები და ქეშირება: MySQL (DBMS) ცოდნა: მონაცემთა ბაზის არქიტექტურის დიზაინი, ოპტიმიზაცია და აგება;
• Caching მექანიზმების გამოყენების გამოცდილება;
• ინტეგრაციები და ვებ-სერვისები: API-ებთან მუშაობის გამოცდილება (REST, SOAP, JSON, XML);
• სერვერი და ვერსიების კონტროლი: Git ვერსიების კონტროლის სისტემასთან (Version Control System) მუშაობის გამოცდილება;
• სასურველია Web Server-ებთან მუშაობის გამოცდილება (Nginx ან Apache);
• მონიტორინგი და ოპტიმიზაცია: ვებ აპლიკაციებისა და ინფრასტრუქტურის პერფორმანსის მონიტორინგი და ხარვეზების აღმოფხვრა.

კანდიდატთა შერჩევა

გთხოვთ, დაინტერესების შემთხვევაში თქვენი CV/რეზიუმე ატვირთეთ 2026 წლის 3 დეკემბრის ჩათვლით.

დაკავშირება მოხდება მხოლოდ შერჩეულ კანდიდატებთან.

გისურვებთ წარმატებას!