ფინანსური დეპარტამენტის უფროსი

პოზიციის დასახელება:

ფინანსური დეპარტამენტის უფროსი

კონკურსის ტიპი:

სხვა

ორგანიზაცია:

შპს - საქართველოს აეროპორტების გაერთიანება

ორგანიზაციის შესახებ:

კომპანიის სამართლებრივ ფორმას წარმოადგენს - შეზღუდული პასუხისმგებლობის საზოგადოება. კომპანია შექმნილია „მეწარმეთა შესახებ“ საქართველოს კანონის შესაბამისად.

შპს „საქართველოს აეროპორტების გაერთიანება“ არის 100%-ით სახელმწიფოს საკუთრებაში არსებული კომპანია, რომელიც საქართველოს ეკონომიკისა და მდგრადი განვითარების სამინისტროს სისტემაში მოქმედებს.

კომპანიის ძირითადი ფუნქციაა საქართველოში არსებული სამოქალაქო აეროპორტების მართვა, ზედამხედველობა, განვითარება და შესაბამისი ინფრასტრუქტურისა და საავიაციო უსაფრთხოების უზრუნველყოფა.

ამ ეტაპზე, კომპანია ოპერირებს საქართველოს სამ აეროპორტში. ესენია: დავით აღმაშენებლის სახელობის ქუთაისის საერთაშორისო აეროპორტი; თამარ მეფის სახელობის მესტიის აეროპორტი და ამბროლაურის აეროპორტი.

კატეგორია:

ფინანსები

განცხადების ბოლო ვადა:

24.11.2026

თანამდებობრივი სარგო:

6798 ლარი

ადგილების რაოდენობა:

1

სამსახურის ადგილმდებარეობა:

თბილისი

სამუშაოს ტიპი:

სრული განაკვეთი

გამოსაცდელი ვადა:

6 თვე

ფუნქციები:

1. კომპანიის ფინანსური საქმიანობის გამართულად, სტანდარტების და კანონმდებლობის შესაბამისად წარმართვის უზრუნველყოფა;
2. IFRS სტანდარტების სიახლეების გაცნობა და შესაბამისად მათი დანერგვის უზრუნველყოფა აუდიტორებთან კოორდინაციით;
3. ყოველწლიურად ფინანსური ანგარიშგების აუდიტის ჩატარების უზრუნველყოფა;
4. კომპანიის ყოველწლიური ბიზნეს-გეგმის შემუშავების მიზნით, მომავალი წლის შემოსავლების, ხარჯების, კაპიტალური დანახარჯების, ფულადი სახსრების მიმოქცევის განსაზღვრა, განვლილი წლების გამოცდილების და ფინანსური მაჩვენებლების, დაგეგმილი პროექტების, სხავადასხვა სამსახურებიდან მოძიებული ინფორმაციის, მიმდინარე ეკონომიკური პროცესების და სხვა რელევანტური ფაქტორების გათვალისწინებით;
5. შემოსავლების, ხარჯების და კაპიტალური დანახარჯების, ფულადი სახსრების მიმოქცევის ანალიზისა და განსაზღვრის შემდგომ კომპანიის ყოველწლიური ბიზნეს-გეგმის შემუშავების ორგანიზება და ხელმძღვანელობისათვის და პარტნიორისთვის წარდგენა;
6. კომპანიის ყოველწლიური ბიზნეს-გეგმის ფაქტიური შესრულების მუდმივი მონიტორინგის ორგანიზება და დაგეგმილი პარამეტრების მოსალოდნელი ან/და ფაქტობრივად დამდგარი შეუსრულებლობის შემთხვევაში ინფორმაციის დროული მიწოდება ხელმძღვანელობისათვის, შესაბამისი მიზეზების, ანალიზისა და რეკომენდაციების თანხლებით;
7. სამეთვალყურეო საბჭოსა და პარტნიორისათვის ფინანსური ანგარიშების მომზადების ორგანიზება;
8. ფულადი სახსრების მოძრაობის უწყისების, მოგება-ზარალის, ბალანსის წარმოების სისტემატური მონიტორინგი და ყოველთვიური, ყოველკვარტალური და წლიური ანგარიშის მომზადების ორგანიზება;
9. წლის განმავლობაში, სხვადასხვა რელევანტური გარემოებების საფუძველზე, ბიზნეს-გეგმის კორექტირების საჭიროების გამოვლენა, კორექტირების მომზადება და ხელმძღვანელობისათვის წარდგენა;
10. ბიზნეს-გეგმის დაკორექტირების შემთხვევაში, კომპანიის შესაბამისი სამსახურებისათვის განახლებული ინფორმაციის მიწოდების უზრუნველყოფა;
11. კომპანიის ფაქტობრივი ხარჯების ანდა შემოსავლების ანალიზის დროს უზუსტობის, ხარჯის ზრდის ან შემოსავლის კლების გამოვლენის შემთხვევაში შესაბამისი სამსახურისაგან ინფორმაციის გამოთხოვის ორგანიზება და სათანადო რეკომენდაციის შემუშავება ან საჭირო ღონისძიებების ორგანიზება / ინიცირება;
12. დროის კონკრეტული მომენტსა თუ მონაკვეთში კომპანიის თავისუფალი თუ კონკრეტული მიზნებისთვის განკუთვნილი ფულადი რესურსების მდგომარეობის და მოძრაობის პროგნოზირების შესახებ მუდმივად განახლებული ინფორმაციის არსებობის უზრუნველყოფა;
13. კომპანიის აქტივებისა თუ ვალდებულებების გადაფასების მიზანშეწონილობაზე წინადადებების მომზადება ხელმძღვანელობისათვის, ან ბუღალტერიის მიერ გაკეთებული ამგვარი წინადადებების შეფასება;
14. კონტრაქტორებთან მოლაპარაკებებში მონაწილეობა ფინანსური ანგარიშსწორების განხორციელების საკითხებზე;
15. კომპანიისათვის ფინანსური ან/და საგადასახადო შესაძლებლობებისა და რისკების შეფასება და რეკომენდაციებისა თუ დასკვნების მომზადება;
16. კომპანიაში საჭიროებისამებრ ERP პროგრამის დანერგვისა და მისი სამომავლო განვითარების უზრუნველყოფა;
17. საჭიროებისამებრ ურთიერთობა და კოორდინაცია კომპანიის აუდიტორ(ებ)თან, ფინანსურ კონსულტანტებთან, ბანკებთან, საგადასახადო თუ სხვა სახელმწიფო უწყებებთან;
18. კომპანიის მიერ განხორციელებული ან დაგეგმილი ცალკეული საქმიანობ(ებ)ის ფინანსური ეფექტიანობის ანალიზის მომზადების ორგანიზება და შესაბამისი რეკომენდაციების შემუშავება;
19. ხელმძღვანელობის მიერ მიღებული გადაწყვეტილებ(ებ)ის, დაგეგმილი პროექტების და ინვესტიციების ფინანსური ანალიზის ორგანიზება და შესაბამისი რეკომენდაციების შემუშავება;
20. კომპანიის სატარიფო პოლიტიკის შემუშავების მიზნით სხვადასხვა გაანგარიშებების და ანალიზის მომზადების ორგანიზება და შესაბამისი რეკომენდაციების შემუშავება;
21. კომპეტენციის ფარგლებში, ხელმძღვანელობის სხვა დავალებების შესრულება.

მინიმალური განათლება:

უმაღლესი განათლება

სამუშაო გამოცდილება:

5 წელი

პროფესია:

ეკონომიკის, ფინანსების, ბუღალტრული აღრიცხვის მიმართულებით

საკონკურსო კომისიის მისამართი:

საქართველო, თბილისი, ისანი-სამგორის რაიონი, აეროპორტების დასახლება, ჭანკოტაძის ხეივანი N21

საკონტაქტო ტელეფონები:

511146110

დამატებითი მოთხოვნები:

- ეკონომიკის, ფინანსების, საბუღალტრო აღრიცხვის ან/და აუდიტის მიმართულებით მუშაობის არანაკლებ 5-წლიანი გამოცდილება;

- ხელმძღვანელ თანამდებობაზე მუშაობის არანაკლებ 3-წლიანი გამოცდილება;

- ფინანსური დაგეგმვის, ბიუჯეტირების, ფინანსური ანალიზისა და ანგარიშგების მომზადების პრაქტიკული გამოცდილება;

- წლიური ბიზნეს-გეგმებისა და ბიუჯეტების შემუშავებისა და შესრულების მონიტორინგის გამოცდილება.

- ფინანსური ანგარიშგების საერთაშორისო სტანდარტების (IFRS) ცოდნა და პრაქტიკაში გამოყენების გამოცდილება;

- ERP სისტემებთან მუშაობის გამოცდილება.

- სასურველია მაგისტრის აკადემიური ხარისხი.

კომპეტენციები

• სტრატეგიული და ანალიტიკური აზროვნება;
• ხელმძღვანელობისა და გადაწყვეტილების მიღების უნარი;
• დაგეგმვისა და ორგანიზების უნარი;
• პასუხისმგებლობის მაღალი გრძნობა;
• ეფექტიანი კომუნიკაციისა და მოლაპარაკების უნარი;
• გუნდური მუშაობისა და თანამშრომელთა მოტივირების უნარი;
• პრობლემების იდენტიფიცირებისა და გადაჭრის უნარი;
• დეტალებზე ორიენტირებულობა;
• კონფიდენციალური ინფორმაციის დაცვის უნარი.

დამატებითი ინფორმაცია:

გამოსაცდელი ვადის პერიოდში ანაზღაურება განისაზღვრება 6798 (Gross) ლარის ოდენობით.

გამოსაცდელი ვადის პერიოდის დასრულების შემდეგ ანაზღაურება განისაზღვრება 9065 (Gross) ლარის ოდენობით.

განაცხადების გადარჩევის შედეგად კონკურსანტი ვერ გადავა კონკურსის შემდეგ ეტაპზე, თუ წარმოდგენილი ინფორმაცია არ შეესაბამება დადგენილ მოთხოვნებს ან არასრულყოფილად იქნება წარმოდგენილი.

კანდიდატის თანხმობის შემთხვევაში, გასაუბრებაზე შესაძლებელია განხორციელდეს გასაუბრების ვიდეო ან/და აუდიო ჩაწერა.

მოცემულ კონკურსზე რეზიუმეს გამოგზავნით კანდიდატი ადასტურებს, რომ იცნობს და ეთანხმება ვაკანსიის განაცხადში მოცემულ ფუნქციებსა და პირობებს. ასევე, ის თანახმაა, მის რეზიუმეში მოცემული პერსონალური მონაცემები, „პერსონალურ მონაცემთა დაცვის შესახებ" საქართველოს კანონის მოთხოვნათა შესაბამისად, დამუშავდეს, კონკურსის მიზნებისთვის.

გადაწყვეტილების მიღების ფორმა და ვადა:

კომპანიის საკონკურსო კომისიის მიერ გადაწყვეტილება მიიღება ხმათა უმრავლესობით, განცხადების წარდგენის ვადის დასრულებიდან არაუგვიანეს სამი თვის განმავლობაში.